རྒྱལ་ཐང་གི་སྟོན་ལྗོངས་དང་མི་རིགས་རིག་གནས་ཀྱིས་ཡུལ་སྐོར་བ་མང་པོ་བཀུག

    བདེ་ཆེན་མཐོ་སྒང་དུ་སྟོན་ཁ་སླེབས་པ་དང་བསྟུན་ནས་ཡུལ་སྐོར་བ་མང་པོ་ཞིག་གནས་འདིར་ཡུལ་སྐོར་ལ་ཡོང་བ་རེད།ནགས་ཕག་མཚོའི་མཐའ་འཁོར་གྱི་གྲོང་མིའི་ཚོགས་ཆུང་ཁག་ཏུ་ཡུལ་སྐོར་བ་མང་པོ་ཞིག་གིས་རྟ་བཞོན་པ་དང་མདའ་འཕེན་པ། བོད་གོས་གྱོན་ནས་པར་རྒྱག་པ།བོད་མིའི་ཁྱིམ་དུ་བོད་ཟས་ལ་རོལ་བ་སོགས་བྱས་ནས། ནགས་ཕག་མཚོའི་སྟོན་དུས་ཀྱི་མཛེས་ལྗོངས་ཉམས་སུ་མྱོང་བ་དང་ཆབས་ཅིག་མི་རིགས་ཀྱི་རིག་གནས་དང་ས་མཐོའི་ཡུལ་སྲོལ་གོམས་གཤིས་ཉམས་སུ་མྱོང་བཞིན་ཡོད།

    ཧྥུའུ་ཅན་ནས་ཡོང་བའི་ཡུལ་སྐོར་བ་སྐུ་ཞབས་ཀྲང་ལགས་ཀྱིས་ཐེངས་འདིར་སེམས་ཀྱི་ཉི་ཟླར་སླེབས་ནས་ང་ཚོས་ཡུན་ནན་ནུབ་བྱང་བདེ་ཆེན་ས་མཐོའི་རང་བྱུང་མཛེས་ལྗོངས་ལ་རོལ་མྱོང་དང་སྣ་མང་ཕུན་སུམ་ཚོགས་པའི་མི་རིགས་ཀྱི་ཡུལ་སྲོལ་གོམས་གཤིས་ཉམས་ལེན་བྱས་པ་མ་ཟད་དམར་དམག་རྒྱང་སྐྱོད་ཀྱིས་གངས་རི་དང་རྩྭ་ཐང་ཐོག་བསྐྱོད་པའི་དཀའ་ཚེགས་ཆེ་བའི་ལམ་བུ་དངོས་སུ་ཉམས་ལེན་བྱས་ཡོད།སེམས་ཀྱི་ཉི་ཟླ་ཞེས་པའི་མཛེས་སྡུག་ལྡན་པའི་ས་ཆ་འདིར་ང་ཚོ་ད་དུང་ཡང་བསྐྱར་ཡོང་སྲིད་ཅེས་བཤད་བྱུང།

    ཉེ་བའི་ལོ་ཤས་རིང་བདེ་ཆེན་ཁུལ་གྱིས་འཛམ་གླིང་གི་སེམས་ཀྱི་ཉི་ཟླའི་ཡུལ་སྐོར་སྤུས་རྟགས་ཀྱི་གཟུགས་བརྙན་སྔར་བས་ལེགས་སུ་གཏོང་བ་དང་སེམས་ཀྱི་ཉི་ཟླའི་ཡུལ་སྐོར་སྤུས་རྟགས་ཀྱི་ཕྱི་ཕྱོགས་ཀྱི་ཤུགས་རྐྱེན་ཐེབས་ཤུགས་དང་ཁྱབ་སྤེལ་ནུས་པ་ཆེ་རུ་བཏང་ནས་ཡུལ་སྐོར་འགྲུལ་ཁུངས་ཁྲོམ་ར་སྔར་བས་རྒྱ་ཆེར་བཏང་སྟེ་རྒྱལ་ཡོངས་ས་གནས་ཁག་ནས་ཡོང་བའི་རྒྱ་ཆེའི་ཡུལ་སྐོར་བ་སེམས་ཀྱི་ཉི་ཟླར་ཕེབས་ནས་མི་རིགས་ཀྱི་རིག་གནས་ཡུལ་སྲོལ་ཉམས་ལེན་བྱེད་པར་ཡོང་རྒྱུར་སྐུལ་འདེད་བཏང་སྟེ་ཡུལ་སྐོར་རིག་གནས་ཐོན་ལས་རྒྱུན་མཐུད་ངང་འཕེལ་རྒྱས་ཡོང་བར་བྱས་པ་རེད།