དུས་ཆེན་གྱི་སྐབས་སུ་ཁོ་ཚོས་སྔར་བཞིན་ལས་གནས་བརྟན་སྲུང་བྱས།

བདེ་ཆེན་ཁུལ་སྡེ་ཚན་ལས་དོན་དོ་དམ་ཅུས་ཀྱི་ལས་བྱེད་པ་དོན་གྲུབ་ཚེ་རིང་།

སུམ་རྩེན་གླིང་ལྗོངས་ཁུལ་ཀུང་སུའི་ལས་རེས་པ་ཨ་བཟང་དང་ཟླ་བ་ལྷ་མོ།

    དཔྱིད་གསར་དུས་ཆེན་ནི་བདེ་སྐྱིད་མཉམ་འཛོམས་ཀྱི་ཉིན་མོ་ཞིག་ཡིན་ལ་ཀྲུང་གོ་བས་རེ་སྒུག་ཆེ་ཤོས་བྱེད་པའི་སྲོལ་རྒྱུན་གྱི་དུས་ཆེན་ཞིག་ཀྱང་ཡིན། དཔྱིད་གསར་དུས་ཆེན་མ་ཤར་གོང་ཕྱི་རོལ་དུ་ལོ་གཅིག་དཀའ་ལས་བརྒྱབ་པའི་མི་རྣམས་གང་དུ་ཡོད་ཀྱང་ཐབས་བརྒྱ་ཇུས་སྟོང་གིས་ཁྱིམ་དུ་ལོག་པ་དང་གཉེན་ཉེ་དང་མཉམ་འཛོམས་བྱས་ཏེ་གནམ་ལོན་མཉམ་སྤྱོད་བྱེད་དགོས། འོན་ཀྱང་ལོ་ལྟར་གུས་པར་འོས་པའི་མི་ཁྱུ་གཅིག་གིས་ཁྱིམ་ཚང་མཉམ་འཛོམས་ཀྱི་བཀྲ་ཤིས་པའི་ཉིན་མོ་དེར་ལས་གནས་བརྟན་སྲུང་བྱས། བརྟན་སྲུང་ལ་བརྟེན་ནས་འགན་འཁྲི་གསལ་འགྲེལ་དང་ལེགས་སྐྱེས་འབུལ་བར་བརྟེན་ནས་བརྩེ་སེམས་ངོ་མ་བརྒྱུད་སྤྲོད་བྱས་པས་དཔྱིད་གསར་དུས་ཆེན་གྱི་མཛེས་སྡུག་ལྡན་ཤོས་ཀྱི་མཛེས་ལྗོངས་ཤིག་ཏུ་གྱུར་ཡོད།

