Appཁག་135ལ་བརྟག་དཔྱད་བྱས་འདུག

རྩོམ་པ་པོ།     ཡིག་བསྒྱུར།       དུས་ཚོད།   2022-11-07   རྩོམ་ཁུངས།    མི་དམངས་དྲ་བ།

        ཉེ་ཆར། མི་དམངས་མང་ཚོགས་ཀྱིས་Appལ་བཙན་ཤེད་དང་། འཇམ་ཁྲིད། མགོ་སྐོར་གཏོང་བ་སོགས་རྐང་བཙུགས་ནས་ཁྲིམས་འགལ་སྒྲིག་འགལ་ངང་མི་སྒེར་གྱི་ཆ་འཕྲིན་ཐག་གཅོད་བྱེད་པའི་བྱེད་སྤྱོད་གནས་པ་གོང་ལ་ཞུས་པར་དམིགས་ནས། རྒྱལ་ཁབ་དྲ་སྦྲེལ་ཆ་འཕྲིན་གཞུང་དོན་ཁང་གིས་མི་སྒེར་གྱི་ཆ་འཕྲིན་སྲུང་སྐྱོབ་བཅའ་ཁྲིམས་དང་Appཡིས་ཁྲིམས་འགལ་སྒྲིག་འགལ་ངང་མི་སྒེར་གྱི་ཆ་འཕྲིན་བསྡུ་རུབ་བེད་སྤྱོད་གཏོང་བའི་བྱ་སྤྱོད་གཏན་འཁེལ་བྱེད་ཐབས་སོགས་ཀྱི་བཅའ་ཁྲིམས་དང་ཁྲིམས་སྲོལ་ནང་གསལ་གཏན་འབེབས་གཞིར་བཟུང་། ཁྲིམས་ལྟར་“ཚའོ་ཧྥན་གཙང་སེལ་གཉེར་པ”ཞེས་པ་སོགས་ཁྲིམས་འགལ་ལུགས་འགལ་བྱེད་པའི་Appཁག་135ལ་ཞིབ་བཤེར་ཐག་གཅོད་བྱས་པ་རེད།

        ཞིབ་བཤེར་བྱས་པ་བརྒྱུད།  “ཚའོ་ཧྥན་གཙང་སེལ་གཉེར་པ”སོགས་Appཁག་55ལ་བཙན་ཤེད་ངང་དགོས་ངེས་མིན་པའི་དབང་ཚད་ལེན་པ་དང་། ཁེར་རྐྱང་མོས་མཐུན་མ་ཐོབ་པར་ཕྱོགས་གསུམ་པར་གནད་འཁེལ་གནས་བབ་ཀྱི་ཆ་འཕྲིན་མཉམ་སྤྱོད་བྱེད་པ། གསང་བའི་སྲིད་ཇུས་མེད་པ། ཁྱབ་ཁོངས་ལས་བརྒལ་བའི་སྒོ་ནས་འཕྲིན་སྤེལ་ཟིན་ཐོ་འཚོལ་བསྡུ་བྱེད་པ་སོགས་ཀྱི་གནད་དོན་གནས་པ་དང་།སྒེར་གྱི་ཆ་འཕྲིན་སྲུང་སྐྱོང་བཅའ་ཁྲིམས་ལས་འགལ་བ་སོགས་བཅའ་ཁྲིམས་དང་ཁྲིམས་སྲོལ་ནང་བཀོད་གཏན་འབེབས་དང་འགལ་ཡོད་ཅིང་། ངོ་བོ་ཤིན་ཏུ་ངན་པ་ཡིན་པས་ཁྲིམས་ལྟར་སྒྲོམ་ནས་ཕབ་པའི་ཐག་གཅོད་བྱས་པ་སྟེ། “ཤར་ཕྱོགས་ཀྱི་གསར་འགྱུར་དང་པོ”སོགས་Appཁག་80ལ་དགོས་ངེས་མིན་པའི་དབང་ཆ་ཡང་ཡང་ལེན་པ་དང་། གསང་བའི་སྐོར་གྱི་སྲིད་ཇུས་གསལ་སྟོན་མི་བྱེད་པ། འབྲེལ་ཡོད་མི་སྒེར་གྱི་ཆ་འཕྲིན་ཐག་གཅོད་སྒྲིག་སྲོལ་གསལ་བསྒྲགས་མི་བྱེད་པ། གསང་བའི་སྲིད་ཇུས་ལྐོག་ནས་ཁས་ལེན་ཡོད་པ། ཐོ་ཁོངས་ནས་སུབ་མི་ཐུབ་པའམ་བསུབ་ཐབས་བྲལ་བ་སོགས་ཀྱི་གནད་དོན་ཡོད་པ་དང་། མི་སྒེར་གྱི་ཆ་འཕྲིན་སྲུང་སྐྱོང་བཅའ་ཁྲིམས་སོགས་བཅའ་ཁྲིམས་དང་ཁྲིམས་སྲོལ་ནང་བཀོད་གཏན་འབེབས་དང་འགལ་བས། ཁྲིམས་ལྟར་དུས་བཀག་ཟླ་བ་གཅིག་ནང་དག་ཐེར་ཡོ་བསྲང་བྱེད་འགན་དཀྲི་རྒྱུ་དང་། དུས་ལས་ཡོལ་ཡང་དག་ཐེར་ཡོ་བསྲང་མ་བྱས་ན། ཁྲིམས་ལྟར་སྒྲོམ་ནས་ཕབ་པའི་ཐག་གཅོད་བྱ་རྒྱུ་རེད།


分享到：QQ空间新浪微博腾讯微博人人网微信