བདེ་ཆེན་བོད་སྨན་གྱི་རུས་རྨ་བཅོས་ཐབས།༼ཁག་གཉིས་པ།༽

བོད་ཀྱི་གསོ་རིག་ལས་སྲོལ་རྒྱུན་གྱི་སྨན་བཅོས་བྱེད་ཐབས་འགའ།

    རྡོ་ཆས་གསར་པའི་དུས་སྐབས་སུ་བདེ་ཆེན་མངའ་ཁོངས་ཀྱི་བོད་རིགས་སྔོན་བྱོན་པ་ཚོས་རང་བྱུང་ཁམས་ཆེན་པོ་དང་དེ་བཞིན་ནད་ཡམས་དང་འཐབ་རྩོད་བྱེད་པའི་བརྒྱུད་རིམ་ནང་བོད་ལུགས་གསོ་རིག་གི་གདོད་མའི་སྨན་བཅོས་ཐབས་ཏེ། བོན་སྨན་གྱི་སྨན་བཅོས་བྱེད་ཐབས་རིམ་བཞིན་དར་རེད། མར་གྱིས་འཚིག་རྨས་དང་བསྲེག་རྨས། རླུང་ནད་བཅོས་ཐབས། ནས་ཆང་གིས་ཁྲག་རྩ་བདེ་རུ་གཏོང་བ་དང་གྲང་ངར་འགོག་པ། ཤུག་པ་དང་ཁམ་སོགས་གདུབ་སྤོས་ཀྱི་ས་རིམས་ནད་འགོག་སོགས་བྱེད་པ་རེད། 

    རྩྭ་སྨན་འཐུ་བ། 

    བོད་ལུགས་གསོ་རིག་རིམ་བྱུང་གིས་སྨན་རྫས་འཚོལ་བསྡུ་བྱེད་པའི་དུས་ཚོད་དང་།  ས་གནས། དུག་ལྡན་གྱི་སྨན་རྫས། སྨན་རྫས་ཇི་ལྟར་སྐམ་ཤས་ཆེ་བ་དང་ཇི་ལྟར་གསོག་ཉར་བྱེད་པ་སོགས་ཚང་མར་གཏན་འབེབས་ཅུང་ནན་པོ་ཡོད་པ་རེད། འོས་ཤིང་འཚམ་པའི་སྒོ་ནས་འཚོལ་བསྡུ་དང་དུས་ཐོག་ཏུ་འཚོལ་བསྡུ་བྱེད་པ། སྐམ་ཤས་ཆེ་བའི་ས་གནས་གདམ་གསེས་དང་རྙིང་པ་དབྱེ་འབྱེད་སོགས་ཀྱི་བླང་བྱ་བཏོན་ན་ད་གཟོད་སྨན་རྫས་ཀྱི་སྨན་ནུས་ཆེས་ཆེ་བ་དང་། སྨན་བཅོས་ཀྱི་ཕན་འབྲས་ཆེས་བཟང་བ་ཁག་ཐེག་བྱས་རེད།

རྩྭ་སྨན་འཐུ་བཞིན་པ། 

        བོད་སྨན་ལས་སྣོན།

        བོད་སྨན་རྩི་ཤིང་གི་དུག་སེལ་རྩ་དོན་གཙོ་བོ་ནི་རྩད་པ་དང་རྩད་པའི་རིགས་ཀྱི་ཕྱི་ལྤགས་ནང་རྐང་ལེན་པ། ཡལ་གའི་རིགས་ཀྱི་སྨན་དུས་ཆེན་དང་ལོ་མའི་རིགས་ཀྱི་སྨན་ཡུ་བ་ལེན་པ། མེ་ཏོག་རིགས་ཀྱི་སྨན་རྩྭའི་སྐོགས་ལེབ་ལེན་པ། སིལ་ཏོག་རིགས་ཀྱི་ཉིང་རིལ་དང་ཉིང་བཅུད་ལེན་པ། 

        བཙོ་ཐབས་སྦྱོར་བཟོ་ནི་(དངུལ་ཆུ་བཙོ་ཐབས)བོད་ཀྱི་སྨན་པ་གྲགས་ཅན་རིམ་བྱུང་གིས་དུག་ཤེད་ཆེ་བའི་དངུལ་ཆུ་རྙོག་འཛིང་ཆེ་ལ་དམིགས་བསལ་གྱི་ལས་སྣོན་བྱས་ནས་བཙོ་སྦྱོང་བྱས་རྗེས་དུག་མེད་པར་བྱེད་པ་མ་ཟད། སྨན་ནུས་ཁྱད་མཚར་ལྡན་པའི་སྨན་རྫས་ཁྲོད་ཀྱི་རྒྱལ་པོར་བཙོ་སྦྱང་བྱས་པ་ཞིག་ཡིན། དུག་ལྡན་དངོས་པོ་ལས་སྣོན་བྱ་རྒྱུ་དེ་ངོ་མཚར་ཆེ་བའི་བཙོ་སྦྱོང་གི་རྩལ་ཞིག་ཡིན་ལ། འདི་ནི་འཛམ་གླིང་གི་སྲོལ་རྒྱུན་གསོ་རིག་ཆེན་པོ་བཞིའི་ཁྲོད་བོད་ཀྱི་གསོ་རིག་ཁོ་ནར་ཡོད་པ་ཞིག་ཡིན།

