གངས་འཁྱགས་ཁྲོད་ཀྱི་སེམས་དྲོ་བའི་དོན་དག

རྩོམ་པ་པོ།     ཡིག་བསྒྱུར།       དུས་ཚོད།   2022-02-15   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཁ་བ་ཆེན་པོ་དང་གྲང་ངར་ཆེ་བའི་གནམ་གཤིས་ཀྱི་ཤུགས་རྐྱེན་ཕོག་པའི་དབང་གིས་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་བྱང་སྒོ་སྡེ་ཁུལ་གྱི་འགྲོ་ལམ་ཁག་གཅིག་ལ་དར་ཆགས་ཚད་ལི་སྨི་10ལས་བརྒལ་བ་དང་སྡེ་ཁུལ་གྱི་གྲོང་མི་ཕྱིར་སྐྱོད་སྐབས་བདེ་འཇགས་ཀྱི་མི་མངོན་པའི་རྐྱེན་ངན་ཆེ་ཙམ་གནས་ཡོད། བདེ་འཇགས་ཀྱི་མི་མངོན་པའི་རྐྱེན་ངན་དུས་ཐོག་ཏུ་སེལ་བ་དང་འགྲོ་ལམ་ཤར་གཏོང་ཐུབ་པའི་འགན་ལེན་བྱ་ཆེད་ཟླ་2པའི་ཚེས་12ཉིན་གྱི་ཕྱི་དྲོ་ཡུན་ནན་ཞིང་ཆེན་ནགས་ཚལ་མེ་གསོད་སྤྱི་ཁྱབ་རུ་ཁག་བདེ་ཆེན་རུ་ཆེན་གྱིས་མེ་གསོད་རོགས་སྐྱོབ་མི་སྣ་76བཏང་ནས་བྱང་སྒོའི་སྡེ་ཁུལ་དུ་གངས་འཕྱག་པ་དང་འཁྱགས་པ་མེད་པ་བཟོས་པ་རེད།


        དམངས་ལ་གཅེས་པ། དམངས་ལ་སྟབས་བདེ་སྐྲུན་པ། དམངས་ལ་ཕན་པ་བཅས་ཀྱི་འགན་འཁྲིའི་འདུ་ཤེས་དང་ཞབས་ཞུའི་དམིགས་ཡུལ་བཅངས་ནས་གྲང་ངར་ཆེ་བའི་གྲང་རླུང་ཁྲོད་མེ་གསོད་རོགས་སྐྱོབ་མི་སྣས་ལྕགས་ཁྱེམ་དང་། རྒྱ་གྲམ་འཇོར་གློག་སྒུལ་ཆག་གྲུམ་འཇོར་སོགས་འཁྱགས་སེལ་ཡོ་བྱད་སྤྱད་དེ་འཁྱགས་སེལ་ལས་ཀ་ཕྱིར་འབུད་བྱས་པ་རེད། རུ་མི་ཡོངས་ཀྱིས་གྲང་ངར་ལ་མི་སྐྲག་པར་ཕན་ཚུན་གཞོགས་འདེགས་དང་ཕྱར་བ་གྲུ་འདེགས་བྱས་ཏེ་བྲེལ་འཚུབ་ཆེ་བའི་གཟུགས་བཪྙན་དེ་མཛེས་སྡུག་ལྡན་པའི་ཡུལ་ལྗོངས་ཤིག་ཏུ་བསྐྲུན་ཡོད།

        དུས་ཡུན་ཆུ་ཚོད་3ཙམ་རིང་སྡེ་ཁུལ་དུ་གངས་གསོག་ཐེབས་པ་དང་དར་ཆགས་པའི་ལམ་དུམ་བུ་གཙང་བཤེར་བྱས་ཟིན་པ་དང་མེ་གསོད་རོགས་སྐྱོབ་མི་སྣས་རིམ་རྩིས་བྱས་ན་གངས་སྨི་རྒྱ་དཔངས་གྲུ་བཞི་མ་200ཙམ་བཀོག་པ་དང་སྡེ་ཁུལ་གྱི་འགྲོ་ལམ་3བཤངས་ནས་བྱང་སྒོ་སྡེ་ཁུལ་གྱི་གྲོང་མི་ཕྱིར་སྐྱོད་རྒྱུར་བདེ་འཇགས་ཀྱི་ཁོར་ཡུག་ཅིག་བཏོད་ཡོད་པ་རེད།

        མེ་གསོད་རུ་མི་ཚོས་དཀའ་སྤྱད་ལས་སྒྲུབ་བྱས་པ་དེས་སྡེ་ཁུལ་གྱི་མི་སེར་ལ་སེམས་འགུལ་ཟབ་མོ་ཐེབས་པ་དང་མེ་གསོད་རུ་མི་ཁ་མ་བྲལ་གོང་བྱང་སྒོ་སྡེ་ཁུལ་གྱི་གྲོང་མི་ཚོས་རང་འགུལ་ངང་ལམ་འགྲམ་དུ་ཐལ་མོ་རྡེབ་པ་དང་དགའ་སྐྱེལ་ཞུས་ནས་མཚམས་མི་ཆད་པར་ཐུགས་རྗེ་ཆེ་ཞུས་པ་རེད།


分享到：QQ空间新浪微博腾讯微博人人网微信