ཞི་ཅིན་ཕིང་གིས་བུད་མེད་དུས་ཆེན་ལ་རྟེན་འབྲེལ་ཞུས་པ།

         “གསུམ་བརྒྱད”རྒྱལ་སྤྱིའི་ངལ་རྩོལ་བུད་མེད་དུས་ཆེན་སླེབས་ལ་ཉེ་བའི་སྐབས་འདིར། ཞི་ཅིན་ཕིང་གིས་ཀྲུང་གུང་ཀྲུང་དབྱང་གི་ཚབ་ཞུས་ཏེ། རྒྱལ་ཡོངས་ཀྱི་ཚོགས་ཆེན་གཉིས་ལ་ཞུགས་མཁན་བུད་མེད་འཐུས་མི་དང་། བུད་མེད་ཨུ་ཡོན། བུད་མེད་ལས་དོན་པ། རྒྱལ་ཡོངས་མི་རིགས་ཁག་དང་ལས་རིགས་ཁག་གི་བུད་མེད། ཞང་ཀང་དམིགས་བསལ་སྲིད་འཛིན་ཁུལ་དང་། ཨའོ་མོན་དམིགས་བསལ་སྲིད་འཛིན་ཁུལ། ཐའེ་ཝན་ས་ཁུལ་གྱི་བུད་མེད་སྤུན་ཟླ། ཕྱིར་སྡོད་བུད་མེད་སྤུན་ཟླ་བཅས་ལ་དུས་ཆེན་གྱི་རྟེན་འབྲེལ་དང་སྨོན་འདུན་བཟང་པོ་ཞུས་གནང་བ་རེད།

         རྒྱལ་ཡོངས་ལས་རིགས་ཁག་གི་རྒྱ་ཆེའི་བུད་མེད་རྣམས་ཀྱིས་འཐབ་ཕྱོགས་ཁག་ཏུ་ལས་བཀུར་ལེགས་སྐྱེས་འབུལ་བ་དང་། འབད་འབུངས་ཡར་བརྩོན་བྱས་ཏེ་ལག་ལེན་དངོས་ཀྱི་ཐོག་ནས་རླབས་ཆེན་བྱ་གཞག་འཛུགས་སྐྲུན་བྱེད་མཁན།  ཡ་རབས་སྲོལ་བཟང་དར་སྤེལ་གཏོང་མཁན། ཕུགས་འདུན་དོན་དུ་གཉེར་བའི་འབད་འཐབ་བྱེད་མཁན་བཅས་ཡོང་བར་བརྩོན་ལེན་བྱས་ནས་བུད་མེད་ཀྱི་ཉམས་འགྱུར་མངོན་པར་བྱས་ཡོད།