བདེ་ཆེན་གྱི་མི་རིཊ་མཐུན་སྒྲིལ་ཡར་ཐོན་བྱ་གཞག་འཕེལ་རྒྱས་ཀྱི་ལོ་14

རྩོམ་པ་པོ།     ཡིག་བསྒྱུར།       དུས་ཚོད།   2023-09-15   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

图片

        བདེ་ཆེན་ནི་ཡུན་ནན་ཞིང་ཆེན་གྱི་བོད་རིགས་རང་སྐྱོང་ཁུལ་གཅིག་པུ་ཡིན་ལ། ཡུན་ནན་དང་སི་ཁྲོན། བོད་ལྗོངས་བཅས་ཞིང་ཆེན་（རང་སྐྱོང་ལྗོངས་）གསུམ་གྱི་འབྲེལ་མཚམས་སུ་གནས། བོད་རིགས་དང་། ལི་སུའུ་རིགས། འཇང་རིགས་སོགས་མི་རིགས་26ཡོད་པ་དང་། གྲངས་ཉུང་མི་རིགས་ཀྱི་མི་འབོར་གྱིས་89.31%ཟིན་ཡོད་པས་མི་རིགས་མཐུན་སྒྲིལ་ནི་བདེ་ཆེན་འཕེལ་རྒྱས་དང་ཡར་ཐོན་གྱི་རྨང་གཞི་ཡིན།

        2010ལོའི་ཟླ9པའི་ཚེས་12ཉིན། བདེ་ཆེན་ཁུལ་གྱིས་སྐབས་དང་པོའི་མི་རིགས་མཐུན་སྒྲིལ་དུས་ཆེན་གཉེར་བ་དང་མི་རིགས་ཁག་གི་ལས་བྱེད་པ་དང་མང་ཚོགས་དེའི་ནང་རྒྱ་ཁྱབ་ངང་ཞུགས་པ་དང་བྱེད་སྒོའི་ཁྲོད་མི་རིགས་མཐུན་སྒྲིལ་ཡར་ཐོན་གྱི་སློབ་གསོ་ཐེབས་ནས་ཁུལ་ཡོངས་ཀྱི་བརྟན་ལྷིང་མཐུན་སྒྲིལ་གྱི་རྣམ་པ་བཟང་པོ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་བཏང་ཡོད། དུས་དེ་ནས་བཟུང་བདེ་ཆེན་ཁུལ་གྱི་མི་རིགས་མཐུན་སྒྲིལ་ཡར་ཐོན་གསར་གཏོད་ལས་དོན་གྱི་དྲང་སྲུང་གསར་གཏོད་དང་དུས་བསྟུན་འཕེལ་རྒྱས་ཀྱིས་ཁུལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་བྱ་གཞག་འཕེལ་རྒྱས་ཀྱི་སྤྱིར་བཏང་གཏན་ནས་མིན་པའི་ལོ14་བཏོད་ཡོད།
