རྡོ་མཁར་རྫོང་རྒྱལ་ཁབ་རིམ་པའི་མཚན་མོའི་རིག་གནས་དང་ཡུལ་སྐོར་འཛད་སྤྱོད་གཅིག་སྡུད་ཁུལ་གྱི་མིང་ཐོ་རུ་ཚུད།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།   ཉེ་སྔོན།《རིག་གནས་དང་ཡུལ་སྐོར་པུའི་གཞུང་དོན་ཐིང་གི་རྒྱལ་ཁབ་རིམ་པའི་མཚན་མོའི་རིག་གནས་དང་ཡུལ་སྐོར་འཛད་སྤྱོད་གཅིག་སྡུད་ཁུལ་གྱི་རེ་ཞུའི་ལས་དོན་ཁག་གཉིས་པ་སྤེལ་རྒྱུའི་སྐོར་གྱི་བརྡ་ཐོ་》（ཐོན་ལས་འགྲེམས་སྤེལ་（2022）ཨང་27པ།）གཞིར་བཟུང་ས་གནས་ཀྱིས་ཡིག་ཐོག་སྙན་ཞུ་འབུལ་བ་དང་།ཞིང་ཆེན་དང་ཐིང་གིས་འོས་སྦྱོར་བྱེད་པ།གཏན་འབེབས་དང་མཐུན་པའི་ཞིབ་བཤེར་བྱེད་པ། རིགས་གཅིག་མཁས་ཅན་གྱིས་ཞིབ་དཔྱད་བྱེད་པ། གླེང་ཕྱོགས་དང་དར་སྲོལ་ཚོད་འཛིན་བྱེད་པ།ཡུལ་དངོས་སུ་རྟོག་ཞིབ་བྱེད་པ་སོགས་ཀྱི་གོ་རིམ་བརྒྱུད། པེ་ཅིང་གྲོང་ཁྱེར་གྲོང་ཁུལ་ཤར་མའི་ཝང་ཧྥུ་ཅིང་དང་། རྡོ་མཁར་རྫོང་སོགས་རྣམ་གྲངས་123ཁག་གཉིས་པའི་རྒྱལ་ཁབ་རིམ་པའི་མཚན་མོའི་རིག་གནས་དང་ཡུལ་སྐོར་འཛད་སྤྱོད་གཅིག་སྡུད་ཁུལ་དུ་གཏན་འཁེལ་བྱ་རྩིས་ཡོད་པ་རེད།

        རྡོ་མཁར་རྫོང་ནི་བདེ་ཆེན་ཁུལ་སེམས་ཀྱི་ཉི་ཟླ་གྲོང་ཁྱེར་དུ་གནས་ཡོད་ལ།  རྫོང་འདིར་ཉར་ཚགས་ཅུང་ལེགས་པའི་བོད་མིའི་སྡོད་ཁང་མང་པོ་ཡོད་པ་དང་ཇ་རྟ་གནའ་ལམ་གྱི་འགྲིམ་འགྲུལ་ལྟེ་བ་ཞིག་ཡིན་པ་དང་། ཡུན་ནན་དང་། སི་ཁྲོན། བོད་ལྗོངས་བཅས་ཟུར་གསུམ་ཆེ་མོའི་ས་ཁོངས་ཀྱི་དཔལ་འབྱོར་གྲོང་རྡལ་གལ་ཆེན་ཞིག་ཀྱང་ཡིན། རང་རྒྱལ་གྱི་མི་མང་པོའི་ཡིད་དབང་འཕྲོག་སའི་ཡུལ་སྐོར་བྱ་ཡུལ་ཞིག་ཏུ་གྱུར་ཡོད།

        2002ལོར་སེམས་ཀྱི་ཉི་ཟླ་གྲོང་ཁྱེར་གྱི་མིང་བསྒྱུར་བར་དྲན་གསོ་བྱ་ཆེད་སྐྲུན་པའི་མཚོན་རྟགས་རང་བཞིན་གྱི་སྐྲུན་དངོས་བཀྲ་ཤིས་རྒྱལ་མཚན་དུང་འཁོར་དེ་རྡོ་མཁར་རྫོང་རྫོང་འགོར་གནས་པ་དང་མཐོ་ཚད་སྨི་21.45ཟིན་ཡོད། དུང་འཁོར་དེའི་ངོས་སུ་གངས་རི་དང་གཙང་པོ། ནགས་ཚལ། དེ་མིན་བཀྲ་ཤིས་རྟགས་བརྒྱད་སོགས་ཀྱི་རི་མོ་བརྐོས་ཡོད་ལ། བརྗིད་ཉམས་ལྡན་པའི་མ་ཎི་དུང་འཁོར་དེ་རྡོ་མཁར་རྫོང་གི་ཡིད་དབང་འཕྲོག་ཤོས་ཀྱི་སྐྲུན་དངོས་ཤིག་ཏུ་གྱུར་ནས་ལོ་ལྟར་ཡུལ་སྐོར་བ་མང་པོ་དེར་ཡོང་གི་ཡོད།