    བདེ་ཆེན་ཁུལ་སྤྱི་བདེ་ཅུས་དྲ་ལམ་ཉེན་རྟོག་རུ་ཁུལ་གི་རུ་མི་བློ་བཟང་ཚེ་རིང་།

    ད་ལོའི་དཔྱིད་གསར་དུས་ཆེན་རིང་བདེ་ཆེན་ཁུལ་སྤྱི་བདེ་ཅུས་དྲ་རྒྱའི་ཉེན་རྟོག་ཡན་ལག་རུ་ཁག་གི་རུ་མི་བློ་བཟང་ཚེ་རིང་གིས་ཐོག་མཐའ་བར་གསུམ་དུ་ལས་གནས་བརྟན་སྲུང་བྱས་པ་དང་ཁོང་གི་བསམ་འདུན་ཆེ་ཤོས་ནི་ཁུལ་ཡོངས་ཀྱི་མི་རིགས་ཁག་གི་མང་ཚོགས་རྣམས་དགའ་དགའ་སྤྲོ་སྤྲོའི་ངང་ལོ་གསར་གཏོང་རྒྱུ་དེ་རེད། ང་ཚོས་ཐོག་མཐའ་བར་གསུམ་དུ་མི་དམངས་ཀྱི་བདེ་འཇགས་ཨང་དང་པོར་འཇོག་གི་ཡོད་པས་ངའི་ངོས་ནས་བརྗོད་ན་ལས་ཁུངས་ནི་ངའི་ཁྱིམ་ཚང་གཞན་ཞིག་ཡིན་པ་དང་ལས་ཁུངས་སུ་ལས་རེས་བྱེད་པ་ནི་དོན་དངོས་ཐོག་ཁྱིམ་ཚང་གཞན་ཞིག་ཏུ་བྱེད་ཐབས་གཞན་ཞིག་སྤྱད་དེ་ལོ་གསར་གཏོང་གི་ཡོད་པས་ངའི་བསམ་པར་དེ་སྔ་དང་ཁྱད་པར་གང་ཡང་མེད་པས་དེ་བཞིན་ཧ་ཅང་སྐྱིད་པོ་འདུག་ཅེས་བཤད།

བདེ་ཆེན་ཁུལ་120མྱུར་སྐྱོབ་སྟེ་གནས་ཀྱི་ནད་གཡོག་ཚེ་རིང་བཀྲ་ཤིས།

    ལོ་གཅིག་གི་ཉིན་365ལ་སྨན་པ་ནི་མེད་དུ་མི་རུང་བའི་བརྟན་སྲུང་མི་སྣ་ཡིན། བདེ་ཆེན་ཁུལ་120མྱུར་སྐྱོབ་ལྟེ་གནས་ཀྱི་ནད་གཡོག་ཚེ་རིང་བཀྲ་ཤིས་ཀྱིས་ང་ཚོའི་ལས་གནས་དེར་ནམ་ཡང་མི་ཆད་མི་རུང་བར་བརྟེན་དཔྱིད་གསར་དུས་ཆེན་རིང་དེ་བས་ལྷོད་གཡེང་བྱེད་མི་ཕོད་པར་ཆུ་ཚོད་24རིང་ལས་གནས་བརྗེ་རེས་བྱས་ནས་མང་ཚོགས་ཀྱི་སྨན་བཅོས་དགོས་མཁོ་འགན་ལེན་བྱ་རྒྱུ་ཡིན་ཞེས་བཤད། འབའ་ལུང་རྫོང་མི་དམངས་སྨན་ཁང་ཁ་ཁོག་ཁོའོ་ཡི་སྨན་པ་ཧྥེང་ཡུས་མེ་ཡིས་ལས་རེས་བྱས་པའི་རྐྱེན་གྱིས་གནང་གང་གི་ཟ་མ་བྲེལ་བྲེལ་འཚུབ་འཚུབ་ངང་ཁ་གཏད་གཅོག་གི་ཡོད། ཁོང་གིས་སྨན་པ་ཞིག་ཡིན་པའི་ངོས་ནས་དུས་ཆེན་དང་ངལ་གསོའི་ཉིན་མོར་ལས་རེས་བྱེད་པར་ང་ཚོ་སྔ་ས་ནས་གོམས་ཡོད། དཔྱིད་གསར་དུས་ཆེན་རིང་ནང་མི་དང་མཉམ་དུ་སྡོད་མི་ཐུབ་ཀྱང་ཚང་མའི་བདེ་ཐང་སྲུང་སྐྱོང་བྱ་རྒྱུ་ནི་ངའི་དོར་ཐབས་མེད་པའི་འགན་འཁྲི་ཞིག་ཡིན་ཞེས་བཤད།

