​ཡང་ལོ་གཅིག་གི་ལོ་ལེགས་དུས་ཚིགས་ཤར་བྱུང་།

 ཉེ་ཆར། སེམས་ཀྱི་ཉི་ཟླའི་ཧུང་ཕོ་གྲོང་ཚོའི་སྟོན་གྱི་འབྲས་བཟང་བསྡུ་བའི་འགོ་ཚུགས་པ་རེད། སྟོན་རླུང་བསིལ་མོ་དེ་ཡངས་ཤིང་རྒྱ་ཆེ་བའི་ཞིང་སར་ལྡང་བ་ན་སྙེ་མའི་རླབས་ཕྲེང་ནི་མགོ་ལྕོག་ལྡེམ་པའི་ཟློས་གར་ལ་རྩེན་ཞིང་།  ་གསེར་ལམ་ལམ་གྱི་ཉམས་དགའི་སྐྱེད་ཚལ་ཡངས་པོ་ཞིག་མཐོང་བྱེད་མིག་གི་སྤྱོད་ཡུལ་དུ་ག་ལེར་མངོན་ཡོང་།  ད་ནི་ནས་ཀྱི་མགོ་བོ་ཐུར་དུ་དཔྱངས་ནས་འཛུམ་དམུལ་ངང་སོ་ནམ་ཞིང་པར་ལག་བརྡ་གཏོང་དང་མཚུངས།  

    ཡིད་དུ་འོང་བའི་མི་རྣམས་ཀྱི་སེམས་ལའང་གཞི་ནས་ངལ་རྩོལ་གྱི་བྲོ་བ་དང་ལོ་ལེགས་ཀྱི་སྤྲོ་སྣང་གིས་ཀུན་ནས་ཕྱུག་ཡོད་ཅིང་།  བབ་ཆགས་ལྡན་པའི་ཞིང་བའི་གཤིས་འཇམ་གཞུང་དྲང་གི་གདོང་ལ་ལྷད་མེད་ཀྱི་འཛུམ་གྱིས་ཁེངས་འདུག   རྔུལ་ཆུ་ག་ཚོད་བཞུར་བ་མི་ཤེས།   ད་ལྟ་ལོ་ལེགས་འབྱུང་བར་རེ་སྒུག་བྱས་ཡོད་པས་མི་ལ་སྤྲོ་སྣང་མེད་པ་ག་ལ་སྲིད།  སྟོན་བསྡུས་རྗེས་ཁོང་ཚོར་ལོ་གཅིག་གི་རྔུལ་ཆུ་དང་ལོ་གཅིག་གི་དཀའ་སྤྱད་འབྲས་བུ་ཐོབ་པ་དང་སྟོན་བསྡུའི་སྤྲོ་སྣང་དང་སྟོན་བསྡུའི་ལོ་ལེགས་སོགས་ཀྱང་བྱུང་ཡོད།