བརྗོད་དོན་སློབ་གསོའི་ཤེས་བྱ་ཉིང་བསྡུས།（81---85）

རྩོམ་པ་པོ།     ཡིག་བསྒྱུར།       དུས་ཚོད།   2023-09-28   རྩོམ་ཁུངས།    ཀྲུང་གོ་བོད་ཀྱི་དྲ་བ།

        བརྒྱ་རྩ་གཉིས། བཅོས་སྒྱུར་སྒོ་འབྱེད་ལ་དུས་ད་ལྟ་བ་ལས་འདས་པ་མེད། དུས་རབས་གསར་པར་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་བར། རྩ་བའི་སྒུལ་ཤུགས་ནི་སྔར་བཞིན་བཅོས་སྒྱུར་སྒོ་འབྱེད་ཕྱོགས་ཡོངས་ནས་གཏིང་ཟབ་ཏུ་སྤེལ་རྒྱུ་དེ་ཡིན། མདུན་སྐྱོད་ཀྱི་བགྲོད་ལམ་ཐོག བློ་བརྟན་འགྱུར་མེད་སྒོས་བཅོས་སྒྱུར་ལ་སྐུལ་འདེད་གཏོང་བ་དང་། བློ་བརྟན་འགྱུར་མེད་སྒོས་སྒོ་འབྱེད་རྒྱ་སྐྱེད་པ། སྔར་ལས་ལྷག་པར་བསམ་བློ་བཅིངས་འགྲོལ་དང་སྔར་ལས་ལྷག་པར་སྤྱི་ཚོགས་ཐོན་སྐྱེད་ནུས་པ་བཅིངས་འགྲོལ་དང་འཕེལ་རྒྱས་གཏོང་བ། སྔར་ལས་ལྷག་པར་སྤྱི་ཚོགས་ཀྱི་གསོན་ཤུགས་བཅིངས་འགྲོལ་དང་འཕེལ་བར་བྱས་ཤིང་། བཅོས་སྒྱུར་སྒོ་འབྱེད་ཅེས་པའི་གནད་འགག་གི་ཐབས་མཆོག་འདི་མུ་མཐུད་དུ་བེད་སྤྱོད་ཕུན་སུམ་ཚོགས་པར་བྱས་ཏེ། བཅོས་སྒྱུར་སྒོ་འབྱེད་མཐའ་ཆོད་པར་བྱེད་དགོས།

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སློབ་སྦྱོང་རྩ་འཛིན》ལས།


        བརྒྱ་རྩ་གསུམ། སྣེ་ཁྲིད་ནས“སྲུང་སྐྱོང་གཉིས”སྒྲུབ་ཐུབ་པར་བྱེད་པ་ནི། རྩ་བའི་ཐོག་ནས་བཤད་ན་ཏང་ལ་བློ་དཀར་དགོས་པ་དེ་ཡིན། བློ་དཀར་ནི་ངེས་པར་དུ་ཏང་གི་དད་པ་ལ་བློ་དཀར་བའི་ཐོག་མངོན་པ་དང་། ཏང་གི་རྩ་འཛུགས་ལ་བློ་དཀར་བའི་ཐོག་མངོན་པ། ཏང་གི་གཞུང་ལུགས་དང་ལམ་ཐིག་བྱེད་ཕྱོགས་སྲིད་ཇུས་ལ་བློ་དཀར་བའི་ཐོག་མངོན་པར་བྱེད་དགོས། ཏང་ལ་བློ་དཀར་བར་ངེས་པར་དུ་ད་ལྟ་ནས་མགོ་རྩོམ་དགོས་ཏེ། གལ་ཏེ་རང་གནས་ལས་དོན་ཡང་ལེགས་པར་སྒྲུབ་མི་ཐུབ་པ་དང་། ཁུར་ལེན་མེད་ལ་བྱས་པ་ཡང་མེད་པ། ཏང་རྩ་འཛུགས་ཀྱིས་སྤྲད་པའི་འགན་འཁྲིའི་ཞིང་ས་ས་རྒོད་དུ་བཞག་པ་དང་ཐ་ན་བོར་སྟོར་བྱུང་ན། “སྲུང་སྐྱོང་གཉིས”ནི་དེ་བས་ཀྱང་གླེང་ཐབས་མེད།

