“95”འགོ་བྱེད་པའི་ཁ་པར་འདི་ལ་ངེས་པར་དུ་གཟབ་དགོས།

རྩོམ་པ་པོ།     ཡིག་བསྒྱུར།       དུས་ཚོད།   2022-10-13   རྩོམ་ཁུངས།    མི་དམངས་དྲ་བ།

        མི་མང་པོ་ཞིག་ལ་གཙེར་སུན་ཁ་པར་འབྱོར་མྱོང་ཞིང་། དེ་ལས་མང་ཤོས་ཀྱི་“95”འགོ་བྱེད་པའི་ཨང་གྲངས་8ཅན་ཁ་པར་ཡིན་པ་རེད། འོ་ན་“95”འགོ་བྱེད་པའི་ཁ་པར་དེའི་རྒྱབ་ཏུ་ཡང་སྙིང་གསང་བ་ཅི་ཞིག་སྦས་ཡོད་དམ། 

        “95”འགོ་བྱེད་པའི་ཁ་པར་ལེན་མཁན་ཞིག་ལ་སྒོར་ཁྲི་10མགོ་སྐོར་ཐེབས་ཡོད། 

        2022ལོའི་ལོ་འགོར། སྐུ་ཞབས་ལི་ལགས་ལ་ཁ་པར་ཨང་གྲངས་9548XXXXཡིན་པ་ཞིག་འབྱོར་བ་དང་། ཁ་པར་གཏོང་མཁན་གྱིས་ཁོང་ལ་དངུལ་བུན་གྱི་ཚོང་བཤད། 

        ཚུལ་ལྡན་སྒྲིག་གཞི་ནས་གཏོང་བའི་ཁ་པར་ཡིན་པ་ཡིད་ཆེས་བྱུང་ནས་དངུལ་གཡར་འདོད་ཡོད་པའི་སྐུ་ཞབས་ལི་ལགས་ཀྱིས་འཕྲལ་མར་དངུལ་སྒོར་ཁྲི་གཅིག་གཡར་རེ་ཞུས། ཕ་རོལ་པོས་མཛུབ་སྟོན་འོག སྐུ་ཞབས་ལི་ལགས་ཀྱིས་དངུལ་རྩ་Appཕབ་ལེན་བྱས་པ་མ་ཟད། རང་ཉིད་སྒེར་གྱི་ཆ་འཕྲིན་དང་དངུལ་ཁང་བྱང་བུའི་ཨང་གྲངས་བཀོལ་ནས་ཐོ་འགོད་བྱས། 

        སྐུ་ཞབས་ལི་ལགས་ཀྱིས་དངུལ་བུན་གཏོང་བར་སྒུག་པའི་སྐབས་སུ། Appཡི་ཐོག་ཁོང་གི་དངུལ་ཁང་གི་རྩིས་ཁྲ་ཨང་གྲངས་ནོར་བ་མངོན། རྩིས་ཁྲ་ཨང་གྲངས་བཟོ་བཅོས་བྱ་ཆེད། སྐུ་ཞབས་ལི་ལགས་ཀྱིས་ཕ་རོལ་པའི་ཞབས་ཞུ་པའི་བླང་བྱ་ལྟར། ཡང་ཕ་རོལ་པོའི་རྩིས་ཨང་ལ་འགྲོ་ལུགས་གྲོན་དངུལ་མི་ཉུང་བ་ཞིག་ཕར་བཏང་།

        འོན་ཀྱང་། རྩིས་ཁྲ་ཨང་གྲངས་ནོར་བ་དང་། དངུལ་སྨར་ལེན་དུས་འགན་བཅོལ་གྲོན་དངུལ་སྤྲོད་དགོས་པ།  VIPལ་དངུལ་བླུགས་ནས་སྐར་གྲངས་གསོག་དགོས་པ་སོགས“མགོ་སྐོར་”ཐབས་ལམ་གཅིག་རྗེས་གཉིས་མཐུད་བསྒྲུབས་ཚར་རྗེས།  སྐུ་ཞབས་ལི་ལགས་ཀྱིས་དངུལ་སྐར་མ་གང་གཡར་ཐུབ་རྒྱུ་ཕར་བཞག ད་དུང་ཕ་རོལ་བའི་ཕྱོགས་ཀྱི“མཛུབ་ཁྲིད་ཞིབ་ཚགས”འོག སྔ་རྗེས་སུ་དངུལ་ཐེངས་མང་ཕར་བཏང་ཡོད་པ་རེད། 

