མཐའ་ཆུའི་འཆམ་མཐུན་ཁྱིམ་ཚང་གི་བདེ་སྐྱིད་འཚོ་བའི་རང་མདངས།

ངེད་ཚང་ལ་མི་རིགས3ལས་གྲུབ་པའི་བཟའ་མི17ཡོད་ཅིང་།  གནས་ཚུལ་གང་ཞིག་འཕྲད་ཀྱང་ང་ཚོས་མཉམ་དུ་རོགས་རེས་དང་འབྲེལ་འདྲིས་བྱེད་ཀྱི་ཡོད།  དེའི་ཞོར་ལ་ཁྱིམ་ཚང་སློབ་གསོ་དང་ཁྱིམ་སྲོལ་རྒྱུན་འཛིན་ལ་སྣང་ཆེན་བྱས་ནས་ཚང་མ་འཆམ་མཐུན་མཉམ་གནས་བྱེད་ཀྱི་ཡོད། ཁྱིམ་གྱི་ཕྱི་ནང་གང་ཡིན་རུང་ཐག་གཅོད་མི་ཐུབ་པའི་འགལ་བ་གང་ཡང་མེད་ཅེས་ལོ61ལ་སླེབས་པའི་འཇང་རིགས་རྒད་པོ་ཏོན་ཧྲི་ཀྲུང་གིས་ར་སྐོར་ནང་དུ་པི་ཝང་དཀྲོལ་བཞིན་སྐད་ཆ་འདི་འདྲ་བཤད་བྱུང་།  ལྟོ་གོས་མི་འཛོམས་པ་ནས་ད་ཆ་བདེ་སྡོད་ལས་བརྩོན་གྱི་བདེ་སྐྱིད་ལྡན་པའི་འཚོ་བའི་རོལ་བཞིན་པ་འདི་ནི་ཏོན་ཧྲི་ཀྲུང་ཁྱིམ་མི་གང་བོའི་འཚོ་བའི་འགྱུར་ལྡོག་གི་རྣམ་པ་ཡིན་ཞིང་།  བདེ་ཆེན་བོད་རིགས་རང་སྐྱོང་ཁུལ་འབའ་ལུང་ལི་སུའུ་རིགས་རང་སྐྱོང་རྫོང་མཐའ་ཆུ་གྲོང་རྡལ་གྱི་རྒྱ་ཆེའི་མང་ཚོགས་ཀྱི་འཚོ་བ་དང་འཕོ་འགྱུར་གྱི་བསྡུས་རིས་ཤིག་ཀྱང་རེད། ཉེ་བའི་ལོ་ཤས་རིང་།  མཐའ་ཆུ་གྲོང་རྡལ་གྱིས་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་གཙོ་རྐང་དུ་བྱས་ནས་མི་རིགས་ཁག་གིས་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་བཏང་ནས་བདེ་སྐྱིད་དང་མཛེས་སྡུག་ལྡན་པའི་འབྱོར་འབྲིང་འཚོ་བ་སྐྱེལ་ཐུབ་པ་བྱུང་ཡོད།

