བརྗོད་དོན་སློབ་གསོའི་ཤེས་བྱ་ཉིང་བསྡུས།（71---75）

        གོ་གཉིས་པ། ལས་བྱེད་པ་བཟང་པོས་ནི་སློབ་སྦྱོང་ལ་ཤུགས་སྣོན་དགོས་པར་མ་ཟད། ལག་ལེན་ལའང་ཤུགས་སྣོན་དགོས། རྣ་བས་ཐོས་པ་ལས་མིག་གིས་མཐོང་བ་དགའ་ཞིང་། མིག་གིས་མཐོང་བ་ལས་དངོས་སུ་མྱོང་བ་དགའ། ཤེས་བྱ་དང་ཉམས་མྱོང་ནི་གླག་རྒོད་ཀྱི་གཤོག་ཟུང་དང་འདྲ་ཞིང་། ཆར་རླུང་བརྒྱུད་ཅིང་འཇིག་རྟེན་མཐོང་བ་ན། ད་གཟོད་སྔར་ལས་ནམ་འཕང་བསྟོད་ཐུབ་པ་དང་སྔར་ལས་རྒྱང་རིང་ལ་འཕུར་ཐུབ། ཇི་ལྟར་ཆ་རྐྱེན་ངན་པ་དང་དཀའ་ཁག་ཆེ་བ། འགལ་བ་མང་བའི་གནས་སུ། དེ་ལྟར་མི་ལ་སྦྱོར་བརྡར་ཐོབ་ཐུབ། ལས་བྱེད་པ་གཞི་རིམ་དང་དངོས་ཡོད། མང་ཚོགས་བཅས་ལ་ཟབ་འཇུག་བྱས་ཏེ། བཅོས་སྒྱུར་འཕེལ་རྒྱས་ཀྱི་འཐབ་ར་གཙོ་བོ་དང་བརྟན་བརླིང་སྲུང་སྐྱོང་གི་ཡུལ་དངོས་དང་པོ། མང་ཚོགས་ལ་ཞབས་འདེགས་ཞུ་བའི་མདུན་གྲལ་བཅས་ནས་གཤིས་རྒྱུད་སྦྱོང་བརྡར་དང་མཐོར་འདེགས་གཏོང་དགོས།

—《ཞི་ཅིན་ཕིང་གི་བརྟག་དཔྱད་ཞིབ་འཇུག་སྐོར་གྱི་རྣམ་བཤད་བཏུས་སྒྲིག》ལས།

        གོ་གསུམ་པ། རིག་གནས་ནི་ཆེས་གསར་གཏོད་བྱེད་དགོས་པའི་ཁྱབ་ཁོངས་ཤིག་ཡིན། ཉིན་རེར་འཕེལ་བ་མེད་ན་རྒུད་པའི་རྟགས་ཡིན། མིའི་རིགས་འཕེལ་རྒྱས་ཀྱི་ལོ་རྒྱུས་ཀྱི་གནད་འགག་གལ་ཆེན་གང་ཞིག་ཡིན་ན་ཡང་། རིག་གནས་ནི་དུས་རབས་འཕོ་འགྱུར་དང་སྤྱི་ཚོགས་གསར་བརྗེ་ཡི་སྔོན་སྐྱོད་པ་ཡིན། རིག་གནས་ཕུགས་འདུན་དང་རིག་གནས་རིན་ཐང་གི་ཚད་མཐོ་བའི་ཡིད་རྟོན་རྒྱུན་སྲུང་བྱེད་པ་དང་། རིག་གནས་ཀྱི་སྐྱེ་སྟོབས་དང་གསར་སྐྲུན་ནུས་པའི་ཚད་མཐོ་བའི་ཡིད་རྟོན་སྲུང་འཛིན་བྱེད་པ། རིག་གནས་ཀྱི་འགན་འཁྲི་ཡིད་ལ་དམ་པོར་འཛིན་པ། བདེན་སྲུང་གསར་གཏོད་རྒྱུན་འཛིན་བྱེད་པ། ལག་ལེན་གསར་གཏོད་ཁྲོད་རིག་གནས་གསར་གཏོད་བྱེད་པ། ལོ་རྒྱུས་མདུན་སྐྱོད་ཁྲོད་རིག་གནས་མདུན་སྐྱོད་མངོན་འགྱུར་བྱས་ཏེ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རིག་གནས་ཀྱིས་དུས་དང་རྣམ་པ་ཀུན་ཏུ་དུས་རབས་ཀྱི་སྙིང་སྟོབས་མངོན་པ་དང་དུས་རབས་ཀྱི་རླབས་རྒྱུན་སྣེ་ཁྲིད་བྱེད་དགོས།

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སློབ་སྦྱོང་རྩ་འཛིན》ལས།

        གོ་བཞི་པ། ས་གནས་ཁག་གི་སྡེ་ཁག་སོ་སོས་སྤྱི་ཡོངས་ཀྱི་འདུ་ཤེས་དང་འགན་འཁྲིའི་འདུ་ཤེས་བརྟན་པོར་འཛུགས་པ་དང་། བཅོས་སྒྱུར་འཛིན་པ་དེ་ཆབ་སྲིད་ཀྱི་འགན་འཁྲི་གལ་ཆེན་ཞིག་ཏུ་བརྩི་བ། བཅོས་སྒྱུར་ཀྱི་ཆོད་སེམས་དང་ཡིད་ཆེས་བརྟན་པ། བཅོས་སྒྱུར་ལ་སྐུལ་བའི་བསམ་བློའི་རང་རྟོགས་དང་འགུལ་སྐྱོད་རང་རྟོགས་ཇེ་དྲག་ཏུ་བཏང་ནས། བཅོས་སྒྱུར་སྐུལ་འདེད་ཤོག་ཁག་ཅིག་བྱེད་དགོས་ལ། བཅོས་སྒྱུར་དངོས་གཉེར་པ་ཞིག་ཀྱང་བྱེད་དགོས། གཟེར་འདེབས་པའི་སྙིང་སྟོབས་ཀྱིས་བཅོས་སྒྱུར་དངོས་འབེབས་ལེགས་པར་འཛིན་པ་དང་། གནད་འགག་ལ་དམིགས་པ་དང་གནད་འཁེལ་སྒོས་ཤུགས་འདོན་པ། རུས་པ་སྲ་མོ་འཆའ་ཕོད་པ། བལྟས་ནས་འཛིན་པ་དང་ཡང་དང་བསྐྱར་དུ་འཛིན་པ། བཟུང་ནས་ཕན་འབྲས་མཐོང་བར་བྱེད་དགོས།

—《ཏང་གི་རང་ངོས་གསར་བརྗེ་གླེང་བ》ལས།