འབའ་བྲོས་གྲོང་ཚོས་གཞུང་ལམ་ལ་བརྟེན་ནས་ཕྱུག་ལམ་དུ་སྐྱོད་པ།

        འབའ་བྲོས་གྲོང་ཚོ་ནི་འབའ་ལུང་རྫོང་མཐའ་ཆུ་གྲོང་རྡལ་ཤར་ལྷོའི་ངོས་ཀྱི་སྤྱི་ལེ་20ཡི་སར་གནས་པ་དང་ལྷོ་ངོས་ནི་ས་དམ་གྲོང་ཁྱེར་མཐའ་ཆུ་ལུའོ་ཀུའུ་གྲོང་ཚོ་དང་འབྲེལ་ཡོད།གནས་འདི་ནི་མཐའ་ཆུ་གྲོང་རྡལ་གྱི་རྒྱ་མཚོའི་ངོས་ལས་མཐོ་ཚད་ཆེས་མཐོ་ཤོས་ཀྱི་གྲོང་ཚོ་ཞིག་རེད།དེ་སྔོན་འདི་གར་ཕྱི་ཕྱོགས་དང་འབྲེལ་གཏུག་བྱེད་པའི་བགྲོད་ལམ་ཉག་གཅིག་ནི་མི་རབས་ནས་མི་རབས་བར་བརྒྱུད་པའི་གུ་དོག་ཅིང་ཀྱང་ཀྱོག་གི་རྐང་ལམ་ཕྲ་མོ་དེ་ཡིན་པ་རེད།

        ད་ལྟ་ཡངས་ཤིང་རྒྱ་ཆེ་བའི་གྲོང་ཚོའི་གཞུང་ལམ་ནི་ཁྱིམ་ཚང་རེ་རེའི་སྒོ་འགྲམ་དུ་ཐོན་པ་དང་། སྨན་རྩྭ་དང་སེ་ཡབ།རྒྱ་སེའི་འདེབས་འཛུགས་སོགས་རིམ་བཞིན་གཞི་ཁྱོན་དུ་ཆགས་པས། གྲོང་མིས་སྒོ་འགྲམ་ནས་ལས་ཞུགས་བྱེད་རྒྱུ་མངོན་འགྱུར་བྱུང་བ་རེད།

        ལོ་བཅུའི་སྔོན།འབའ་བྲོས་གྲོང་ཚོ་ནི་ཅུང་དབུལ་པོ་ཡིན་པ་དང་ལམ་ཡང་ཤར་གཏོང་བྱས་མེད། 1998ལོ་ནས་བཟུང་འབའ་བྲོས་གྲོང་ཚོར་ལམ་བཟོས་ནས་རླངས་འཁོར་ཤར་གཏོང་ཐུབ་པ་དང་མཐར་རིང་ཚད་སྤྱི་ལེ་9.8་ཡོད་པའི་རི་ལམ་ཞིག་ཤར་གཏོང་བྱས་པ་རེད།ལམ་དེ་ནི་འབའ་བྲོས་གྲོང་ཚོ་ཕྱི་རོལ་དུ་སྐྱོད་སའི་ལམ་བུ་ཉག་གཅིག་ཏུ་གྱུར་ཡོད།དེ་རྗེས་2015ལོར་འབའ་ལུང་རྫོང་འགྲིམ་འགྲུལ་ཅུས་ཀྱིས་འབའ་བྲོས་གྲོང་ཚོའི་གཞུང་ལམ་རྒྱ་ཆེར་དང་སྲ་འགྱུར་བྱས་པས་གྲོང་ཚོའི་གཞུང་ལམ་སྔར་ལས་ཡངས་སུ་ཕྱིན་པ་དང་གྲོང་མི་ཚོའི་རི་ཟོག་དངུལ་དུ་གྱུར་ནས་ཡོང་འབབ་ལྡབ་འཕར་བྱུང་ཡོད།

        ཐོན་ལས་འཕེལ་རྒྱས་གཏོང་ཆེད་འབའ་བྲོས་གྲོང་ཚོས་ད་དུང་འབའ་ལུང་རྫོང་འབའ་བྲོས་རྒྱ་སེ་མེ་ཏོག་འདེབས་འཛུགས་ཆེད་ལས་མཉམ་ལས་ཁང་བཙུགས་ནས་གཞི་ཁྱོན་ཆེན་པོས་རྒྱ་སེ་མེ་ཏོག་འདེབས་འཛུགས་ཁྱབ་གདལ་གཏོང་འགོ་ཚུགས་པ་དང་འབྲེལ་"ཀུང་སི+མཉམ་ལས་ཁང+ཞིང་དུད་"བཅས་ཀྱི་དཔེ་དབྱིབས་ལ་བརྟེན་ནས་ཞིང་དུད་ཀྱི་ཕུགས་ཕན་འབབ་འཕར་ལ་སྐུལ་ཁྲིད་བྱས་པས་གྲོང་མི་རྣམས་སྣོད་བཅུད་ཐོན་ལས་འཕེལ་རྒྱས་ཀྱི་ལམ་བུའི་ཐོག་བསྐྱོད་ཐུབ་པ་བྱུང་ཡོད།

        ཉེ་བའི་ལོ་ཤས་རིང་འབའ་བྲོས་གྲོང་ཚོའི་ཏང་སྤྱི་ཁྱབ་ཀྲི་པུས་སྣོད་བཅུད་ཤེས་དཔལ་ལ་བརྟེན་ནས་དཔལ་འབྱོར་འཕེལ་རྒྱས་ལ་སྤྱི་འདོམས་བྱ་རྒྱུ་མཐའ་འཁྱོངས་བྱས་ཏེ་སྣོད་བཅུད་སྔོན་ལ་འཇོག་པ་དང་ལྗང་མདོག་འཕེལ་རྒྱས་ཀྱི་ལམ་བུ་གསར་པ་འཚོལ་ཞིབ་ཧུར་ཐག་བྱས་ནས་སྔོ་ཞིང་དྭངས་བའི་རི་ཆུ་དེ་བས་མཛེས་སྡུག་ལྡན་པ་ཞིག་བཟོས་ཏེ་སྣོད་བཅུད་ཁོར་ཡུག་བཟང་པོར་བརྟེན་ནས་གྲོང་གསེབ་དར་རྒྱས་སྐས་རིམ་གསར་པ་ཞིག་ཏུ་སླེབས་རྒྱུར་རོགས་རམ་བྱས་ཡོད།

  ལམ་རྒྱ་ཆེར་ཕྱིན་པ་དང་ལམ་ངོས་ཁོད་སྙོམས་སུ་ཕྱིན་པ།ད་ལྟ་འབའ་ལུང་རྫོང་གི་ཤང་གྲོང་ཁག་དང་གྲོང་ཚོ་ཁག་ཏུ་བསྐྱོད་སྐབས་སྒྱུར་བཀོད་དང་གསར་སྐྲུན་བྱས་པའི་དམངས་ཕན་གྲོང་གསེབ་ཀྱི་ལམ་ཆེན་རེ་རེ་བཞིན་འཕྲེད་གཞུང་སྣོལ་མར་གནས་པ་དང་ཤར་གཏོང་ཐུབ་པའི་གྲོང་གསེབ་ཀྱི་གཞུང་ལམ་དྲ་བ་དེ་གྲོང་གསེབ་དར་རྒྱས་ཀྱི་ལམ་བུ་རེ་རེ་བཞིན་དུ་གྱུར་པ་མཐོང་རྒྱུ་ཡོད།