གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་གི་རི་སྐྱེས་སྲོག་ཆགས།

        དགུན་ཟུག་མ་ཐག་པ་ནས་བཟུང་ས་གཞི་ཡོངས་སུ་དགུན་གྱི་རྣམ་པ་ཤར་ཡོད། ཉེ་ཆར། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་འབྲི་ཆུ་འབྱུང་ཡུལ་གྱི་སྐྱེ་ཁམས་དོ་དམ་སྲུང་སྐྱོང་མི་སྣ་འཇམ་དབྱངས་རྒྱ་མཚོ་ཡིས་ཕྱི་རོལ་ནས་སྐོར་ཞིབ་བྱེད་སྐབས་ཤྭ་སྐྱ་དང་། མཐོ་སྒང་གི་བྱ་རྒོད་སོགས་རི་སྐྱེས་སྲོག་ཆགས་རྩ་ཆེན་རིགས་པར་བླངས་པ་རེད། ཉེ་བའི་ལོ་འགའི་རིང་། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་དོ་དམ་ཅུའུ་ཡིས་རྒྱུན་མཐུད་ངང་སྐྱེ་དངོས་སྣ་མང་རང་བཞིན་སྲུང་སྐྱོང་ལ་ཤུགས་བསྣན་པས། རི་སྐྱེས་སྲོག་ཆགས་འཚོ་སྡོད་བྱེད་སའི་ཁོར་ཡུག་གི་སྐྱེ་ཁམས་སྤུས་ཚད་མུ་མཐུད་དུ་ཇེ་ལེགས་དང་། ཁྱུ་ཚོགས་གྲངས་འབོར་རིམ་བཞིན་མཐོ་རུ་སོང་ནས། མི་དང་རང་བྱུང་འཆམ་མཐུན་མཉམ་གནས་ཀྱི་རྣམ་པ་བཟང་བོ་མི་རྣམས་ཀྱི་མིག་ལམ་དུ་མངོན་པ་རེད། འཇམ་དབྱངས་རྒྱ་མཚོ་དང་འདྲ་བའི་སྐྱེ་ཁམས་དོ་དམ་སྲུང་སྐྱོང་མི་སྣ་དག་རང་འགུལ་གྱིས་གཙང་གསུམ་འབྱུང་སྐྱེ་ཁམས་སྲུང་སྐྱོང་ལས་དོན་ནང་ཞུགས་ནས། རི་ཀླུང་བརྒལ་ནས་རང་གི་ཁྱིམ་གཞིས་སྲུང་ཏེ་ས་གནས་སྐྱེ་ཁམས་སྲུང་སྐྱོང་གི་སྟོབས་ཤུགས་གཙོ་བོར་གྱུར་ཡོད། ། 

མཐོ་སྒང་གི་གླག 

གནའ་བའི་ཁྱུ་ཚོགས།

ཤྭ་སྐྱའི་ཁྱུ་ཚོགས།

ཤྭ་སྐྱ།

མཐོ་སྒང་གི་བྱ་རྒོད། 

མཐོ་སྒང་གི་ཁྲ།

མཐོ་སྒང་གི་འདབ་ཆགས།