བདེ་ཆེན་གྱི་ཞིང་ལས་དང་གྲོང་གསེབ་ཀྱི་དཔལ་འབྱོར་འཁོར་སྐྱོད་བཟང་བ།

ད་ལོ་ནས་བཟུང་། བདེ་ཆེན་ཁུལ་གྱིས་ཞིང་ལས་དང་གྲོང་གསེབ་སྔོན་ལ་འཕེལ་རྒྱས་གཏོང་རྒྱུ་མཐའ་འཁྱོངས་བྱས་ཏེ་འབྲུ་རིགས་བདེ་འཇགས་འགན་ལེན་དང་གཏན་འབེབས་རང་བཞིན་གྱི་དབུལ་པོ་བསྐྱར་ལོག་མི་ཐོན་པའི་མཐའ་ཚད་གཉིས་བརྟན་པོ་བསྲུངས་ནས། དཔྱིད་རྨོད་ཐོན་སྐྱེད་སྔ་ཙམ་ཇུས་འགོད་བྱས་ཏེ་ཞིང་ལས་ཐོན་རྫས་གལ་ཆེན་ནུས་ལྡན་ངང་མཁོ་སྤྲོད་བྱ་རྒྱུར་ནུས་ཤུགས་ཡོད་རྒུས་འགན་ལེན་བྱས་པས།  དུས་ཚིགས་དང་པོར་ཞིང་ལས་དང་གྲོང་གསེབ་ཀྱི་དཔལ་འབྱོར་འཁོར་སྐྱོད་བརྟན་པོ་བྱུང་བ་དང་ཁུལ་ཡོངས་ཀྱི་ཐོན་ལས་དང་པོས་རིན་ཐང་འཕར་མ་སྒོར་དུང་ཕྱུར་1.79ལེགས་སྒྲུབ་བྱས་པ་དེ་དུས་མཚུངས་ལས་3.1%འཕར་བ་དང་། རིམ་རྩིས་བྱས་ན་ཞིང་ནགས་འབྲོག་ཉ་བཅས་ལས་རིགས་ཀྱི་སྤྱིའི་ཐོན་རྫས་རིན་ཐང་སྒོར་དུང་ཕྱུར་3.74ལེགས་སྒྲུབ་བྱུང་སྟེ་དུས་མཚུངས་ལས་3.2%འཕར་ཡོད་པ་རེད།   

 ཞིང་པ་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་བརྟན་པོའི་ངང་འཕར་ཡོད། དུས་ཚིགས་དང་པོར་ཁུལ་ཡོངས་ཀྱི་གྲོང་གསེབ་ཀྱི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་2396ཟིན་ཏེ་དུས་མཚུངས་ལས་6.8%འཕར་བ་དང་ཞིང་ཆེན་ཡོངས་ཀྱི་འཕར་ཚད་ལས་བརྒྱ་ཆའི་གྲངས་1.4མཐོ་བ་ཡོད་པ་རེད།    ཞིང་འབྲོག་ལས་རིགས་ཐོན་སྐྱེད་ལ་བརྟན་པོའི་ངང་སྐུལ་འདེད་བཏང་བ། ཞིང་ལས་གནས་ཚུལ་བཀོད་གཏོང་གི་གྲངས་གཞིའི་ཐོག་ནས་མངོན་པར་གཞིགས་ན་ཟླ་5པའི་ཚེས་10ཉིན་བར་2023ལོའི་དབྱར་བསྡུའི་འབྲུ་རིགས་འདེབས་ཁྱོན་མུའུ་ཁྲི་18.99ཟིན་པ་དེ་ལོ་གོང་མའི་དུས་མཚུངས་ལས་མུའུ་ཁྲི་0.19མང་དུ་ཕྱིན་པ་དང་སྔོན་དཔག་བྱས་ན་དབྱར་བསྡུའི་འབྲུ་རིགས་ཐོན་ཚད་ཏུན་ཁྲི་3.62ཟིན་རྒྱུ་ཡིན་པ་རེད། དགུན་དུས་པད་ཁ་མུའུ་ཁྲི་1.62བཏབ་པར་སྔོན་དཔག་བྱས་ན་ཐོན་ཚད་ཏུན་ཁྲི་0.26ཟིན་རྒྱུ་རེད། སྟོན་འབྲུ་མུའུ་ཁྲི་25.67་བཏབ་པ་རེད།  དུས་ཚིགས་དང་པོར། ཁུལ་ཡོངས་སུ་གསོན་ཕག་ཁྲི་34.95དང་། བ་གླང་ཁྲི་18.11  ལུག་ཁྲི་16.94  ཁྱིམ་བྱ་ཁྲི་75.91་བཅས་ཡོད་པ་དེ་དུས་མཚུངས་ལས་8%་དང་། 7.5%  5.3%  0.8%་བཅས་སོ་སོར་འཕར་ཡོད།

