སྣུམ་རིན་ཆག་རྒྱུ་རེད།

    ཟླ་7ཚེས་12ཉིན་གྱི་ཆུ་ཚོད་24པའི་ཐོག་བཅོས་སྣུམ་གྱི་རིན་གོང་ལེགས་སྒྲིག་རེས་སྐོར་གསར་པ་འགོ་ཚུགས་རྒྱུ་ཡིན་ཞིང་། སྒྲིག་གཞིས་རེས་སྐོར་འདིའི་བཅོས་སྣུམ་གྱི་རིན་གོང་མུ་མཐུད་ཆག་སྟེ་ལོ་དེའི་ནང་དམའ་རུ་གཏོང་ཐེངས་གསུམ་པ་བྱེད་རྒྱུ་ཡིན་པ་སྤོན་དཔག་བྱས་པ་རེད།    

    ཉེ་དུས་རྒྱལ་སྤྱིའི་སྣུམ་རིན་འཕར་ཆག་ཐེངས་མང་བྱུང་ཡོད། ཨ་རིའི་དཔལ་འབྱོར་གྲངས་གཞི་དེ་ཙམ་ཡག་པོ་མེད་པ་དེས་དཔལ་འབྱོར་ཉམས་རྒུད་འགྲོ་རྒྱུའི་སེམས་ཁྲལ་ཆེ་རུ་ཕྱིན་པ་དང་། ཁྲོམ་རའི་ཉེན་གཡོལ་སེམས་ཤུགས་ཆེ་རུ་ཕྱིན་པའི་རྐྱེན་གྱིས་སྣུམ་རིན་མར་ཆག་ཡོད། རྒྱལ་སྤྱིའི་མ་བཅོས་རྡོ་སྣུམ་གྱི་རིན་གོང་འཕར་ཆག་གི་ཤུགས་རྐྱེན་ཕོག་པར་བརྟེན། སྒྲིག་གཞིས་ཚད་ལེན་ཞིབ་རྩིས་བྱས་པར་གཞིགས་ན། ཟླ་7ཚེས་11ཉིན་གྱི་ལས་ཞག་ཉིན་དགུ་པའི་ནང་། རྒྱལ་ནང་སྣུམ་རིན་གྱི་དཔྱད་གཞིར་འགྱུར་བའི་མ་བཅོས་རྡོ་སྣུམ་རིགས་ཁག་གི་ཆ་སྙོམས་རིན་གོང་ཟོམ་གང་ལ་ཨ་སྒོར་107.72ཡིན་པ་དང་འགྱུར་ལྡོག་འགྲོ་ཚད-4.34%ཟིན་ཞིང་། སྔོན་དཔག་བྱས་ན། རྒྱལ་ནང་གི་རླངས་སྣུམ་དང་ཁྲའེ་སྣུམ་དམའ་རུ་གཏོང་ཚད་ཏུན་རེར་སྒོར་343ཡིན་པ་དང་། རླངས་སྣུམ་དང་ཁྲའེ་སྣུམ་ཧྲེང་རེར་ཕབ་ན་སྒོར་0.3ཙམ་ཡིན་པ་རེད། རེས་སྐོར་འདིའི་སྣུམ་རིན་ལེགས་སྒྲིག་བྱས་རྗེས་ས་ཁུལ་ཁག་གཅིག་གི་རླངས་སྣུམ་ཨང་92པའི་རིན་གོང་ཧྲེང་རེར་སྒོར་9མན་ཆག་ནས“སྒོར་8ཀྱི་དུས་རབས”སུ་བསྐྱར་ལོག་ཐུབ་རེ་ཡོད་པ་རེད།