        ལོ14ཡི་རིང་། བདེ་ཆེན་ཁུལ་གྱིས་མི་རིགས་མང་པོ་དང་ཆོས་ལུགས་མང་པོ། རིག་གནས་མང་པོ་མཉམ་འདྲེས་ཀྱི་དོན་དངོས་ལ་གཞི་ཚུགས་ཏེ་མི་རིགས་ལས་དོན་ལ་ཤུགས་སྣོན་རྒྱག་པ་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན། དུས་རབས་གསར་པའི་ཏང་གི་བོད་སྐྱོང་མཛད་ཇུས་དང་དེ་བཞིན་ཀྲུང་དབྱང་གི་མི་རིགས་ལས་དོན་ཚོགས་འདུའི་དགོངས་དོན་ལག་བསྟར་དོན་འཁྱོལ་མཐའ་གཅིག་ཏུ་བྱས་པ་དང་། ཐོག་མཐའ་བར་གསུམ་དུ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་དེ་དུས་རབས་གསར་པའི་ཏང་གི་མི་རིགས་ལས་དོན་གྱི་གཙོ་རྐང་དང་བོད་འབྲེལ་ལས་དོན་གྱི་འཐབ་ཇུས་རང་བཞིན་གྱི་ལས་འགན་ཞིག་ཏུ་བརྩིས་ནས། མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་སྐྱོང་བྱ་རྒྱུ་སྤྱི་འདོམས་སུ་བྱས་ཏེ་དུས་རབས་གསར་པའི་བདེ་ཆེན་གྱི་མི་རིགས་ལས་དོན་སྤུས་ཚད་མཐོ་པོའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་བཏང་བས་མི་རིགས་མཐུན་སྒྲིལ་ཡར་ཐོན་བྱ་གཞག་ལ་ཕྱོགས་ཡོངས་ནས་ཡར་རྒྱས་དང་ལོ་རྒྱུས་རང་བཞིན་གྱི་གྲུབ་འབྲས་ཐོབ་ཡོད།
        ད་ལྟའི་བདེ་ཆེན་ལ་བརྟན་ལྷིང་དང་། འཕེལ་རྒྱས། སྣོད་བཅུད། མཐའ་མཚམས་བརྟན་ལྷིང་བཅས"དོན་ཆེན་བཞི་"ནུས་ཤུགས་ཡོད་རྒུས་སྐུལ་འདེད་བཏང་བས་སྔོ་ཞིང་དྭངས་བའི་རི་ཆུ་ཀླུང་གསུམ་ཕན་ཚུན་འོད་མདངས་འཕྲོ་བ་དང་མི་དམངས་ཀྱི་འཚོ་བ་ཕྱུག་པོ་ཆགས་ནས་དཔྱིད་ཀྱི་དཔལ་ཡོན་བཞད་པ་ལྟ་བུའི་མཛེས་སྡུག་ལྡན་པའི་རི་མོ་ཞིག་མངོན་ཡོད།