    ཞིང་ལས་དང་འབྲེལ་བ་ཡོད་པའི་རྣམ་གྲངས་དང་ཞིང་ལས་ལ་མ་དངུལ་འཇོག་གྲངས་བརྟན་པོའི་ངང་ལག་བསྟར་བྱས་ཡོད། 2023ལོར་ཞིང་ལས་དང་འབྲེལ་བ་ཡོད་པའི་གཙོ་གནད་རྣམ་གྲངས་19ལག་བསྟར་བྱ་རྒྱུའི་འཆར་གཞི་ཡོད་པར་ཁྱོན་མ་དངུལ་སྒོར་དུང་ཕྱུར་8.89གཏོང་རྒྱུ། ཟླ་5པའི་ཚེས་10ཉིན་བར་རྣམ་གྲངས་8སྐྲུན་འགོ་ཚུགས་པ་དང་མ་འཇོག་སྒོར་ཁྲི་7343ལེགས་གྲུབ་ཟིན་ཡོད། 2023ལོར་ཐོན་ལས་རྣམ་གྲངས་215ལག་བསྟར་བྱ་རྒྱུའི་འཆར་གཞི་ཡོད་པ་དང་མིག་སྔར་རྣམ་གྲངས་144ལས་འགོ་ཚུགས་པ་དང་མ་དངུལ་སྒོར་དུང་ཕྱུར་2.23བཏང་ཡོད།    གོམ་སྟབས་རྗེས་མར། ཁུལ་ཡོངས་ཀྱི་ཞིང་ལས་དང་འབྲེལ་བ་ཡོད་པའི་སྡེ་ཚན་གྱིས་ཁུལ་ཨུའི་གྲོང་གསེབ་ལས་དོན་ཚོགས་འདུའི་ཐོག་གཏན་འཁེལ་བྱས་པའི་དམིགས་ཚད་ལས་འགན་ལ་དམ་པོར་དམིགས་ཏེ་དམིགས་ཚད་དང་རེའུ་མིག་ལ་དམིགས་པ་དང་ཞིང་པའི་འབབ་འཕར་དམིགས་ཚད་ལ་གཞིགས་ནས་གྲོང་གསེབ་ཀྱི་གྲོང་མིར་རྒྱུན་མཐུད་འབབ་འཕར་ཡོང་བའི་ལོ་གསུམ་གྱི་བྱ་སྤྱོད་ཇུས་གཞི་ལག་བསྟར་ཡག་པོ་བྱེད་པ་དང་། ཞིང་ཕན་དམངས་ཕན་རྣམ་གྲངས་ཁག་དོན་འཁྱོལ་བྱས་ཏེ་གནས་སྡོད་དང་འཚམ་པའི་ལས་རིགས་དང་མཛེས་སྡུག་ལྡན་པའི་གྲོང་གསེབ་ནུས་ཤུགས་ཡོད་རྒུས་བསྐྲུན་རྒྱུ་ཡིན་པ་རེད།