ལྗང་མདོག་རྨང་གཞི་བྱས་ནས་འཛམ་གླིང་གི་སེམས་ཀྱི་ཉི་ཟླ་སྐྲུན།

        ཉེ་བའི་ལོ་འགའི་རིང་། སེམས་ཀྱི་ཉི་ཟླ་གྲོང་ཁྱེར་གྱིས་ཞི་ཅིན་ཕིང་གི་སྣོད་བཅུད་ཤེས་དཔལ་དགོངས་པ་དང་རི་སྔོ་ཆུ་དྭངས་ནི་གསེར་རི་དངུལ་རི་ལས་ལྷག་ཞེས་པའི་འདུ་ཤེས་ལག་བསྟར་གཏིང་ཟབ་བཏང་བ་དང་། སྣོད་བཅུད་སྔོན་ལ་འཕེལ་རྒྱས་གཏོང་བའི་ལམ་བུའི་ཐོག་བསྐྱོད་པར་རྒྱུན་འཁྱོངས་བྱས་པ། སེམས་ཀྱི་ཉི་ཟླའི་ཚེ་སྲོག་དང་རྩི་ཤིང་། རི་ཆུ་ཁྲི་སྟོང་སྲུང་སྐྱོང་བྱེད་པར་ཤུགས་བརྒྱབ་ནས་སྣོད་བཅུད་ཁོར་ཡུག་གི་སྤུས་ཚད་རྒྱུན་མཐུད་ངང་ལེགས་བཅོས་བྱུང་ཡོད་པ་དང་། ལྗང་མདོག་འཕེལ་རྒྱས་ཀྱི་ཞབས་མདོག་དེ་བས་མངོན་གསལ་དོད་པ། སྣོད་བཅུད་སྲུང་སྐྱོང་གི་གྲུབ་འབྲས་དེ་བས་མངོན་གསལ་དོད་པ། རྒྱལ་ཁབ་རིམ་པའི་སྣོད་བཅུད་ནུས་པའི་ཁུལ་གྱི་ངེས་གནས་རྒྱུན་ཆད་མེད་པར་སྲ་བརྟན་དུ་ཕྱིན་ཡོད་པ་རེད།

        2022ལོའི་ཟླ་4པར། གྲོང་ཁུལ་ལས་ཁུངས་ཀྱི་ལས་བྱེད་ལས་བཟོ་མང་པོས་སེམས་ཀྱི་ཉི་ཟླ་གྲོང་ཁྱེར་གྱི་སེམས་ཀྱི་ཉི་ཟླ་ལྗང་མདོག་དང་མཛེས་སྡུག་བཟོ་བའི་ལོ་གསུམ་གྱི་བྱ་སྤྱོད་ཞེས་པའི་གྲོང་ཁུལ་གྱི་འོས་འགན་སྡོང་འཛུགས་བྱེད་སྒོ་སྤེལ་སར་ཚ་ཚ་འུར་འུར་ངང་ཤིང་སྡོང་བཙུགས་པ་དང་། ཚང་མས་དོང་འདྲུ་བ་དང་ས་སྦས་བ། ཆུ་བླུགས་པ་སོགས་བྱས་ནས་གསོམ་ཤིང་དང་ཤུག་པ་སོགས་རེ་རེ་བཞིན་བཙུགས་པ་རེད།