བརྗོད་དོན་སློབ་གསོའི་ཤེས་བྱ་ཉིང་བསྡུས།（66---70）

        གྱ་བདུན་པ། ཏང་ཡོན་ལས་བྱེད་པ་ཞིག་ལ་ཕུགས་འདུན་དད་སེམས་བརྟན་པོ་ཡོད་མེད་བརྟག་པར་ཕྱི་རོལ་གྱི་ཚད་གཞི་ཡོད་དེ། གསར་བརྗེ་དམག་འཁྲུག་གི་ལོ་རབས་སུ། ལས་བྱེད་པ་ཞིག་གི་ཕུགས་འདུན་དད་སེམས་བརྟན་མི་བརྟན་བརྟག་པ་ལ། ཁོས་ཏང་དང་མི་དམངས་ཀྱི་བྱ་གཞག་གི་དོན་དུ་རང་སྲོག་བློས་གཏོང་ཐུབ་མིན་དང་། མཆོང་བརྡ་བཏང་མ་ཐག་མྱུར་ཏུ་རྒྱུག་ཐུབ་མིན་ལ་ལྟ་དགོས། འདི་ལྟ་བུའི་བརྟག་ཐབས་ནི་ཆེས་ཐད་ཀར་བ་ཞིག་ཡིན། ད་སྐབས། ཏང་ཡོན་ལས་བྱེད་པ་ཞིག་གི་ཕུགས་འདུན་དད་སེམས་བརྟན་མི་བརྟན་བརྟག་པ་ལ། ཁོ་ལ་ཆབ་སྲིད་ཀྱི་ཉམས་ཚོད་ཆེན་པོའི་བདུན་དུ་ཆབ་སྲིད་ཀྱི་ངེས་ཤུགས་ཡོད་མེད་དང་། དམིགས་ཡུལ་འདུ་ཤེས་བརྟན་པོ་བཙུགས་ཡོད་མེད། ལས་དོན་ཐད་ནས་མཐའ་གཅིག་ཏུ་འགན་ཁུར་ཐུབ་མིན། དཀའ་སྡུག་སྔོན་དང་ལོངས་སྤྱོད་རྗེས་སུ་མྱོང་ཐུབ་མིན། བྲེལ་འཚུབ་དང་དཀའ་ཁག ཉེན་ཁ་བཅས་ཆེ་བའི་འགན་ལྗིད་མོ་འཁུར་ཕོད་པའི་བློ་སྤོབས་དང་ཁག་ཁུར་ཡོད་མེད། དབང་ཆ་དང་རྒྱུ་ནོར། མཛེས་མའི་སྒེག་ཉམས་བཅས་ཀྱི་བསླུ་བྲིད་ལ་གཡོལ་ཐུབ་མིན་བཅས་ལ་ལྟ་དགོས། ཕུགས་འདུན་དད་སེམས་བརྟན་པོ་ཆགས་པ་ནི། ལས་སླ་འགྲུབ་བདེ་ཞིག་མིན་ལ། དཀའ་བ་གཅིག་གིས་གཏན་གྱི་བདེ་བ་ཐོབ་པ་ཞིག་ཀྱང་མིན། རང་ཉིད་ཀྱིས་བརྟན་པོ་ཡིན་འདོད་ན་བརྟན་པོ་ཡིན་པའི་ངེས་པ་ནི་དེ་བས་ཀྱང་མེད་པར། འཐབ་རྩོད་ཀྱི་ལག་ལེན་ཁྲོད་མུ་མཐུད་དུ་སྦྱོང་བརྡར་དང་ཉམས་སད་ཐེག་ཐུབ་པར་བྱེད་དགོས་པར་མ་ཟད། འདི་ནི་ཡུན་རིང་གི་ཉམས་སད་ཅིག་ཡིན་པས། སྐབས་མང་པོར་དེ་ནི་དཀའ་སྡུག་དྲག་པོ་ལྡན་པ་ཞིག་ཡིན་ལ། མི་ཚེ་གང་པོར་དཀའ་ཚེགས་ལྡན་པ་ཞིག་ཀྱང་ཡིན་སྲིད། 

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཆེད་དོན་བཏུས་སྒྲིག》ལས།

        གྱ་དགུ་པ། ལོ་རྒྱུས་ནི་མི་དམངས་ཀྱིས་གསར་སྐྲུན་བྱས་པ་ཡིན་ལ། ཤེས་རིག་ཀྱང་མི་དམངས་ཀྱིས་གསར་སྐྲུན་བྱས་པ་ཡིན། ལོ་ངོ་སྟོང་ཕྲག་ལྔ་ལྷག་བརྒྱུད་པའི་ཀྲུང་ཧྭའི་ཤེས་རིག་ལ་གདོང་གཏོད་དུས། ང་ཚོས་བརྩི་བཀུར་ལྷག་མ་ཞིག་བྱེད་འོས་ལ་བསམ་བློ་ལྷག་མ་ཞིག་ཀྱང་གཏོང་འོས། གནའ་བོའི་ཉམས་མྱོང་ལེགས་པོ་ལ་གདོང་གཏོད་དུས། ལེགས་པ་ལེན་པ་དང་མི་ལེགས་པ་དོར་བའི་ཚན་རིག་གི་རྣམ་འགྱུར་འཛིན་པ་དང་། ལོ་རྒྱུས་ཀྱི་ཉམས་མྱོང་དང་ལོ་རྒྱུས་ཀྱི་བསླབ་བྱ། ལོ་རྒྱུས་ཀྱི་ཉེན་བརྡ་བཅས་ཡིད་ལ་དམ་པོར་བཟུང་ནས། རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་དཔྱད་གཞི་ལེགས་པོ་འདོན་སྤྲོད་བྱེད་དགོས། 

