འཇོལ་རྫོང་མི་རིགས་རིག་གནས་སྒྱུ་རྩལ་ཚོགས་པ་བཙུགས་ནས་སྒོ་བྱང་བཀལ།

རྩོམ་པ་པོ།     ཡིག་བསྒྱུར།       དུས་ཚོད།   2023-03-29   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཟླ3པའི་ཚེས26ཉིན་འཇོལ་རྫོང་གིས་སྨན་ཁང་རྙིང་པའི་ཐང་ཆེན་དུ་འཇོལ་རྫོང་མི་རིགས་རིག་གནས་སྒྱུ་རྩལ་ཚོགས་པའི་སྒོ་བྱང་སྤྲོད་པའི་མཛད་སྒོ་འཚོགས་པ།

图片    

    ཤེས་རྟོགས་བྱུང་བར་གཞིགས་ན་འཇོལ་རྫོང་མི་རིགས་རིག་གནས་སྒྱུ་རྩལ་ཚོགས་པའི་སྔ་མིང་འཇོལ་རྫོང་གཞུང་ཁོངས་རིག་རྩལ་ཚོགས་པ་དེ1959ལོར་བཙུགས་པ་དང་སྐབས་དེར་མའོ་ཙེ་ཏུང་དགོངས་པའི་དྲིལ་བསྒྲགས་རུ་ཁག་ཅེས་འབོད་པ། 1980ལོར་འཇོལ་རྫོང་རིག་རྩལ་རུ་ཁག་ཅེས་མིང་བསྒྱུར་བ་རེད།

    1989ལོར་མི་དགོས་པར་བཟོས་ནས་ཁག་བགོས་བྱས་པ་དང་། 2007ལོར་འཇོལ་རྫོང་མི་རིགས་གླུ་གར་ཚོགས་པ་བཙུགས་པ། 2013ལོར་འཇོལ་རྫོང་མི་རིགས་རིག་གནས་ལས་དོན་རུ་ཁག་ཏུ་མིང་བསྒྱུར་ནས་2020ལོར་སླེབས་སྐབས་ཕྱིར་འཐེན་བྱས་པ་རེད། གཞུང་ཁོངས་རིག་རྩལ་ཁང་དང་ཚོགས་པའི་སྒྱུར་བཅོས་གཏིང་ཟབ་ཏུ་གཏོང་རྒྱུའི་སྐོར་གྱི་ཀྲུང་དབྱང་དང་ཞིང་ཆེན། ཁུལ་གྱི་བླང་བྱ་གཞིར་བཟུང་འཇོལ་རྫོང་ཨུད་དང་རྫོང་སྲིད་གཞུང་གིས་ཞིབ་འཇུག་ཐག་གཅོད་བྱས་པ་བརྒྱུད་འཇོལ་རྫོང་མི་རིགས་རིག་གནས་སྒྱུ་རྩལ་ཚོགས་པ་སླར་གསོ་བཀོད་སྒྲིག་བྱས་པ་རེད།

图片    

    འཇོལ་རྫོང་མི་རིགས་རིག་གནས་སྒྱུ་རྩལ་ཚོགས་པ་སྒོ་བྱང་བཀལ་ནས་བཙུགས་པ་དེ་འཇོལ་རྫོང་གཞུང་ཁོངས་རིག་རྩལ་ཁང་དང་ཚོགས་པ་འཛུགས་སྐྱོང་བྱ་རྒྱུ་དེ་འཕེལ་རྒྱས་ཀྱི་དུས་མཚམས་གསར་རྐྱང་ཞིག་ཏུ་སླེབས་པ་མཚོན་ཡོད། དེ་སྲིད་ཇུས་དྲིལ་བསྒྲགས་དང་། དཔལ་ཡོན་ལག་ལེན། སྤྱི་པའི་ཞབས་ཞུ། དམངས་ཕན་འཁྲབ་སྟོན། སྒྱུ་རྩལ་ཁྱབ་གདལ། ས་གནས་ཀྱི་ཟློས་གར་རིགས་དང་ཁྱད་ཆོས་ལྡན་པའི་དམངས་ཁྲོད་སྒྱུ་རྩལ་སྲུང་སྐྱོང་དང་རྒྱུན་འཛིན་སོགས་ཀྱི་ལས་ཀ་སྒྲུབ་འགན་འཁུར་རྒྱུ་རེད།



分享到：QQ空间新浪微博腾讯微博人人网微信