སྐྱེ་ཁམས་ཡུལ་སྐོར་གྱིས་འཛམ་གླིང་གི་སེམས་ཀྱི་ཉི་ཟླའི་མིང་བྱང་བརྒྱན།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཉེ་བའི་ལོ་ཤས་རིང་བདེ་ཆེན་ཁུལ་གྱིས་སྔོ་ཞིང་དྭངས་བའི་རི་ཆུ་གསེར་རི་དངུལ་རི་ཡིན་ལ་གངས་འཁྱགས་ཀྱིས་བསྡམས་པའི་ས་གཞི་ཡང་གསེར་རི་དངུལ་རི་ཡིན་པའི་འཕེལ་རྒྱས་ཀྱི་འདུ་ཤེས་བརྟན་པོ་བཙུགས་ཏེ་སྣོད་བཅུད་ཁོར་ཡུག་སྲུང་སྐྱོང་དང་སྣོད་བཅུད་ཡུལ་སྐོར་འཕེལ་རྒྱས་གཏོང་རྒྱུ་ཟུང་འབྲེལ་བྱས་ནས། སྣོད་བཅུད་སྔོན་ལ་འཇོག་པ་དང་ལྗང་མདོག་འཕེལ་རྒྱས་ཀྱི་ལམ་བུའི་ཐོག་བསྐྱོད་དེ་དྲོད་རླངས་མཁོ་འདོན་ལས་གྲྭ་དང་ཤིང་འཛུགས་ནགས་བཟོ། བྱེ་རྡོ་ཅན་དུ་འགྱུར་ཚུལ་བཅོས་སྐྱོང་།རྨོ་བསྐྱུར་ནགས་གསོ་སོགས་སྲུང་སྐྱོང་ལ་སྐུལ་འདེད་བཏང་ནས། ཁུལ་ཡོངས་ཀྱི་སྣོད་བཅུད་ཡུལ་སྐོར་ཐད་གང་སར་མེ་ཏོག་བཞད་པའི་མི་རྣམས་དགའ་འོས་པའི་རྣམ་པ་མངོན།

    ད་ལོའི་ལོ་སྟོད་དུ་བདེ་ཆེན་ཁུལ་གྱིས་ཁྱོན་ཡུལ་སྐོར་བ་མི་ཐེངས་ཁྲི་480ལྷག་ཙམ་ལ་སྣེ་ལེན་བྱས་ལ།ཡུལ་སྐོར་ཡོང་འབབ་སྒོར་དུང་ཕྱུར་58བྱུང་།2025ལོར་སླེབས་པ་ན་རིག་གནས་ཡུལ་སྐོར་ཐོན་ལས་ཀྱི་རིན་ཐང་སྒོར་དུང་ཕྱུར་68མངོན་འགྱུར་ཡོང་ལ། 2033ལོར་སླེབས་སྐབས་རིན་ཐང་སྒོར་དུང་ཕྱུར་140ཡོང་བའི་བརྩོན་ལེན་བྱ་རྒྱུ་རེད།

    བདེ་ཆེན་གྱིས་རིག་གནས་ཡུལ་སྐོར་མཉམ་འདྲེས་ལ་སྐུལ་འདེད་གཏིང་ཟབ་བཏང་ནས་རིམ་པ་མཐོ་བའི་རིམ་པའི་མཛེས་ལྗོངས་ཁུལ་གཅིག་སྡུད་ཁུལ་གཏོད་པ་དང་ད་ཡོད་ཀྱི་མཛེས་ལྗོངས་ཁུལ་གྱི་ལེ་ལག་ཚང་བའི་སྒྲིག་བཀོད་འཐུས་ཚང་དང་རིམ་སྤོར་བྱས་ཏེ་འཛམ་གླིང་གི་སེམས་ཀྱི་ཉི་ཟླའི་ནང་དོན་དང་ཁྱབ་རྒྱ་རྒྱུན་ཆད་མེད་པར་ཕུན་སུམ་ཚོགས་སུ་བཏང་བ་རེད།