བོད་སྨན་ལས་སྣོན་དང་སྦྱོར་བཟོ།

        སྲོལ་རྒྱུན་བོད་སྨན།

        སྲོལ་རྒྱུན་བོད་སྨན་གྱི་སྨན་རྫས་ལ་གཙོ་བོ་ཁུ་བ་དང་། ཐོར་རྫས། རིལ་བུ། བྱུག་རྫས། སྨན་སྣུམ། སྨན་ཆང་། སྦྱོར་རྫས་སོགས་ཀྱི་སྨན་རྫས་ཡོད། མིག་སྔར་བདེ་ཆེན་བོད་སྨན་ལ་གཙོ་བོ་ཐོར་རྫས་དང་རིལ་རྫས་རིགས་གཉིས་སྤྱོད་ཀྱི་ཡོད་པ་དང་སྨན་རྫས་གཞན་དག་བེད་སྤྱོད་བྱེད་པ་ཉུང་བ།

བོད་སྨན།

        སྨན་རྩིས་ཁང་གི་བོད་སྨན་སྨན་སྦྱོར་ཁང་།

        1989ལོར་བདེ་ཆེན་ཁུལ་བོད་སྨན་ཁང་གིས་བོད་སྨན་སྨན་བཟོ་ཁང་བཙུགས་ནས་སྔ་རྗེས་སུ་བོད་སྨན་སྣ་ཁ་100ལྷག་ཙམ་ཞིབ་བཟོ་དང་ཐོན་སྐྱེད་བྱས་པའི་ནང་རྩ་ཆེའི་བོད་སྨན་སྣ་ཁ་10ལྷག་ཙམ་ཡོད་ལ། དེའི་ནས་དཔེར་ན་མུ་ཏིག་བདུན་བཅུ་དང་རིན་ཆེན་མང་སྦྱོར། མུ་ཏིག་ཉེར་ལྔ་སོགས་ཡོད། མིག་སྔའི་བར་བདེ་ཆེན་ཁུལ་སྨན་རྩིས་ཁང་ལ་སྨན་བཅོས་སྒྲིག་གཞིའི་སྨན་རྫས་ཐོན་རིམ་གྱི་ཨང་གྲངས་116ཡོད་ལ། ད་ལྟ་སྨན་ཁང་གི་བོད་སྨན་ཁྲོད་95%སྨན་ཁང་རང་གིས་བཟོ་ཐུབ་པ་རེད།

བོད་སྨན་ལས་སྣོན་ཁང་།

        བདེ་ཆེན་བོད་ལུགས་གསོ་རིག་གི་རུས་རྨ་བཅོས་ཐབས། 

        བདེ་ཆེན་བོད་ལུགས་གསོ་རིག་གི་རུས་རྨས་བཅོས་ཐབས་ལ་རུས་མཐུད་ནུས་པ་ལྡན་པའི་རང་བྱུང་རྩྭ་སྨན་སོས་པ་ཕྱི་ལ་སྦྱར་བ་དང་། ནང་དུ་སྲོལ་རྒྱུན་བོད་སྨན་འཐུང་རྒྱུ་ཟུང་འབྲེལ་བྱས་པས་ས་གནས་ཀྱི་ཁྱད་ཆོས་མངོན་གསལ་དོད་པའི་རུས་རྨ་སྨན་བཅོས་བྱེད་ཐབས་ཤིག་ཆགས་ཡོད། དེའི་སྨན་བཅོས་ལ་གཙོ་བོ་རུས་ཆག་ཧྲིལ་པོ་དང་། ཕྱི་སྦྱར་ལ་པང་ལེབ་ཀྱིས་གཏན་འཇགས་བྱེད་པ། བྱེད་ནུས་སྦྱོང་བརྡར་སོགས་ཀྱི་གོ་རིམ་འགའ་ཚུད་ཡོད། 2011ལོར་བདེ་ཆེན་བོད་ལུགས་གསོ་རིག་སྨན་རྫས་ཀྱི་རུས་རྨས་བཅོས་་ཐབས་དེ་རྒྱལ་ཁབ་ཀྱི་མངོན་མིན་རིག་གནས་ཤུལ་བཞག་སྲུང་སྐྱོང་གི་མིང་གཞུང་ནང་བཅུག་ཡོད།

བོད་ལུགས་གསོ་བ་རིག་གི་རུས་རྨ་བཅོས་ཐབས།