སློབ་གསོའི་སྐོར་གྱི་གཏམ་དཔེ།

སློབ་གསོའི་སྐོར་གྱི་གཏམ་དཔེ།

གཅིག་བཤད་དོན་ལ་མ་གནས་ན། །

བརྒྱ་བཤད་སྟོང་བཤད་སྟོང་བ་ཡིན། །

གཏམ་ཐག་ཐུང་ན་ཉན་བདེ། །

ཡོབ་ཐག་ཐུང་ན་ཞོན་བདེ། །

མཁས་པ་ཡིན་ན་སྔོན་རིག་དགོས། །

མིག་ཅན་ཡིན་ན་གཞུག་རིག་དགོས། །

ནང་ཕུ་ནུའི་བར་ལ་གྱོད་མི་མཛའ། །

ཤ་རྒྱུ་མའི་བར་ལ་གྲི་མི་མཛའ། །

དོན་ཆེན་གཞུག་ལ་མ་བསྐྱུར། །

ཚིག་ཆེན་སྔོན་ལ་མ་བཤད། །

སེམས་བསམ་པ་གཞན་ལ་མ་གནག །

མར་སྡུག་བསྔལ་ལྷུང་བའི་རྒྱུ་ཡིན། །

《མདོ་སྨད་ཀྱི་གཏམ་དཔེ་དོན་ལྡན་ཕྱོགས་གཅིག་ཏུ་དྲིལ་བ 》ལས་བཏུས།