སྨི་ཁྲི་གཅིག་གི་རྒྱུག་འགྲན་ལས་གསེར་གྱི་རྟགས་མ་སྟོབས་རྒྱལ་ལ་ཐོབ།

        སྟོབས་རྒྱལ་ནི་ལོ༢༧ཡིན་པ་དང་།  ལོ༡༥ལ་སླེབས་སྐབས་རྒྱང་རྒྱུག་སྦྱོང་བརྡར་བྱེད་མགོ་བཙུགས་ཤིང་།  ལོ༡༦ལ་སླེབས་སྐབས་བོད་རང་སྐྱོང་ལྗོངས་ཀྱི་རྒྱང་རྒྱུག་འབྲིང་རྒྱུག་རུ་ཁག་ཏུ་ཞུགས།  སྤྱི་ལོ༢༠༡༢ལོར་རྒྱང་རྒྱུག་གཅིག་བསྡུས་སྦྱོང་བརྡར་རུ་ཁག་ཏུ་བདམས་པ་རེད། སྤྱི་ལོ༢༠༡༧ལོའི་ཟླ༩ཚེས༥ཉིན་ཐེན་ཅིན་དུ་འཚོགས་པའི་རྒྱལ་ཡོངས་ལུས་རྩལ་འགྲན་ཚོགས་སྐབས་བཅུ་གསུམ་པའི་སྐྱེས་པའི་སྨི༡༠༠༠༠ཡི་འགྲན་བསྡུར་ཁྲོད་ཨང་དང་པོ་བླངས་པ་དང་།  སྤྱི་ལོ༢༠༢༠ལོའི་ཟླ༡༡ཚེས༢༩ཉིན་ནན་ཅིང་གི་མ་ལ་སུང་རྒྱང་རྒྱུག་འགྲན་བསྡུར་ཁྲོད་ཨང་གསུམ་པ་བླངས་པ་རེད།  སྤྱི་ལོ༢༠༢༡ལོའི་ཟླ༦ཚེས༢༤ཉིན་རྒྱལ་ཡོངས་ལུས་རྩལ་འགྲན་ཚོགས་སྐབས་བཅུ་བཞི་པའི་ཐོག་སྐྱེས་པའི་སྨི༡༠༠༠༠དང་སྨི༥༠༠༠ཡི་གྲ་སྒྲིག་འདེམས་སྒྲུག་འགྲན་བསྡུར་ཁྲོད་ཨང་དང་པོ་བླངས་པ་རེད།