དོན་དངོས་སྒྲུབ་ནས་དམངས་འཚོར་ཕན་བཏགས་པ།

པར་འདི་ནི་གཞིས་ཀ་རྩེ་གྲོང་ཁྱེར་སྐྱིད་གྲོང་རྫོང་སྐྱིད་གྲོང་གྲོང་རྡལ་གྱི་གྲོང་གསེབ་གཞུང་ལམ་གྱི་རྣམ་པ་རེད།

པར་འདི་ནི་གསར་སྐྲུན་བྱས་ཟིན་པའི་ལྷོ་ཁ་གྲོང་ཁྱེར་ལྷུན་རྩེ་རྫོང་རྩ་རི་ཤང་གི་ཟུར་ཞིག་རེད།

པར་འདི་ནི་ལྷ་ས་གྲོང་ཁྱེར་ཆུ་ཤུར་རྫོང་ཚལ་སྣེ་ཤང་བཀྲ་ཤིས་དུས་བཞི་གྲོང་ཚོ་ཐུར་ལྟ་བྱས་པའི་རྣམ་པ་རེད།

    ཉེ་བའི་ལོ་འགའི་རིང་། བོད་རང་སྐྱོང་ལྗོངས་ཏང་ཨུ་དང་སྲིད་གཞུང་གིས་དམངས་འཚོ་ལེགས་སྒྱུར་དང་མི་རིགས་སོ་སོའི་མང་ཚོགས་ཀྱི་ཐོབ་སྣང་དང་སྐྱིད་སྣང་། བདེ་སྣང་བཅས་རྒྱུན་མཐུད་ཆེ་རུ་གཏོང་རྒྱུ་དེ་ལས་དོན་ཡོད་ཚད་ཀྱི་རྐང་འཛུགས་ས་དང་གཞི་འཛིན་སར་བརྩིས་ཏེ། དམངས་འཚོའི་ལས་གཞིར་དམ་འཛིན་བྱས་པ་དང་ནུས་ཤུགས་ཡོད་རྒུས་དམངས་འཚོའི་དོན་དངོས་ལེགས་པོར་སྒྲུབ་པ་དང་། ཀུན་ཕན་རང་བཞིན་དང་རྨང་གཞིའི་རང་བཞིན། མཐའ་སྐྱོང་རང་བཞིན་བཅས་ལྡན་པའི་དམངས་འཚོའི་འཛུགས་སྐྲུན་ལ་ཤུགས་བསྣན་ནས་མི་དམངས་མང་ཚོགས་ཀྱི་འཚོ་བའི་སྤུས་ཚད་མུ་མཐུད་ཇེ་ལེགས་སུ་བཏང་། །