     མཐའ་ཆུ་གྲོང་རྡལ་གྱིས་རིག་གནས་ལ་བརྟེན་ནས་བླ་སྲོག་གཏོད་པ་དང་། ཀྲུང་ཧྭའི་ཕུལ་བྱུང་རིག་གནས་དར་སྤེལ་གཏོང་བར་བརྩོན་ནས་རྣམ་པ་སྣ་ཚོགས་དང་ཐབས་ལམ་མང་པོའི་ཐོག་ནས་དྲིལ་བསྒྲགས་སློབ་གསོ་སྤེལ་ཡོད།  གཞི་རིམ་གྱི་ཕྱོགས་བསྡུས་རིག་གནས་ཞབས་ཞུ་ལྟེ་གནས་དང་ཞིང་པའི་དཔེ་དེབ་ཁང་སོགས་ལ་བརྟེན་ནས་མང་ཚོགས་ལ་མཁོ་སྤྲོད་དང་གནད་སྨིན་གྱི་རིག་གནས་ཐོན་རྫས་མཁོ་འདོན་བྱས་ཏེ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དར་སྤེལ་བཏང་ཡོད།  དེ་དང་ཆབས་ཅིག་རིག་གནས་དང་རང་བྱུང་ཤུལ་བཞག་ཉིན་མོའི་བྱེད་སྒོ་རབ་དང་རིམ་པ་གོ་སྐབས་སུ་བཟུང་ནས་རིག་རྩལ་འཁྲབ་སྟོན་བྱེད་སྒོ་གྱ་ནོམ་པ་ཞིག་སྤེལ་རྒྱུ་སྒྲིག་འཛུགས་བྱས་ཏེ་ཏང་ཡོན་གྱིས་མང་ཚོགས་ལ་མི་རིགས་མཐུན་སྒྲིལ་ཡར་ཐོན་ལས་དོན་ཡག་པོ་སྤེལ་རྒྱུར་སྐུལ་ཁྲིད་བྱས་ཏེ་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་བཙུགས་ནས་ཟླ་གཉིས་པའི་ཚེས་བརྒྱད་དང་ལྗང་འཛུགས་དུས་ཆེན།   ལོ་ལེགས་དུས་ཆེན་སོགས་ཀྱི་བྱེད་སྒོའི་ནང་མཉམ་འདྲེས་ཐུབ་པ་བྱས་ཏེ་མི་རིགས་མཐུན་སྒྲིལ་གྱི་སེམས་པ་གཅིག་མཐུན་ཡོང་བར་འབད་ཡོད།  

     མཐའ་ཆུ་གྲོང་རྡལ་ཆི་པེ་གྲོང་ཚོའི་མཐའ་ས་ཚོ་ཆུང་གི་ལོ་77ལ་སླེབས་པའི་ཧོ་ཝན་ཁྲུན་ནི་རས་པའི་གྱོན་ཆས་ཀྱི་རྒྱུན་འཛིན་པ་ཞིག་རེད།ཁོང་གིས་ངེད་ཚང་ནི་མི་རིགས5ལས་གྲུབ་པའི་ཁྱིམ་ཚང་ཆེན་པོ་ཞིག་ཡིན་ཞིང་།  ཁྱིམ་མི་ཚང་མ་འཆམ་པོ་མཐུན་པོ་ཡོད་ཟེར།  སྒོ་རའི་ནང་འཛུལ་ནས་ནང་དུ་སོང་ན་ཁོང་གི་ལས་ཤག་མཐོང་ཐུབ། དེའི་ནང་དུ་རང་འགུལ་ཅན་གྱི་འཚེམ་འཁོར་དང་རྒྱུ་ཆ་སྣ་ཚོགས་གྲལ་འགྲིག་པོའི་ངང་བསྒྲིགས་ཡོད།   ཁོང་གིས་དེའི་ཁྲོད་ཀྱི་གྱོན་ཆས་ཤིག་བསྣམས་ནས་གསར་འགོད་པར་དེའི་ཁྱད་ཆོས་དང་རྒྱུ་སྤུས་སོགས་གླེང་བྱུང་།      

    མཐའ་ཆུ་གྲོང་རྡལ་གྱིས་མི་རིགས་ཀྱི་ཁྱད་ཆོས་རྒྱུན་འཛིན་དང་རྒྱུན་འཛིན་བྱེད་པའི་རྨང་གཞིའི་ཐོག་ཚད་གཞི་མཐོ་བའི་ཁྱད་ལྡན་མགྲོན་ཁང་གི་འཛུགས་སྐྲུན་ཚད་ལྡན་དུ་བཏང་སྟེ་དམངས་ཁྲོད་ཀྱི་མ་རྩ་ནང་འདྲེན་བྱས་ཤིང་། སྲོང་བཙན་མགྲོན་ཁང་སོགས་སྣེ་འདྲེན་ཁེ་ལས་ཀྱི་མགྲོན་ཁང་ཡུལ་འདིར་བཙུགས་ཏེ་ཡུལ་སྐོར་ལས་རིགས་ཕུན་སུམ་ཇེ་ཚོགས་སུ་བཏང་བ་དང་།  ཁྱད་ལྡན་མགྲོན་ཁང་ཡང་ཡུལ་འདིའི་ས་ཁམས་མཚོན་རྟགས་དང་ཁྱད་ཆོས་གཙོ་བོ་ཞིག་ཏུ་གྱུར་ཡོད།