བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་བདེ་ཆེན་དུ་ཡོང་བའི་（ཕྱིར་ལོག་པ）མི་སྣར་གྲལ་བཤེར་དོ་དམ་བྱ་ཐབས་སྐོར་གྱི་ཛ་དྲག་སྤྱི་བསྒྲགས།

       མིག་སྔར་འབྲེལ་ཡོད་ས་ཁུལ་གྱི་ཏོག་གསར་གློ་ཚད་ཀྱི་རིམས་ཚད་ཧ་ཅང་ཛ་དྲག་ཆེ། རིམས་ནད་སྔོན་འགོག་ཚོད་འཛིན་ལས་དོན་ལ་སྔར་བས་ཤུགས་སྣོན་རྒྱག་ཆེད།རང་ཁུལ་གྱིས་ཉེ་བའི་ཉིན་7་ནང་བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་བདེ་ཆེན་དུ་ཡོང་བའི་（ཕྱིར་ལོག་པ）མི་སྣར་གྲལ་བཤེར་དང་དོ་དམ་ཚོད་འཛིན་བྱ་རྒྱུར་ཤུགས་སྣོན་རྒྱག་རྒྱུའི་གཏན་འབེབས་བྱས་པ་རེད། ད་ལྟ་འབྲེལ་ཡོད་གནས་ཚུལ་བརྡ་ཁྱབ་བཏང་བ་གཤམ་གསལ།

    གཅིག དེ་རིང་ནས་བཟུང་། ཉེ་བའི་ཉིན་7་ནང་བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་བདེ་ཆེན་དུ་ཡོང་བའི་（ཕྱིར་ལོག་པ）མི་སྣས་ཆུ་ཚོད་48ཀྱི་ཉིང་སྐྱུར་བཤེར་འཇལ་སྲིབས་གཤིས་ཀྱི་དཔང་ཡིག་ཡོད་དགོས།

    གཉིས། ཟླ8པའི་ཚེས་14ཉིན་གྱི་སྔ་དྲོའི་ཆུ་ཚོད་12：00ནས་བཟུང་གནམ་གྲུ་འབབ་ཐང་དང་།འགྲུལ་སྐྱེལ་ས་ཚིགས། མྱུར་བགྲོད་གཞུང་ལམ་གྱི་ཞིབ་དཔྱད་ཚད་ལེན་ཞབས་ཞུའི་ས་ཚིགས།བདེ་ཆེན་དུ་ལོག་པའི་ཞིང་ཆེན་ས་མཚམས་ཀྱི་ལམ་ཆེན་སྟེང་གི་ཞིབ་དཔྱད་ཚད་ལེན་ས་ཚིགས་ཀྱིས་བདེ་ཆེན་དུ་ཡོང་བའི་（ཕྱིར་ལོག་པ）་མི་སྣ་ཡོངས་ཀྱི་འཕྲིན་གཏོང་འགྲོ་སྐྱོད་བྱང་བུར་ཞིབ་དཔྱད་ཚད་ལེན་བྱེད་སྐབས།བདེ་ཆེན་དུ་འབྱོར་་པའི་ཉིན་དེ་ནས་བཟུང་། ཉིན་3ལ་གཅིག་སྡུད་ལོགས་སུ་བཀར་དགོས་ལ།འདིའི་ཁྲོད་ཉིན་1པོ་དང་ཉིན་3པར་ཉིང་སྐྱུར་བཤེར་འཇལ་བྱེད་དགོས། ཉིན་3་པར་ཉིང་སྐྱུར་དཔེ་བཤེར་གྱི་མཇུག་འབྲས་སྲིབས་གཤིས་ཀྱི་དཔང་ཡིག་བཏོན་རྗེས་ལོགས་དབྱེ་དོ་དམ་ཚོད་འཛིན་བྱ་རྒྱུ་མེད་པ་བཟོ་བ། གཅིག་སྡུད་ལོགས་དབྱེ་མེད་པ་བཟོས་རྗེས་གནས་གཏན་འཁེལ་གྱིས་སྡོད་གནས་སུ་ཕྱིར་ལོག་བྱས་ནས་ཁྱིམ་སྡོད་བདེ་ཐང་གི་ལྟ་ཞིབ་ཚད་ལེན་ཉིན་4མུ་མཐུད་ལག་ལེན་བསྟར་དགོས།དེའི་རིང་ཁྲིམས་ལྟར་འབྲེལ་ཡོད་ཀྱི་སྔོན་འགོག་ཚོད་འཛིན་འགན་འཁྲི་དོན་འཁྱོལ་བྱེད་དགོས།

