ཡིའུ་ཆོན་གྱིས་པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོར་མཇལ་འཕྲད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2022-02-24   རྩོམ་ཁུངས།    ཞིན་ཧྭ་གསར་འགྱུར་ཁང་།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ2པའི་ཚེས23ཉིན། ཀྲུང་གུང་ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅིའམ་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཡིའུ་ཆོན་གྱིས་པེ་ཅིང་དུ་པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོར་མཇལ་འཕྲད་གནང་། 

ཡིའུ་ཆོན་གྱིས་པཎ་ཆེན་དང་བོད་བརྒྱུད་ནང་བསྟན་ལས་རིགས་ཀྱི་མི་སྣར་བོད་ཀྱི་ཆུ་སྟག་ལོའི་ལོ་སར་ལ་བཀྲ་ཤིས་རྟེན་འབྲེལ་ཞུས། ཡིའུ་ཆོན་གྱིས་པཎ་ཆེན་གྱི་ཕྱོགས་སོ་སོར་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་བ་དང་། པན་ཆེན་གྱིས་ཀྲུང་གོ་གུང་ཁྲན་ཏང་གི་ལོ་བརྒྱའི་འབད་འཐབ་ཀྱི་ལོ་རྒྱུས་ཀྱི་ཉམས་མྱོང་ལ་སློབ་སྦྱོང་གཏིང་ཟབ་བྱས་ཏེ། “གཏན་འཁེལ་གཉིས”ཀྱི་རླབས་ཆེའི་དོན་སྙིང་ཁོང་དུ་བཅུག་ནས“སྲུང་སྐྱོང་གཉིས”སྲ་བརྟན་དུ་གཏོང་བ་དང་། རྒྱལ་གཅེས་ཆོས་གཅེས་དང་ལག་ལེན་ལ་བརྩོན་ནས་བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་བར་སྐུལ་འདེད་གཏོང་བའི་ཐད་ནུས་པ་སྔར་བས་ཆེ་བ་འདོན་སྤེལ་བྱེད་དགོས་པ་དང་། རང་གཅུན་ནན་མོ་དང་ཁེངས་སྐྱུང་གཟབ་ནན་བྱས་ཏེ། ཏང་ཀྲུང་དབྱང་གི་གསོ་སྐྱོང་དང་དད་ལྡན་མང་ཚོགས་ཀྱི་གོང་བཀུར། ཆོས་ལུགས་ལས་རིགས་ཀྱི་བརྩི་བཀུར་བཅས་ཆུད་ཟོས་སུ་མི་གཏོང་བའི་ཐུགས་རེ་བཏོན། 

པཎ་ཆེན་གྱིས་ཡིའུ་ཆོན་ལ་མཇལ་དར་ཕུལ་ནས། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་ལ་མཐའ་གཅིག་ཏུ་སྲུང་སྐྱོང་བྱ་རྒྱུ་དང་། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ལ་མཐའ་གཅིག་ཏུ་སྲུང་སྐྱོང་བྱ་རྒྱུ། བོད་བརྒྱུད་ནང་བསྟན་ཀྲུང་གོ་ཅན་གྱི་ཁ་ཕྱོགས་མཐའ་འཁྱོངས་བྱ་རྒྱུ། བོད་བརྒྱུད་ནང་བསྟན་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པར་སྐུལ་འདེད་གཏོང་བའི་ཐད་ཧུར་ཐག་གིས་གྲུབ་འབྲས་གསར་པ་འབུལ་རྒྱུ་ཡིན་ཞེས་བསྟན། ། 


分享到：QQ空间新浪微博腾讯微博人人网微信