བདེ་ཆེན་ཁུལ་དུ་རེས་སྐོར་བཞི་པའི་མི་རིགས་མཐུན་སྒྲིལ་ཡར་ཐོན་གྱི“བཅུ་བརྒྱ་སྟོང་ཁྲིའི”དཔེ་སྟོན་སྣེ་ཁྲིད་ཀྱི་འཛུགས་སྐྲུན་འདུ་འགོད་ཕྱོགས་ཡོངས་སུ་ལག་བསྟར་བྱེད་འགོ་ཚུགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། མིག་སྔར་རེས་སྐོར་བཞི་པའི་མི་རིགས་མཐུན་སྒྲིལ་ཡར་ཐོན་གྱི“བཅུ་བརྒྱ་སྟོང་ཁྲིའི”དཔེ་སྟོན་སྣེ་ཁྲིད་ཀྱི་འཛུགས་སྐྲུན་འདུ་འགོད་བདེ་ཆེན་ཁུལ་དུ་ཕྱོགས་ཡོངས་སུ་ལག་བསྟར་བྱེད་འགོ་ཚུགས་པ་རེད།

    ཐེངས་འདིའི་མི་རིགས་མཐུན་སྒྲིལ་ཡར་ཐོན་གྱི་“བཅུ་བརྒྱ་སྟོང་ཁྲིའི”དཔེ་སྟོན་སྣེ་ཁྲིད་ཀྱི་འཛུགས་སྐྲུན་ལས་གཞི་འདི་ནི་ཀྲུང་ཧྭ་མི་རིགས་ཀྱི་ཐུན་མོང་སྒྲིག་གཞིའི་འདུ་ཤེས་བརྟན་པོ་འཛུགས་རྒྱུ་གཙོ་གནད་དུ་འཛིན་པར་བྱས་ནས།མི་དམངས་ལྟེ་བར་འཛིན་པ་དང་།འགྲིལ་ཤུགས་ཀྱིས་སྐུལ་འདེད་གཏོང་བ།གསར་གཏོད་ཀྱིས་སྣེ་ཁྲིད་དང་ཁྱོན་ཡོངས་ནས་གཅིག་གྱུར་འཆར་འགོད་བྱེད་པ་བཅས་རྒྱུན་འཁྱོངས་བྱེད་རྒྱུ་གཞི་བྱས་ནས། ལོ་3་ནང་ཁུལ་ཡོངས་སུ་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་གྲོང་རྡལ་3ལས་མི་ཉུང་་བ་དང་།མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་གྲོང་ཚོ་85 མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་སྡེ་ཁུལ་6 མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་དུད་ཚང་300བཅས་བསྐྲུན་རྩིས་ཡོད་པ་རེད།

    འཛུགས་སྐྲུན་བྱས་པ་བརྒྱུད་དཔེ་སྟོན་ས་ཚིགས་ཀྱིས་ཀྲུང་ཧྭ་མི་རིགས་ཀྱི་ཐུན་མོང་སྒྲིག་གཞིའི་འདུ་ཤེས་བརྟན་པོ་འཛུགས་རྒྱུར་ཕན་འབྲས་ཐོན་པ་དང་།སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་ཚད་བརྒལ་ཡོང་བ།མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བའི་ཐད་གསར་གཏོད་ཐུབ་པ།མི་རིགས་ཁག་གི་མང་ཚོགས་ལ་ཐོབ་ཚོར་དང་བདེ་སྐྱིད་ཚོར་སེམས་གང་ལེགས་ལྡན་པ།རང་སོ་སོའི་ཁྱད་ཆོས་དང་།རིགས་སྣ་མང་།ཚད་གཞི་རང་བཞིན་བཅས་ལྡན་པའི་དཔེ་སྟོན་ཁག་གཅིག་སྐྱེད་སྲིང་བྱས་ཏེ།དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་གང་ལེགས་བྱས་སྔོན་གྱི་རེས་སྐོར་གསུམ་པོའི་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་སྣེ་ཁྲིད་འཛུགས་སྐྲུན་བྱེད་པའི་རྨང་གཞིའི་ཐོག་སྤུས་ཚད་མཐོར་གཏོང་དང་ཁྱབ་ཁོངས་རྒྱ་ཆེར་བཏང་སྟེ་མི་རིགས་མཐུན་སྒྲིལ་ཡར་ཐོན་གྱི“དཔེ་སྟོན་ཁུལ”དང“དཔེ་སྟོན་ཁྱབ་ཁོངས”བཏོད་ནས།་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་ཤིང་འཛུགས་རྒྱུར་རོགས་རམ་བྱས་ཏེ་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལ་འཛུགས་སྐྲུན་འཕེལ་རྒྱས་གསར་བ་བྱུང་བར་སྐུལ་འདེད་བཏང་བ་རེད།