ཤ་མོ་འདི་རིགས་འཐུ་ཉོ་ཟ་གསུམ་བྱེད་མི་རུང་།

        ཡུན་ནན་བའི་ངོས་ནས་བཤད་ན། གནམ་གཤིས་དྲོ་རུ་འགྲོ་བ་དང་ཆབས་ཅིག ཤ་མོ་བཟའ་བའི་དུས་སུ་སླེབས་གྲབས་ཡོད། 

        མི་ཚང་མས་ཟ་རུང་བའི་ཤ་མོ་ངོས་འཛིན་ཡག་པོ་དང་བློ་བདེ་པོས་ཟ་ཐུབ་ཆེད། ཀྲུང་གོའི་ཚན་རིག་ཁང་ཁུན་མིང་རྩི་ཤིང་ཞིབ་འཇུག་སུའོ་དང་ཡུན་ནན་ཞིང་ཆེན་ཤ་མོའི་སྣ་མང་རང་བཞིན་དང་ལྗང་མདོག་འཕེལ་རྒྱས་གཙོ་གནད་ཚོད་ལྟ་ཁང་གིས་མཉམ་འབྲེལ་ཐོག《ཡུན་ནན་ཁོངས་ཀྱི་རྒྱུན་མཐོང་དུག་སྲིན（དུག་ཤ་མོ）2022ལོའི་པར་གཞི》ཁྱབ་བསྒྲགས་བྱས་པ་རེད། 

        2022ལོའི་པར་གཞི་དེས་དེ་སྔོན་གྱི་པར་གཞིའི་དངོས་རིགས་ཁག་ཅིག་གསར་སྒྱུར་བྱས་པ་མ་ཟད། པར་རིས་ཁྲོད་ཀྱི་འདྲ་པར་ཆེ་རུ་བཏང་ནས་དབྱེ་འབྱེད་བྱེད་སླ་བར་བྱས་ཡོད། ད་ཐེངས་གསར་བསྒྱུར་པར་གཞིར་ཁྱོན་པར་རིས་གཉིས་ཡོད། དེའི་ནང་ཡུན་ནན་ཁོངས་ཀྱི་རྒྱུན་མཐོང་དུག་སྲིན（དུག་ཤ་མོ）24ཚུད་ཡོད། 

        པར་རིས་སྟེང་གི་ཤ་མོ་དེ་དག་འཐུ་བ་དང་། ཉོ་བ། ལས་སྣོན། ཟ་བ་བཅས་བྱེད་མི་རུང་བ་ཡིད་ལ་འཛིན་རོགས།