        ཁྱོན་སྒོར་ཁྲི་10ཕར་བཏང་རྗེས་སུ། སྐུ་ཞབས་ལི་ལགས་ཀྱི་བསམ་པར་ད་གཟོད་རང་ལ་མགོ་སྐོར་ཐེབས་ཡོད་པ་ཤེས་ནས་མྱུར་དུ་ཉེན་རྟོག་པར་རོགས་རམ་རེ་ཞུ་བྱས་པ་རེད། 

        ཁེ་ལས་ཁག་ཅིག་གིས་ཁྲིམས་འགལ་ངང“95”འགོ་བྱེད་པའི་ཨང་གྲངས་གཞན་ལ་གླས་པ།

        རང་རྒྱལ་གྱི་གློག་འཕྲིན་དྲ་བའི་ཨང་སྒྲིག་འཆར་འགོད་གཞིར་བཟུང་།“95”ཨང་གྲངས་ནི་རྒྱལ་ཡོངས་ཁྱབ་ཁོངས་དུ་གཅིག་གྱུར་སྤྱོད་པའི་ཨང་གྲངས་ཡིན་ཞིང་། སྤྱོད་སྒོ་ལྟར་རིགས་3ཕྱེ་བ་སྟེ།

        ཞབས་ཞུ་ཅན་གྱི་ཁེ་ལས་དང་བྱ་ལས་སྡེ་ཚན་གྱི་འགྲུལ་པར་ཞབས་ཞུའི་ཨང་གྲངས་དང་། སྤྱི་ཕན་ཞབས་ཞུའི་ཨང་གྲངས། ལས་སྒོ་གཞན་དག་གི་མཐུད་འབྲེལ་ཨང་གྲངས་བཅས་ནི་ང་ཚོས་བཤད་པའི་ཁེ་ལས་ཀྱི་འགྲུལ་པར་ཞབས་ཞུའི་ཁ་པར་རེད། 

        ཉེ་བའི་ལོ་འགའི་རིང་། ཁེ་སྤོགས་ཆེན་པོ་ཐོབ་འདོད་པའི་དབང་གིས་ཁེ་ལས་ཁ་ཤས་ཀྱིས་རང་ལ་ཐོབ་པའི་“95”ཨང་གྲངས་ཁྲིམས་འགལ་གྱིས་གཞན་ལ་གླས། བྱ་སྤྱོད་དེ་མགོ་སྐོར་གཏོང་མཁན་ཁ་ཤས་ཀྱིས་བཀོལ་སྤྱོད་བྱས་པ་རེད། 

        ཁྲམ་པ་དེ་དག་གིས“95”ཨང་གྲངས་དེ་ཁེ་ལས་ཀྱི་ཡིན་ཁུལ་བྱས་ནས་མགོ་སྐོར་གཏོང་བཞིན་ཡོད། འོན་ཀྱང་། གནོད་འཚེ་ཕོག་མཁན་ལ་ཁ་པར་དེ་རིགས་འབྱོར་སྐབས་ཚད་ངེས་ཅན་ཞིག་གི་ཐོག་ནས་ཉེན་ཟོན་གྱི་བསམ་པ་ཆུང་དུ་འགྲོ་ནས། མགོ་སྐོར་ཐེབས་པའི་ཉེན་ཁ་ཧ་ཅང་ཆེན་པོ་གྱུར་ཡོད། 

དྲ་ཐོག་ཉེན་རྟོག་པས་དྲན་སྐུལ་བྱས་དོན། 

        ཡོང་ཁུངས་མི་གསལ་བའི་ཁ་པར་རམ་འཕྲིན་ཐུང་ལ་ཡིད་ཆེས་བྱེད་མི་རུང་ལ། ཁྲིམས་འགལ་བར་མགོ་སྐོར་གཏོང་བའི་གོ་སྐབས་མི་སྟེར་བ་བྱེད་དགོས། 

        ཆ་རྒྱུས་མེད་མཁན་ལ་དངུལ་གཏོང་བ་དང་དངུལ་བསྒྱུར་མི་ཉན། གལ་ཏེ་ངེས་པར་དུ་དངུལ་གཏོང་བ་དང་དངུལ་བསྒྱུར་དགོས་པའི་གནས་ཚུལ་དང་འཕྲད་ན། ངེས་པར་དུ་ཕ་རོལ་པའི་ཆ་འཕྲིན་ལ་ཞིབ་དཔྱད་ཡང་ཡང་བྱེད་དགོས། 

        རྒྱ་ཆེའི་དྲ་གྲོགས་ཚོས་ངེས་པར་དུ་ཚད་ལྡན་གྱི་ཁྲིམས་མཐུན་ཐབས་ལམ་བརྒྱུད་དེ་དངུལ་རྩའི་དངུལ་བུན་འཐོབ་རེ་ཞུ་དགོས། 


分享到：QQ空间新浪微博腾讯微博人人网微信