གླ་བྱེད་རླངས་འཁོར་གྱི་ཁ་ལོ་བ་ལི་ཧུའེ་ཞིང་།

    སེམས་ཀྱི་ཉི་ཟླ་གྲོང་ཁྱེར་རྡོ་མཁར་རྫོང་གི་སྒོ་འགྲམ་དུ་གླ་བྱེད་རླངས་འཁོར་གྱི་ཁ་ལོ་བ་མང་པོ་ཞིག་གིས་ལམ་འགྲམ་དུ་འགྲུལ་པར་སྒུག་ནས་བསྡད་ཡོད། ཏ་ལི་ཁུལ་ནས་ཡོང་བའི་ལི་ཧུའེ་ཞིང་གིས་སེམས་ཀྱི་ཉི་ཟླ་གྲོང་ཁྱེར་དུ་ལས་ཀ་བྱས་ནས་ལོ་10སོང་བའི་གླ་བྱེད་རླངས་འཁོར་གྱི་ཁ་ལོ་བ་ཁོང་གིས་གསར་འགོད་པར་དཔྱིད་གསར་དུས་ཆེན་རིང་ང་ཚོས་ཀྱང་རྒྱུན་གཏན་ལྟར་ཆུ་ཚོད་བརྒྱབ་ནས་རིན་གོང་རྩིས་རྒྱག་གི་ཡོད་པས་གང་བྱུང་དུ་རིན་གོང་གཏན་ནས་བསྡུ་གི་མེད། ཉེ་བའི་དུས་སྐབས་ཤིག་རིང་སེམས་ཀྱི་ཉི་ཟླ་གྲོང་ཁྱེར་གྱི་གངས་ཆར་རྒྱུན་ཆད་མེད་པར་བབས་ནས་འགྲུལ་པ་རྣམས་བདེ་འཇགས་ངང་དམིགས་སར་སྐྱེལ་ཐུབ་པ་ནི་ངའི་འགན་འཁྲི་གནས་ས་ཡིན་ཞེས་བཤད།

གཙང་བཟོ་བས་གད་སྙིགས་གཙང་དག་བྱེད་བཞིན་པ།

    དཔྱིད་གསར་དུས་ཆེན་གྱི་སྔ་རྗེས་སུ་སེམས་ཀྱི་ཉི་ཟླ་གྲོང་ཁྱེར་དུ་གངས་ཆར་རྒྱུན་ཆད་མེད་པར་བབས་པའི་ཁར་ཤོག་སྦག་སྤར་རྗེས་ལུས་པའི་ཤོག་སྙིགས་མང་བས་ཁོར་ཡུག་འཕྲོད་བསྟེན་བཟོ་པའི་ངོས་ནས་བརྗོད་ན་ད་ལོ་ནི་དཀའ་ཚེགས་ཆེ་བའི་དཔྱིད་གསར་དུས་ཆེན་ཞིག་ཡིན་པ་གཏན་འཁེལ་བྱས་ཡོད། གནམ་གཤིས་ཇི་ཙམ་གྲང་ཡང་ཁོང་ཚོས་ཉིན་ལྟར་དུས་ཐོག་ཏུ་ལས་གནས་ཐོག་འབྱོར་བ་བྱས་ཏེ་ལམ་ངོས་ཀྱི་གངས་འཁྱགས་དུས་ཐོག་ཏུ་མེད་པ་བཟོ་བ་དང་ལྷག་ལུས་ཀྱི་གད་སྙིགས་གཙང་འཕྱག་བྱས་ནས་རྒྱ་ཆེའི་གྲོང་མིར་བདེ་འཇགས་ལྡན་པའི་འགྲིམ་འགྲུལ་ཁོར་ཡུག་དང་གཙང་སྦྲ་དོད་པའི་གྲོང་ཁྱེར་གྱི་ཁོར་ཡུག་ཅིག་མཁོ་འདོན་བྱེད་ཀྱི་ཡོད་པ་རེད།

སྐྱེལ་མིས་ཚང་བདག་གི་དངོས་ཟོག་སྐྱེལ་བཞིན་པ།

    ལས་གནས་བརྟན་སྲུང་བྱེད་མཁན་ལས་དོན་པ་ཚང་མར་གུས་འདུད་ཞུ།