图片

        ལོ་14ཡི་རིང་། བདེ་ཆེན་ཁུལ་གྱིས་མི་རིགས་ཁག་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་གཏོང་བའི་མི་རིགས་ལས་དོན་གྱི་བརྗོད་བྱ་གཙོ་བོ་ཁོང་དུ་བརྟན་པོ་ཆུད་པ་བྱས་ཏེ། མི་རིགས་མཐུན་སྒྲིལ་ཡར་ཐོན་གཏོད་རྒྱུ་དེ་དབུལ་སྒྲོལ་འགག་སྒྲོལ་དང་གྲོང་གསེབ་དར་རྒྱས་མཉམ་འདྲེས་གཏིང་ཟབ་དང་ཕན་ཚུན་སྐུལ་འདེད་བཏང་ནས་དབུལ་སྒྲོལ་འགག་སྒྲོལ་གྱི་རླབས་ཆེན་ལག་ལེན་ཁྲོད་"བདེ་ཆེན་གྱི་གཏམ་རྒྱུད་"ཡག་པོ་ཤོད་པ་དང་གྲོང་གསེབ་དར་རྒྱས་ཀྱི་ལམ་བུའི་ཐོག་མཐུན་སྒྲིལ་གྱི་སྟོབས་ཤུགས་གཅིག་ཏུ་སྒྲིལ་ཡོད།
2020ལོར་བདེ་ཆེན་ཁུལ་གྱི་མི་འབོར་དབུལ་པོ་ཁྲི་7.41ཚང་མ་དབུལ་སྒྲོལ་ཐུབ་པ་དང་གྲོང་ཚོ་དབུལ་པོ་147ཚང་མ་དབུལ་སྒྲོལ་ཐུབ་ནས་དུས་བཀག་ལྟར་ཁུལ་ཧྲིལ་པོ་དབུལ་སྒྲོལ་ཐུབ་སྟེ་ལོ་རྒྱུས་རང་བཞིན་གྱིས་རྦད་དེ་དབུལ་པོ་མེད་པ་བཟོས་པ་དང་ཁུལ་ཡོངས་ཀྱི་མི་རིགས་ཁག་གི་མི་དམངས་རྒྱལ་ཡོངས་དང་མཉམ་དུ་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སུ་སླེབས་ཡོད།
        2023་ལོའི་ལོ་སྟོད་དུ་བདེ་ཆེན་ཁུལ་གྱིས་དབུལ་པོ་བསྐྱར་ལོག་སྔོན་འགོག་གི་ལྟ་ཞིབ་ཚད་ལེན་རོགས་སྐྱོར་ལ་སྐུལ་འདེད་ཏན་ཏིག་བཏང་ནས་རིམ་རྩིས་བྱས་ན་དུད་ཚང1668་དང་མི་གྲངས5854་ལ་ཉེན་ཁ་མེད་པ་བཟོས་པ་རེད། ཞིང་འབྲེལ་ཞིང་ཁྲིད་རོགས་སྐྱོར་ལམ་སྲོལ་ལ་ཤུགས་སྣོན་བརྒྱབ་ནས་གཉེར་སྐྱོང་བྱེད་པོ་གསར་པ355་ཡིས་ཐོན་ལས་འཕེལ་རྒྱས་ཀྱི་ཆ་རྐྱེན་ལྡན་པའི་དུད་ཚང་དབུལ་པོ13147་ལ་སྐུལ་ཁྲིད་བྱས་པ་རེད། ཁུལ་ཡོངས་ཀྱི་གྲོང་གསེབ་ཀྱི་རྒྱུན་སྡོད་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དང་དབུལ་སྒྲོལ་མི་འབོར་མི་རེའི་ཆ་སྙོམས་ཡོང་འབབ་ཁེ་གཙང་དུས་མཚུངས་ལས་8.5%དང་12.11%སོ་སོར་འཕར་ནས་རྒྱུན་མཐུད་འབབ་འཕར་ཡོང་བ་བྱས་ཡོད། གྲོང་གསེབ་དར་རྒྱས་ལ་སྐུལ་འདེད་གཏོང་བའི་སྦྲེལ་མཐུད་མ་དངུལ་སྒོར་དུང་ཕྱུར12.43་དམིགས་སར་འབྱོར་ཡོད། ཧྲང་ཧའེ་དང་ཡུན་ནན་གྱི་རོགས་སྐྱོར་དང་། ཞིང་ཆེན་ནང་ཁུལ་གྱི་ཁ་གཏད་རོགས་སྐྱོར། དམིགས་འཛུགས་རོགས་སྐྱོར་བཅས་ཀྱི་ལས་དོན་གཏིང་ཟབ་ཏུ་སྤེལ་བ་དང་། རོགས་སྐྱོར་མ་དངུལ་སྒོར་དུང་ཕྱུར་2.61བརྩོན་ལེན་བྱས་ཏེ། དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་རྒྱུ་དེ་གྲོང་གསེབ་དར་རྒྱས་གཏོང་བ་དང་འབྲེལ་མཐུད་ནུས་ལྡན་བྱེད་པའི་ལས་དོན་ལ་སྐུལ་འདེད་བཏང་ཡོད།