    གསུམ། རང་ཁུལ་དུ་ལོགས་དབྱེ་ཁང་མིག་གི་ཐོན་ཁུངས་ལ་ཚད་ཡོད་པས་དུས་ཡུན་ཐུང་ངུའི་ནང་ལོགས་དབྱེ་ཆ་རྐྱེན་དང་མཐུན་པའི་ས་གནས་མང་པོ་འཕར་སྣོན་བྱེད་མི་ཐུབ་པ་རེད། ཉེ་བའི་ཉིན7་ནང་བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་བདེ་ཆེན་དུ་ཡོང་བའི་（ཕྱིར་ལོག་པ）མི་སྣས་སྔ་མོ་ནས་དམིགས་སའི་རྫོང（གྲོང་ཁྱེར）བཀོད་འདོམས་པུའུ་ལ་ལོགས་སྡོད་ཁང་མིག་རེ་ཞུ་བྱེད་དགོས་པ་དང་། རྫོང（གྲོང་ཁྱེར）ཁག་གིས་ལོགས་སུ་སྡོད་མཁན་ཁ་འགྲེམས་ཀྱི་གནས་ཚུལ་ལ་གཞིགས་ཏེ་ཉིན་དེར་མཁོ་འདོན་ཐུབ་པའི་ལོགས་སུ་སྡོད་སའི་ཁང་པ་དུས་ཐོག་ཏུ་སྤྱི་བསྒྲགས་བྱེད་དགོས་པ་དང་། ས་གནས་ཁག་གིས་མཁོ་འདོན་བྱེད་ཐུབ་པའི་ལོགས་སྡོད་ཆ་རྐྱེན་ལུགས་མཐུན་ངང་གཅིག་འདོམས་དང་བེད་སྤྱོད་བྱེད་དགོས་པ་མ་ཟད། འགྲོ་སྐྱོད་ལུགས་མཐུན་ངང་བཀོད་སྒྲིག་བྱེད་དགོས།ཉེ་བའི་ཉིན་7ནང་བོད་ལྗོངས་སུ་ཡུལ་སྐོར་འགྲོ་འདུག་བྱས་མྱོང་མཁན་བདེ་ཆེན་དུ་ཡོང་བའི་（ཕྱིར་ལོག་པ）མི་སྣས་སྡེ་ཁུལ（གྲོང་ཚོ）དང་ཡང་ན་ལས་ཁུངས་སུ་སྙན་སེང་ཞུ་དགོས་པ་དང་། རྫོང（གྲོང་ཁྱེར）ཁག་གི་རིམས་ནད་སྔོན་འགོག་ཚོད་འཛིན་བཀོད་འདོམས་པུས་རང་འགུལ་ངང་ངདེ་ཆེན་དུ་ཕྱིར་ལོག་མཁན་གཅིག་སྡུད་ལོགས་སུ་བཞག་ནས་དོ་དམ་ཚོད་འཛིན་བྱེད་པའི་ལས་དོན་ཡག་པོ་སྒྲུབ་དགོས།

    བཞི། ས་ཁུལ་གཞན་ནས་བདེ་ཆེན་དུ་ཡོང་མཁན་གྱིས་རིམས་ནད་སྔོན་འགོག་ཚོད་འཛིན་གྱི་གཏན་འབེབས་གཞིར་བཟུང་ལག་བསྟར་བྱེད་དགོས།

    ལྔ། ཁུལ་དང་རྫོང（གྲོང་ཁྱེར）གིས་དེ་སྔོན་ཁྱབ་བསྒྲགས་བྱས་པའི་རིམས་ནད་གནས་ཚུལ་གྱི་སྲིད་ཇུས་དང་ཁྱབ་བསྒྲགས་འདིའི་ནང་དོན་གཅིག་མཚུངས་མིན་ན་ཐེངས་འདིའི་ཁྱབ་བསྒྲགས་འདི་ཚད་གཞིར་འཛིན་དགོས་པ་དང་།རྗེས་མར་རིམས་ནད་སྔོན་འགོག་ཚོད་འཛིན་གྱི་དུས་བབ་ལ་གཞིགས་ནས་དུས་ཐོག་ཏུ་ལེགས་སྒྲིག་བྱ་རྒྱུ་ཡིན་པ་རེད།

བློ་འདྲིའི་ཁ་པར་ཨང་གྲངས།
སེམས་ཀྱི་ཉི་ཟླ་གྲོང་ཁྱེར་རིམས་ནད་སྔོན་འགོག་ཚོད་འཛིན་བཀོད་འདོམས་པུའུ།
0887-8293181

0887-8222642

139888745782 
འཇོལ་རྫོང་རིམས་ནད་སྔོན་འགོག་ཚོད་འཛིན་བཀོད་འདོམས་པུའུ།
 0887-8413130

 0887-8413119

0887-8413109

འབའ་ལུང་རྫོང་རིམས་ནད་སྔོན་འགོག་ཚོད་འཛིན་བཀོད་འདོམས་པུའུ།
0887-8628788

0887-8626515

18008873360

བདེ་ཆེན་ཁུལ་ཏོག་གསར་གློ་ཚད་ལ་ཁ་གཏད་གཅོག་པའི་འཚུབ་བསྟུན་བཀོད་འདོམས་པུའུ་གཞུང་སྒྲུབ་ཁང་གིས།

2022ལོའི་སྤྱི་ཟླ8པའི་ཚེས14ཉིན།