ཆུ་དཀར་ཆུ་ནག་ནི་ཡུལ་སྐོར་ས་རྟགས་གསར་པ་ཞིག་ཏུ་གྱུར་ཡོད།

རྩོམ་པ་པོ།     ཡིག་བསྒྱུར།       དུས་ཚོད།   2023-08-11   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། དབྱར་ཁའི་གུང་གསེང་རིང་ཡུལ་སྐོར་སྤྲོ་འཆམ་གྱི་ཚ་རླབས་འཕྱུར་བ་དང་བསྟུན་ནས་"ལྷ་མིའི་ཤུལ་བཞག་ཞིང་ཁ་"ཞེས་འབོད་པའི་ཆུ་དཀར་ཆུ་ནག་མཛེས་ལྗོངས་ཁུལ་གྱིས་ཐུན་མོང་མ་ཡིན་པའི་རང་བྱུང་མཛེས་ལྗོངས་དང་མཚར་སྡུག་ལྡན་པའི་སྟོན་པའི་རིག་གནས་ལ་བརྟེན་ནས་རྒྱལ་ཁབ་ཕྱི་ནང་གི་ཡུལ་སྐོར་བ་མང་པོས་དགའ་པོ་བྱེད་ཀྱི་ཡོད།

图片

    ཆུ་དཀར་ཆུ་ནག་མཛེས་ལྗོངས་ཁུལ་ནི་སེམས་ཀྱི་ཉི་ཟླ་གྲོང་ཁྱེར་སན་པཱ་ཤང་པའེ་ཏི་གྲོང་སུ་གནས་ཡོད་ལ། རྒྱ་ཁྱོན་ལ་སྤྱི་ལེ་གྲུ་བཞི་མ་3ཙམ་ཡོད་དེ་རང་རྒྱལ་གྱི་ཆེས་ཆེ་བའི་ཧྭ་ཆོན་སྟེགས་བུ་ཡིན། གྲོང་ཁུལ་དང་བར་ཐག་སྤྱི་ལེ་100ཡས་མས་ཡོད་པ་དེ་ནི་སེམས་ཀྱི་ཉི་ཟླའི་ཡུལ་སྐོར་ཤར་སྐོར་ལམ་སྟག་མཆོང་གྲོག་རོང་ནས་སེམས་ཀྱི་ཉི་ཟླ་བར་གྱི་གཞུང་ལམ་བརྒྱུད་དགོས་ངེས་ཀྱི་ས་ཆ་ཞིག་རེད། སྟབས་བདེའི་འགྲིམ་འགྲུལ་ཆ་རྐྱེན་དང་ཁྱད་དུ་འཕགས་པའི་ཡུལ་སྐོར་ཐོན་ཁུངས་དང་ཐུན་མོང་མ་ཡིན་པའི་རིག་གནས་ཀྱི་ནང་དོན་གྱིས་དེ་ཉིད་སེམས་ཀྱི་ཉི་ཟླའི་ཡུལ་སྐོར་གྱི་གསར་དར་འགག་སྒོ་ཞིག་ཏུ་གྱུར་ཡོད།
    ཆུ་དཀར་ཆུ་ནག་མཛེས་ལྗོངས་ཁུལ་དུ་བསྐྱོད་སྐབས་རི་བོ་མཐོ་ཞིང་ཀྲོང་ངེར་འགྱིང་བ་མཐོང་བ་དང་ཆེ་ཆུང་མི་འདྲ་བ་དང་ནོར་འཁྲུལ་གྱིས་ཁེངས་པའི་ཧྭ་ཆོན་སྟེགས་བུ་དེ་གཡུ་ཤེལ་དངུལ་ཤེལ་ལྟར་རི་རྩེ་རུ་ཕྲ་རྒྱན་བརྒྱབ་ཡོད། སྟེགས་བུ་དཀྱིལ་གྱི་རྫིང་བུའི་ཆུ་དྭངས་ཤིང་མཐིལ་མཐོང་བ་དང་། ངོ་མཚར་ཆེ་བའི་མདོག་སྔོན་པོ་ཞིག་མངོན་པ་དང་། འོད་མདངས་གཡུ་དང་འདྲ། སྔོ་ཐིང་ཐིང་གི་རྡོ་རྗེ་ཕ་ལམ་དང་འདྲ། གནམ་འོད་སྤྲིན་གྲིབ་ལ་འགྱུར་ལྡོག་བྱུང་བ་དང་བསྟུན་ནས་ཡུལ་ལྗོངས་སྐད་ཅིག་ཙམ་ལ་འགྱུར་ལྡོག་ཆེན་པོ་བྱུང་བ་དང་ངོ་མཚར་ཆེ་བའི་སྣང་ཚུལ་ཞིག་རེད།