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་འཇིག་རྟེན་ལྟ་བ་དང་བརྟག་ཐབས་སྨྲ་བའི་ཆེད་དོན་བཏུས་སྒྲིག》ལས།

        དགུ་བཅུ་པ། སྐྱོན་བརྗོད་དང་རང་ཉིད་སྐྱོན་བརྗོད་ཀྱི་མཚོན་ཆ་ལེགས་པར་སྤྱོད་པ་རྒྱུན་འཁྱོངས་བྱེད་དགོས། སྐྱོན་བརྗོད་དང་རང་ཉིད་སྐྱོན་བརྗོད་ནི་ཏང་ནང་ཁུལ་གྱི་འགལ་བ་སེལ་བའི་སྟོབས་དང་ལྡན་པའི་མཚོན་ཆ་ཞིག་ཡིན་ལ། ཏང་ནང་ཁུལ་གྱི་ཆབ་སྲིད་ཀྱི་ས་རྡུལ་སྣ་ཚོགས་དང་ཆབ་སྲིད་ཀྱི་འབུ་ཕྲ་སྣ་ཚོགས་གཙང་སེལ་བྱེད་པའི་སྟོབས་དང་ལྡན་པའི་མཚོན་ཆ་ཞིག་ཀྱང་ཡིན། ང་ཚོའི་ཏང་གིས་རང་ཉིད་ཀྱི་སྟོབས་ཤུགས་ལ་བརྟེན་ནས་རང་སྟེང་ཀྱི་གནད་དོན་སེལ་ཐུབ་པ་ནི། སྐྱོན་བརྗོད་དང་རང་ཉིད་སྐྱོན་བརྗོད་ལ་བརྟེན་པས་ཡིན། བློ་མཐུན་མའོ་ཙེ་ཏུང་གིས། དུས་གཏན་འཁེལ་ལྟར་ཚོགས་འདུ་བསྡུས་ནས། སྐྱོན་བརྗོད་དང་རང་ཉིད་སྐྱོན་བརྗོད་བྱེད་དགོས། འདི་ནི་བློ་མཐུན་བར་དུ་ཕན་ཚུན་ལ་ལྟ་རྟོག་བྱས་ཏེ། ཏང་དང་རྒྱལ་ཁབ་ཀྱི་བྱ་གཞག་མྱུར་ཏུ་གོང་འཕེལ་ལ་སྐུལ་བའི་ཐབས་ལམ་ཡག་པོ་ཞིག་ཡིན། ཞེས་གསུངས་མྱོང་།  

        གོ་གཅིག་པ། མང་ཚོགས་ལམ་ཐིག་གིས་རྩ་བའི་ཐོག་ནས་མར་ཁེ་སི་རིང་ལུགས་ཀྱི་མི་དམངས་མང་ཚོགས་ནི་ལོ་རྒྱུས་གསར་སྐྲུན་པ་ཡིན་ཞེས་པའི་རྩ་བའི་རིགས་པ་འདི་མཚོན་པ་ཡིན། རྩ་བའི་རིག་པ་འདི་རྒྱུན་འཁྱོངས་བྱས་ན། ད་གཟོད་ང་ཚོས་ལོ་རྒྱུས་མདུན་དུ་སྐྱོད་པའི་གཞི་རྩའི་ཆོད་ཉིད་ཁོང་དུ་ཆུད་ཐུབ། ལོ་རྒྱུས་ཀྱི་ཆོས་ཉིད་དང་བསྟུན་ནས་ལས་དོན་བསྒྲུབས་ན། ད་གཟོད་གང་དུ་བསྐྱོད་ཀྱང་མི་རྒྱལ་བ་མེད། མི་དམངས་མང་ཚོགས་ནི་ལོ་རྒྱུས་འཕེལ་རྒྱས་དང་སྤྱི་ཚོགས་མདུན་སྐྱོད་ཀྱི་གཙོ་གཞི་སྟོབས་ཤུགས་ཡིན་པ་ལོ་རྒྱུས་ཀྱིས་ཡང་དང་བསྐྱར་དུ་བདེན་དཔང་བྱས་ཡོད། དེ་ནི་བློ་མཐུན་མའོ་ཙེ་ཏུང་གིས། ཀྲུང་གོའི་ལས་དབང་མི་དམངས་རང་ཉིད་ཀྱི་ལག་ཏུ་བཟུང་ཡོད་པས། ཀྲུང་གོ་ནི་ཉི་གཞོན་ཤར་རིའི་རྩེ་ནས་ཡར་འཕགས་པ་དང་འདྲ་བར་རང་ཉིད་ཀྱི་གཟི་དཔལ་རབ་ཏུ་འབར་བའི་འོད་སྣང་ས་གཞི་ཀུན་ལ་ཁྱབ་འགྲོ་ཞེས་གསུངས་པ་ལྟར་རེད།

——《ཞི་ཅིན་ཕིང་གི་གསུང་རྩོམ་འདེམ་ཀློག》པོད་དང་པོ་ལས།