图片

        ལོ་མང་པོའི་རིང་། བདེ་ཆེན་ཁུལ་གྱིས་འཕེལ་རྒྱས་གཏོང་རྒྱུ་དེ་ལས་འགན་ཨང་དང་པོར་བརྩི་རྒྱུ་མཐའ་འཁྱོངས་བྱས་ཏེ་ནུས་ཤུགས་ཡོད་རྒུས་འཕར་སྣོན་བརྟན་པོ་དང་། སྒྱུར་བཅོས་ལ་སྐུལ་འདེད། གྲུབ་ཆ་ལེགས་སྒྲིག དམངས་འཚོར་ཕན་པ། ཉེན་ཁ་སྔོན་འགོག བརྟན་ལྷིང་འགན་ལེན་བཅས་བྱས་ནས་འཕེལ་རྒྱས་ཀྱི་སྤུས་ཚད་དང་ཕན་འབྲས་མཐོ་རུ་ཤུགས་ཆེན་བཏང་སྟེ་དཔལ་འབྱོར་དང་སྤྱི་ཚོགས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད། རིག་གནས་ཡུལ་སྐོར་དང་། ས་མཐོའི་ཁྱད་ཆོས་ལྡན་པའི་དེང་རབས་ཞིང་ལས། ལྗང་མདོག་ནུས་ཁུངས། ལྗང་མདོག་གཏེར་ལས་བཅས་ཀྱིས་གཙོ་ཁྲིད་བྱེད་པའི་ཁྱད་ཆོས་ལྡན་པའི་ཐོན་ལས་མ་ལག་རྒྱུན་ཆད་མེད་པར་འཐུས་སྒོ་ཚང་དུ་བཏང་ཡོད། འབྲི་གཡག་དང་། རྒུན་འབྲུམ། ཀྲུང་ལུགས་སྨན་རྒྱུ། ནས། བཟའ་བྱའི་ཤ་མོ་སོགས་གཙོ་བོར་བྱས་པའི་ས་མཐོའི་ཁྱད་ལྡན་ཞིང་ལས་ཐོན་ལས་ཀྱི་གཞི་ཁྱོན་རགས་ཙམ་ལྡན་པའི་ཕན་འབྲས། "རྫོང་གཅིག་ལ་ལས་རིགས་གཅིག་"གི་ཐོན་ལས་འཕེལ་རྒྱས་ཀྱི་རྣམ་པ་གཞི་རྩའི་ཆ་ནས་ཆགས་ཡོད། ལྗང་མདོག་བཟོ་ལས་གོ་རིམ་ལྡན་པའི་ངང་འཕེལ་རྒྱས་ཕྱིན་པ་དང་ཕུ་ལུང་ཟངས་གཏེར་ཐོན་སྐྱེད་དང་གཉེར་སྐྱོང་བྱེད་འགོ་ཚུགས་པ་དང་། འབའ་ལྷག་དཀར་རྫོང་ཁྱད་ལྡན་ཡུལ་སྐོར་གྲོང་ཆུང་དང་མཐའ་ཆུ་གྲོང་གསེབ་ཡུལ་སྐོར་སོགས་གཙོ་གནད་རྣམ་གྲངས་ལ་སྐུལ་འདེད་མགྱོགས་པོ་བཏང་ཡོད། འཛམ་གླིང་གི་"སེམས་ཀྱི་ཉི་ཟླའི་"སྤུས་རྟགས་ཀྱི་ཤུགས་རྐྱེན་ཐེབས་ཤུགས་སྔར་བས་ཆེ་རུ་ཕྱིན་ཡོད།
        ཁུལ་ཡོངས་ཀྱི་དཔལ་འབྱོར་སྟོབས་ཤུགས་འཕུར་མཆོང་ཆེན་པོ་བྱུང་ཡོད་དེ། 2010ལོ་ནས་2022ལོའི་བར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་77.1ནས་སྒོར་དུང་ཕྱུར་308.07བར་འཕར་ཡོད། 2012ལོ་ནས་2021ལོའི་བར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་འཕར་ཚད་རྒྱལ་ཡོངས་ཀྱི་བོད་འབྲེལ་ཁུལ་གྱི་ཨང་དང་པོར་སླེབས་ཡོད། ས་དམ་ནས་སེམས་ཀྱི་ཉི་ཟླ་བར་མྱུར་བགྲོད་གཞུང་ལམ་མཚོན་རྟགས་སུ་བྱས་པའི་རྨང་གཞིའི་སྒྲིག་བཀོད་ཀྱི་ཆ་རྐྱེན་གལ་ཆེན་མངོན་གསལ་དོད་པོས་ལེགས་སུ་ཕྱིན་པ་དང་། སློབ་གསོ་དང་། སྨན་བཅོས། སྤྱི་ཚོགས་འགན་སྲུང་སོགས་སྤྱི་པའི་ཞབས་ཞུའི་ཆུ་ཚད་མཐོ་འདེགས་ཆེན་པོ་བྱུང་བ། སྐྱེ་ཁམས་སྲུང་ཡོལ་སྔར་བས་བརྟན་དུ་ཕྱིན་པ་བཅས་བྱུང་ནས་ཡོང་འབབ་སྔར་བས་མཐོ་བ་དང་། སྡོད་ཁང་སྔར་བས་ལེགས་པ། འགན་སྲུང་སྔར་བས་དོན་དངོས་དང་མཐུན་པ། ཁོར་ཡུག་སྔར་བས་མཛེས་སྡུག་ལྡན་པ་བཅས་ཀྱི་ལོ་རྒྱུས་ཀྱི་འཕོ་འགྱུར་ཆེན་པོ་མངོན་འགྱུར་བྱུང་ཡོད།