图片

    ཉེ་བའི་ལོ་ཤས་རིང་། སེམས་ཀྱི་ཉི་ཟླ་གྲོང་ཁྱེར་གྱིས་ཆུ་དཀར་ཆུ་ནག་མཛེས་ལྗོངས་ཁུལ་གྱི་ཐོག་མའི་རྣམ་པ་སྲུང་སྐྱོང་ཡག་པོ་བྱེད་པའི་སྔོན་འགྲོའི་ཆ་རྐྱེན་འོག་ཡུལ་སྐོར་གྱི་རྨང་གཞིའི་སྒྲིག་བཀོད་འཛུགས་སྐྲུན་རྒྱུན་ཆད་མེད་པར་འཐུས་སྒོ་ཚང་དུ་བཏང་སྟེ་མཛེས་ལྗོངས་ཁུལ་གྱི་ཡུལ་སྐོར་ལྟེ་གནས་དང་། སྐྱེ་ཁམས་རླངས་འཁོར་འཇོག་ས། ཡུལ་སྐོར་གསང་སྤྱོད་ཁང། སྤྲོ་གསེང་སྒྲིག་བཀོད། ངལ་གསོའི་སྒྲིག་བཀོད་བཅས་སྔ་རྗེས་སུ་འཛུགས་སྐྲུན་ལེགས་གྲུབ་བྱུང་བ་དང་། ཡུལ་སྐོར་མཛེས་ལྗོངས་ཁུལ་དང་ཡུལ་སྐོར་ལམ་རྒྱུད་ཀྱི་ཁོར་ཡུག་ཕྱོགས་བསྡུས་བཅོས་སྐྱོང་ལའང་གྲུབ་འབྲས་མངོན་གསལ་ཐོབ་ཡོད།

图片

    ཆུ་དཀར་ཆུ་ནག་གིས་འཇང་རིགས་ཀྱི་ལོ་ངོ་ཉིས་སྟོང་རིང་གི་རིག་གནས་དང་དྲན་ཤེས་གསོ་སྐྱོང་བྱས་ཡོད་པར་བརྟེན་སྟོན་པའི་རིག་གནས་ལོ་རྒྱུས་ཀྱི་ཁྲག་རྒྱུན་རྒྱུན་འཛིན་བྱེད་པའི་གནས་མཆོག་ཅིག་ཏུ་གྱུར་ཡོད། ལོ་ངོ་སྟོང་ཁྲ་གསོག་འཇོག་བྱས་པ་བརྒྱུད་ཉེ་འགྲམ་གྱི་གནའ་བོའི་གྲོང་ཚོས་སྟོན་པའི་ཤོག་བཟོ་དང་། ཨ་ཁ་པ་ལའི་གླུ་གར། སྟོན་པའི་རྔ་། ལག་ཤེས་འཁེལ་འཐག་ལག་རྩལ་སོགས་ཕུལ་དུ་བྱུང་བའི་མི་རིགས་དང་དམངས་ཁྲོད་ཀྱི་རིག་གནས་རྒྱུན་འཛིན་བྱས་ཡོད་པ་དང་། ཡུལ་སྐོར་བས་"ལྷ་མིའི་ཤུལ་བཞག་ཞིང་ཁའི་"མཛེས་ལྗོངས་ལ་ལྟ་སྐོར་བྱེད་ཞོར་དུ་ད་དུང་ཉེ་འཁོར་གྱི་གནའ་བོའི་གྲོང་ཚོར་བསྐྱོད་དེ་འཇང་རིགས་རིག་གནས་ལས་བྱུང་བའི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་མྱོང་ཚོར་ཐུབ་ཀྱི་ཡོད།

图片

    ཤེས་གསལ་བྱུང་དོན། ཟླ་7པ་ནས་བཟུང་མཛེས་ལྗོངས་ཁུལ་གྱི་ཡུལ་སྐོར་བ་ཉིན་རེ་བཞིན་མང་དུ་ཕྱིན་པ་དང་དབྱར་ཁའི་གུང་གསེང་ཉིན་རེར་ཆ་སྙོམས་མི་2000ཡས་མས་ལ་སྣེ་ལེན་ཞུས་ཡོད། ཡུལ་སྐོར་བའི་དུས་མཚམས་མི་འདྲ་བའི་ལྟ་སྐོར་གྱི་དགོས་མཁོ་འགན་ལེན་བྱ་ཆེད་མཛེས་ལྗོངས་ཁུལ་དུ་ཆུ་ཚོད་1སྔ་སྣུར་དུ་སྒོ་ཕྱེ་བ་དང་ཆུ་ཚོད་3ཕྱིར་འགྱངས་བྱས་ནས་སྒོ་བརྒྱབ་པ་རེད།


分享到：QQ空间新浪微博腾讯微博人人网微信