སེམས་ཀྱི་ཉི་ཟླས་ཁྱད་ལྡན་ཞིང་ལས་འཕེལ་རྒྱས་ལ་སྐུལ་འདེད་བཏང་བ།

        གཙོ་གནད་ཐོན་ལས་འཕེལ་རྒྱས་གཏོང་བ་ལ་དམིགས་པ།

        སེམས་ཀྱི་ཉི་ཟླ་གྲོང་ཁྱེར་གྱིས་མུ་མཐུད་ནས་གཡག་གསོ་ཚགས་གཙོ་བོར་བྱས་པའི་སྒོ་ཕྱུགས་དང་ཁྱིམ་བྱ། ཀྲུང་ལུགས་སྨན་རྒྱུ། ས་མཐོའི་འབྲུ་རིགས་དཀྱུས་མ། སྔོ་ཚལ། ཤིང་རིགས་སྣུམ་རྒྱུ། ས་མཐོའི་ཤིང་འབྲས། རྡོ་ཐ་སོགས་ལེགས་ལྡན་ཁྱད་ལྡན་ཐོན་ལས་སྲ་བརྟན་དུ་བཏང་བ་དང་། "རྫོང་གཅིག་ལ་ལས་རིགས་གཅིག་"རྒྱུན་མཐུད་ངང་སྟོབས་ཆེར་བཏང་ནས་རྒྱལ་ཐང་འབྲི་གཡག་རྒྱུད་སྲུང་གསོ་སྤེལ་དཔེ་སྟོན་གླིང་དང་། ཅིན་ཅང་ཁྱད་ལྡན་བཤས་ཟོག་གསོ་སྤེལ། བདེ་ཆེན་བོད་ཕག་གསོ་སྤེལ་རྟེན་གཞི། གཟན་ཆག་ལས་སྣོན་བཟོ་ཁང་སོགས་ཀྱི་རྣམ་གྲངས་ལ་སྐུལ་འདེད་མགྱོགས་སུ་བཏང་ནས་གསོ་སྤེལ་ལས་རིགས་ཀྱི་ཐོན་རྫས་རིན་ཐང་སྒོར་དུང་ཕྱུར་6ལས་མི་དམའ་བའི་འགན་ལེན་ཏན་ཏིག་བྱས་པ། ས་མཐོའི་ཐོན་ཁུངས་དང་གནམ་གཤིས་ཀྱི་ལེགས་ཆ་བེད་སྤྱོད་གང་ལེགས་བྱེད་དེ་ཤིང་ཏོག་ལན་མའི་དང་ཁྲེ་ལི་ཙི་སོགས་དུས་ཚིགས་ལྡོག་པའི་ས་མཐོའི་རྩེར་སོན་ཤིང་འབྲས་དང་སྔོ་ཚལ་ཐོན་ལས་འཕེལ་རྒྱས་ཤུགས་ཆེན་བཏང་ནས་སྔོ་ཚལ་དང་ཤིང་འབྲས་ཀྱི་ཐོན་རྫས་རིན་ཐང་སྒོར་དུང་ཕྱུར་2ཡན་ཟིན་པར་འགན་ལེན་བྱས་པ། བེ་ཤ་དང་དབྱར་རྩྭ་དགུན་འབུ་སོགས་རི་སྐྱེས་ཐོན་ཁུངས་སྲུང་སྐྱོང་བྱེད་ཤུགས་ཆེ་རུ་གཏོང་བ་དང་ས་ཁམས་མཚོན་རྟགས་ཀྱི་སྤུས་རྟགས་འཛུགས་སྐྱོང་ལ་སྐུལ་འདེད་བཏང་ནས་བེ་ཤ་ཐོན་ཁུལ་གལ་ཆེན་དང་བཟའ་བྱའི་ཤ་མོའི་སྤུས་རྟགས་ཀྱི་ཕན་འབྲས་ཆེ་རུ་བཏང་བ། ཞིང་ལས་ཐོན་རྫས་མཛོད་འཇུག་དང་འཁྱགས་སྦྲེལ་སྐྱེལ་འདྲེན་མ་ལག་འཛུགས་སྐྲུན་བྱེད་ཤུགས་ཆེ་རུ་བཏང་བ་དང་། "གློག་རྡུལ་ཚོང་དོན་ཐོན་ལས་གླིང་+མཉམ་ལས་ཁང་+ཞིང་དུད་"བཅས་ཀྱི་མངག་ཐོ་འདེབས་འཛུགས་རྟེན་གཞི་1བསྐྲུན་པ། ཤང་དང་གྲོང་རྡལ་ཁག་གི་གྲོང་ཚོ་རིམ་པའི་གློག་རྡུལ་ཚོང་དོན་ཕྱོགས་བསྡུས་ཞབས་ཞུའི་མ་ལག་འཐུས་ཚང་དུ་བཏང་བ།