图片

        ལོ14ཡི་རིང་། བདེ་ཆེན་ཁུལ་གྱིས་ཐོག་མཐའ་བར་གསུམ་དུ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་དེ་དུས་རབས་གསར་པའི་ཏང་གི་མི་རིགས་ལས་དོན་གྱི་གཙོ་རྐང་དང་འཐབ་ཇུས་རང་བཞིན་གྱི་ལས་འགན་ལ་བརྩིས་ནས་དམ་འཛིན་ནན་པོ་དང་དམ་འཛིན་ཏན་ཏིག་བྱ་རྒྱུ་མཐའ་འཁྱོངས་བྱས་ཏེ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པའི་དྲིལ་བསྒྲགས་སློབ་གསོའི་རྒྱུན་རྣམ་ཅན་གྱི་ལམ་སྲོལ་ཧུར་ཐག་བཙུགས་ནས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་དེ་ལས་བྱེད་པའི་སློབ་གསོ་དང་། ཏང་ཡོན་གྱི་སློབ་གསོ། རྒྱལ་དམངས་ཀྱི་སློབ་གསོ། སྤྱི་ཚོགས་ཀྱི་སློབ་གསོ་བཅས་ཀྱི་བརྒྱུད་རིམ་ཧྲིལ་པོའི་ནང་བཅུག་ཡོད། "འདུ་འགོད་ཆེན་པོ་བརྒྱད་"ལག་བསྟར་གཏིང་ཟབ་བྱས་ཏེ་མི་རིགས་ཁག་གི་མང་ཚོགས་ལ་སྐྱིད་སྡུག་མཉམ་མྱོང་དང་། ཁྲེལ་གྲགས་མཉམ་ཁུར། ཤི་གསོན་མཉམ་གནས། ལས་དབང་གཅིག་མཐུན་བཅས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུར་ཁྲིད་སྟོན་བྱས་ནས་རླབས་ཆེན་མེས་རྒྱལ་དང་། ཀྲུང་ཧྭ་མི་རིགས། ཀྲུང་ཧྭའི་རིག་གནས། ཀྲུང་གོ་གུང་ཁྲན་ཏང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བཅས་ལ་ཚད་མཐོའི་ཁས་ལེན་བྱེད་སེམས་བརྟན་དུ་བཏང་ཡོད།
        2010ལོའི་ཟླ7པར་བདེ་ཆེན་ཁུལ་གྱིས་རྒྱལ་ཡོངས་ཀྱི་སྔོན་དུ་མི་རིགས་མཐུན་སྒྲིལ་ཡར་ཐོན་སྐོར་གྱི་ས་གནས་རང་བཞིན་གྱི་ཁྲིམས་སྲོལ་ཐོག་མ་《ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་མི་རིགས་མཐུན་སྒྲིལ་ཡར་ཐོན་སྲོལ་ཡིག་》བཟོས་ནས་བཏོན་པ་རེད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བདེ་ཆེན་ཁུལ་གྱིས་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གཏོད་པའི་དམིགས་ཚད་གཏན་འཁེལ་བྱས་པ་དང་། 2021ལོའི་ཟླ་དང་པོར་རྒྱལ་ཁབ་མི་རིགས་ལས་དོན་ཨུ་ལྷན་གྱིས་བདེ་ཆེན་ཁུལ་ལ་"རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་"ཞེས་མིང་བཏགས་པ་རེད། 2021ལོའི་ཟླ་4་པར་ཡུན་ནན་ཞིང་ཨུད་དང་ཞིང་ཆེན་སྲིད་གཞུང་གིས་བདེ་ཆེན་དུ་ས་གནས་ས་ཐོག་གི་གཞུང་ལས་ཚོགས་འདུ་འཚོགས་ནས་བདེ་ཆེན་དེ་ཉིད་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་ཤིང་དང་འཛམ་གླིང་གི་"སེམས་ཀྱི་ཉི་ཟླའི་"འཕེལ་རྒྱས་ཀྱི་ངེས་གནས་ཆེན་པོ་གཉིས་སུ་ཧུར་ཐག་འགྱུར་བ་བྱས་ཏེ་ཏང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་གངས་ལྗོངས་ས་མཐོའི་མི་རིགས་ཁག་གི་མང་ཚོགས་ཀྱིས་"ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་"གྱི་ལེའུ་གསར་པ་ཞིག་བརྩམས་ཡོད།
