བོད་ཀྱི་དབང་སྐྱོན་ལུས་རྩལ་པས་སྐད་གྲགས་བཞག་འདུག

རྩོམ་པ་པོ།     ཡིག་བསྒྱུར།       དུས་ཚོད།   2021-10-18   རྩོམ་ཁུངས།    སེམས་ཀྱི་ཞིང་ཁམས།

        ཉེ་ཆར། མཇུག་བསྒྲིལ་མ་ཐག་པའི་རྒྱལ་ཡོངས་ཀྱི་སྐབས་བཅུ་གཅིག་པའི་དབང་སྐྱོན་མི་སྣའི་ལུས་རྩལ་འགྲན་ཚོགས་ཀྱི་PR3རིམ་པའི་སྨི་༢༠༠༠གི་བུད་མེད་མི་གཉིས་ཀྱི་གྲུ་འགྲན་ནང་། བོད་ཀྱི་ལུས་རྩལ་པ་སྤེན་པ་སྒྲོལ་མ་དང་ཁོ་མོའི་རོགས་པར་དངུལ་གྱི་རྟགས་མ་ཐོབ་ཡོད་པས། དེས་དབང་སྐྱོན་མི་སྣའི་ལུས་རྩལ་འགྲན་ཚོགས་ཐོག་བོད་ལ་བྱ་དགའ་ཐོབ་མྱོང་མེད་པའི་སྟོང་ཆ་བསྐངས་ཡོད།

        བོད་ལྗོངས་དབང་སྐྱོན་ལྷན་ཚོགས་ཀྱི་ལས་དོན་མི་སྣས་ངོ་སྤྲོད་བྱས་པར་གཞིགས་ན། ཐེངས་འདིའི་འགྲན་བསྡུར་དེ་ནི་ཟན་ཤི་ཞིང་ཆེན་གྱི་ཆུ་ཐོག་ལུས་རྩལ་དོ་དམ་ལྟེ་གནས་སུ་གཉེར་པ་དང་། བོད་ཀྱི་ཐོས་ཤུགས་ཉམས་པའི་དབང་སྐྱོན་ལུས་རྩལ་པ་གཉིས་འགྲན་བསྡུར་ནང་ཞུགས་ཤིང་། ལོ་༡༨ལ་སོན་པའི་སྤེན་པ་སྒྲོལ་མ་ནི་ཆབ་མདོ་གྲོང་ཁྱེར་བྲག་གཡབ་རྫོང་ནས་ཡིན་ཞིང་། ད་ཐེངས་ཁོང་དང་རུ་མིས་ཞོགས་འདེགས་དམ་ཟབ་བྱས་ཏེ། ཨང་གཉིས་པའི་གྲུབ་འབྲས་བཟང་པོ་ཞིག་ཐོབ་ཡོད་པ་རེད།

        སྤེན་པ་སྒྲོལ་མས་ད་ཐེངས་རང་ཉིད་ཀྱིས་དུས་རྒྱུན་སྦྱོང་བརྡར་བྱེད་སྐབས་ཀྱི་ཆུ་ཚད་ཡག་ཤོས་དེ་འདོན་སྤེལ་བྱེད་ཐུབ་སོང་བས། ཡིད་ཚིམ་པོ་བྱུང་ལ། བྱ་དགའ་ལེན་སའི་སྟེགས་བུའི་ཐོག་སྐྱོད་སྐབས་སེམས་ནང་སྤོབས་སེམས་ཆེན་པོ་སྐྱེས་བྱུང་ཞེས་གསུངས་པ་རེད།

        ཤེས་རྟོགས་བྱུང་བར་གཞིགས་ན། ཐེངས་འདིའི་དབང་སྐྱོན་མི་སྣའི་ལུས་རྩལ་འགྲན་ཚོགས་ནང་བོད་ཀྱི་ལུས་རྩལ་པ་༥༦ཡོད་པ་དང་། ཁོང་ཚོས་མཆོང་རྒྱུག་འཕེན་གསུམ་དང་། གྲུ་འགྲན། འཕང་མདུང་། ལོང་བའི་གར་རྩེད་ཐག་མཆོང་། ཆུ་རྐྱལ་སོགས་རྣམ་གྲངས་ནང་ཞུགས་རྒྱུ་ཡིན་པས། མཇུག་ཏུ་ང་ཚོས་ཁོང་ཚོར་གཡུར་ཟའི་གྲུབ་འབྲས་ཐོབ་པའི་སྨོན་འདུན་ཞུའོ། །


分享到：QQ空间新浪微博腾讯微博人人网微信