—《ཏང་གི་རང་ངོས་གསར་བརྗེ་གླེང་བ》ལས།


        བརྒྱ་རྩ་བཞི། ཏང་གི་གསར་གཏོད་གཞུང་ལུགས་སློབ་སྦྱོང་ལག་བསྟར་བྱེད་པར། དེའི་འཇིག་རྟེན་ལྟ་བ་དང་བརྟག་ཐབས་སྨྲ་བ་རྒྱུས་ལོན་དང་ཁོང་དུ་ཆུད་པར་བྱེད་དགོས་ལ། དེར་ཁྱབ་པའི་ལངས་ཕྱོགས་དང་ལྟ་བ། བྱེད་ཐབས་བཅས་རྒྱུན་འཁྱོངས་ལེགས་པོ་དང་བེད་སྤྱོད་ལེགས་པོ་བྱེད་དགོས། ཏང་གི་ཚོགས་ཆེན་ཉི་ཤུ་པའི་སྙན་ཞུ་ལས། མི་དམངས་བླ་ན་མེད་པ་རྒྱུན་འཁྱོངས་དང་རང་རྟོན་རང་ཚུགས་རྒྱུན་འཁྱོངས། བདེན་སྲུང་གསར་གཏོད་རྒྱུན་འཁྱོངས། གནད་དོན་ཕྱོགས་སྟོན་རྒྱུན་འཁྱོངས། རྒྱུད་ཁོངས་འདུ་ཤེས་རྒྱུན་འཁྱོངས། གནམ་འོག་དམིགས་པ་རྒྱུན་འཁྱོངས་བཅས་ནན་གྱིས་བསྟན་ཡོད། འདི་དྲུག་པོ་སློབ་སྦྱོང་ལག་བསྟར་ཁྲོད་གོ་བ་ནན་ཏན་བླངས་ན། ད་གཟོད་ཏང་གི་གསར་གཏོད་གཞུང་ལུགས་ཀྱི་གནས་ལུགས་དང་རྩ་དོན། ཆོས་ཉིད་བཅས་ལ་གོ་བ་ཟབ་མོ་ལེན་ཐུབ་པ་དང་།  གཏམ་དེ་ཤེས་ལ་དེ་བས་ཀྱང་དོན་རྟོགས་པ་དང་དེ་ལྟར་ཡིན་པ་ཤེས་ལ་ཅིའི་ཕྱིར་དེ་ལྟར་ཡིན་པ་ཡང་རྟོགས་པར་འགྱུར་ཞིང་། ཏང་གི་གསར་གཏོད་གཞུང་ལུགས་དེ་ངེས་པ་དོན་གྱིས་ཏང་དང་རྒྱལ་ཁབ་ཀྱི་ལས་དོན་ཀྱི་ཕྱོགས་སོ་སོའི་གོ་རིམ་ཡོངས་ལ་ལག་བསྟར་དངོས་འབེབས་བྱེད་ཐུབ།
—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་འཇིག་རྟེན་ལྟ་བ་དང་བརྟག་ཐབས་སྨྲ་བའི་ཆེད་དོན་བཏུས་སྒྲིག》ལས།


        བརྒྱ་རྩ་ལྔ། ཐུན་མོང་ཕྱུག་འགྱུར་མ་གཞི་ནས་སྤྱི་ཚོགས་རིང་ལུགས་དེང་རབས་ཅན་གྱི་དམིགས་འབེན་གལ་ཆེན་ཞིག་ཡིན། ང་ཚོས་དེང་རབས་ཅན་མངོན་འགྱུར་བྱས་རྗེས་ད་གཟོད་ཐུན་མོང་ཕྱུག་འགྱུར་གྱི་གནད་དོན་ཐག་གཅོད་པར་སྒུག་མི་རུང་པར། མི་དམངས་ཀྱི་མཛེས་སྡུག་འཚོ་བའི་རེ་སྨོན་གསར་པ་སྐོང་བ་དེ་ཐོག་མཐའ་བར་གསུམ་དུ་འཕེལ་རྒྱས་ཀྱི་མགོ་རྩོམ་ས་དང་གཞི་འབེབས་སར་བྱས་ཏེ། དེང་རབས་ཅན་མངོན་འགྱུར་བྱེད་པའི་གོ་རིམ་ཁྲོད་མུ་མཐུད་དུ་རིམ་བཞིན་གནད་དོན་འདི་ཐག་གཅོད་དགོས།

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཆེད་དོན་བཏུས་སྒྲིག》ལས།

        བརྒྱ་རྩ་དྲུག སྐྱེ་ཁམས་ཁོར་ཡུག་གི་འགྲན་སློང་ལ་གདོང་གཏད་དེ། འཛམ་གླིང་གི་རྒྱལ་ཁབ་སོ་སོས་ཕྱར་བ་གྲུ་འདེགས་དང་མཉམ་དུ་འབད་བརྩོན་བྱེད་པ་དང་། མི་དང་རང་བྱུང་གི་འབྲེལ་བར་མཐུན་སྦྱོར་བྱས་ཏེ། བཟོ་ལས་དཔལ་ཡོན་གྱིས་བསྐྱེད་པའི་འགལ་བ་ཐག་གཅོད་ལེགས་པོ་བྱེད་དགོས། ལས་དོན་འདིའི་ཐོག་ནས། རྒྱལ་ཁབ་གང་ཡིན་ཡང་རང་ཉིད་གཅིག་པུ་མཆོག་ཏུ་བརྩི་ས་མེད། མིའི་རིགས་ཀྱི་དཔལ་ཡོན་ལ་འགན་འཁུར་བ་དང་བུ་རབས་ཚ་རྒྱུད་ལ་འགན་འཁུར་བའི་མཐོ་ཚད་དུ་འགྲེང་ནས། སྐྱེ་ཁམས་དཔལ་ཡོན་གྱི་འདུ་ཤེས་རྒྱུན་སྐྱོང་བ་དང་། མི་དང་རང་བྱུང་ཁམས་འཆམ་མཐུན་མཉམ་གནས། དཔལ་འབྱོར་དང་ཁོར་ཡུག་མཐུན་སྦྱོར་མཉམ་སྐྱོད། འཛམ་གླིང་རྒྱལ་ཁབ་སོ་སོ་ཐུན་མོང་འཕེལ་རྒྱས་ཀྱི་གོ་ལའི་ཁྱིམ་གཞིས་འབད་པས་བསྐྲུན་དགོས།
—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སློབ་སྦྱོང་རྩ་འཛིན》ལས།



分享到：QQ空间新浪微博腾讯微博人人网微信