        ལོ་14ཡི་རིང་གི་འཕེལ་རྒྱས་ཀྱི་བརྒྱུད་རིམ་ཁྲོད་བདེ་ཆེན་ཁུལ་གྱིས་སྔ་རྗེས་སུ་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་དཔེ་སྟོན་ཚན་པ་4དང་ཞིང་ཆེན་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་རྫོང་གི་དཔེ་སྟོན་ཚན་པ་108བཏོད་པ་དང་ཁུལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཚན་པ་199ལ་མིང་བཏགས་པ་དང་"མི་རིགས་མཐུན་སྒྲིལ་གྱི་ཁྱིམ་ཚང་"100བཏོད་ཡོད། བདེ་ཆེན་ཁུལ་བོད་རིག་པ་ཞིབ་འཇུག་ཁང་དུ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཞིབ་འཇུག་སློབ་གསོའི་ལག་ལེན་ལྟེ་གནས་བརྟན་པོ་བཙུགས་པ་དང་འབྲེལ་ཞིང་ཆེན་ཡོངས་ཀྱི་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཞིབ་འཇུག་རྟེན་གཞི་ཁག་དང་པོ་བརྟན་པོ་འཛུགས་རྒྱུའི་ཡིག་ཐོག་སྙན་ཞུ་ཕུལ་ནས་ཞིང་ཆེན་རིམ་པའི་མི་རིགས་མཐུན་སྒྲིལ་གྱི་སློབ་གསོའི་རྟེན་གཞི་2བཏོད་པ་དང་ཁུལ་རིམ་པའི་མི་རིགས་མཐུན་སྒྲིལ་ཡར་ཐོན་གྱི་སློབ་གསོའི་རྟེན་གཞིའི་མིང་བཏགས་པས་སློབ་ཁང་གི་སློབ་ཁྲིད་དང་། སྤྱི་ཚོགས་ཀྱི་ལག་ལེན། བརྗོད་བྱ་གཙོ་བོའི་སློབ་གསོ་བཅས་ཕྱོགས་མང་གཞི་གཅིག་ཏུ་འགྱུར་བའི་སློབ་གསོའི་དྲིལ་བསྒྲགས་བྱེད་སྟངས་ཆགས་ཡོད། གྲངས་ཉུང་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་སྲུང་སྐྱོང་དང་རྒྱུན་འཛིན་འདུ་འགོད་ལག་བསྟར་བྱས་ནས་"ཟླ་9་པའི་མི་རིགས་མཐུན་སྒྲིལ་ཡར་ཐོན་ཟླ་བའི་བརྗོད་བྱ་གཙོ་བོའི་དྲིལ་བསྒྲགས་སློབ་གསོ་"དང་དགའ་སྐྱིད་ཤམ་བྷ་ལ་སོགས་ཀྱི་བྱེད་སྒོའི་སྤུས་རྟགས་བཏོད་དེ་མི་རིགས་ཀྱི་རིག་གནས་རྒྱུན་འཛིན་སྲུང་སྐྱོང་དང་གསར་གཏོད་མཉམ་འདྲེས་ལ་རྒྱུན་ཆད་མེད་པར་སྐུལ་འདེད་བཏང་བ་རེད། རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱོན་ཡོངས་ནས་ཁྱབ་གདལ་དུ་གཏོང་བ་དང་། "སློབ་ན་མ་སོན་གོང་སྤྱི་སྐད་ཤེས་པའི་"བྱ་འགུལ་གཏིང་ཟབ་ཏུ་སྤེལ་ཏེ། མི་རིགས་ཁག་སྔར་ལས་ལྷག་པའི་སྒོ་ནས་སྤྱི་ཚོགས་སུ་འདྲེས་པ་དང་། ཀྲུང་ཧྭ་མི་རིགས་ཀྱི་ཁྱིམ་ཚང་ཆེན་པོའི་ནང་འདྲེས་པར་སྐུལ་འདེད་ནུས་ལྡན་བཏང་ཡོད་པ་རེད།


分享到：QQ空间新浪微博腾讯微博人人网微信