བརྗོད་དོན་སློབ་གསོའི་ཤེས་བྱ་ཉིང་བསྡུས།（86---88）

རྩོམ་པ་པོ།     ཡིག་བསྒྱུར།       དུས་ཚོད།   2023-10-16   རྩོམ་ཁུངས།    中国藏族网通

        བརྒྱ་རྩ་བདུན། སློབ་སྦྱོང་ལ་དགའ་ན་ད་གཟོད་གོང་འཕེལ་ཡོད། ཀྲུང་གོའི་གུང་ཁྲན་ཏང་མིས་སློབ་སྦྱོང་ལ་བརྟེན་ནས་དེ་རིང་བར་དུ་སླེབས་པ་ཡིན་ལ། ངེས་པར་དུ་སློབ་སྦྱོང་ལ་བརྟེན་ནས་མ་འོངས་པར་བསྐྱོད་དགོས། ང་ཚོའི་ལས་བྱེད་པ་གོང་འཕེལ་འབྱུང་བ་དང་ང་ཚོའི་ཏང་གོང་འཕེལ་འབྱུང་བ། ང་ཚོའི་རྒྱལ་ཁབ་གོང་འཕེལ་འབྱུང་བ། ང་ཚོའི་མི་རིགས་གོང་འཕེལ་འབྱུང་བ་བཅས་བྱེད་དགོས་ན། སློབ་སྦྱོང་གི་སྲོལ་བཟང་ངེས་པར་དུ་རྒྱ་ཆེར་དར་དུ་འཇུག་པ་དང་། སློབ་སྦྱོང་དང་སློབ་སྦྱོང་། ཡང་བསྐྱར་སློབ་སྦྱོང་བཅས་རྒྱུན་འཁྱོངས་བྱེད་དགོས་ལ། ལག་ལེན་དང་ལག་ལེན། ཡང་བསྐྱར་ལག་ལེན་བཅས་རྒྱུན་འཁྱོངས་བྱེད་དགོས།

—《ཏང་གི་རང་ངོས་གསར་བརྗེ་གླེང་བ》ལས།



        བརྒྱ་རྩ་བརྒྱད། རིན་ཐང་ལྟ་བ་ནི་མིའི་རིགས་ཀྱིས་རང་བྱུང་དང་སྤྱི་ཚོགས་ལ་ངོས་འཛིན་དང་བསྒྱུར་བཀོད་བྱེད་པའི་གོ་རིམ་ཁྲོད་བྱུང་བ་དང་ནུས་པ་ཐོན་པ་ཞིག་ཡིན། མི་རིགས་མི་འདྲ་བ་དང་རྒྱལ་ཁབ་མི་འདྲ་བའི་དབང་གིས་རང་བྱུང་ཆ་རྐྱེན་དང་འཕེལ་རྒྱས་བརྒྱུད་རིམ་མི་འདྲ་ལ། དེས་བསྐྱེད་པ་དང་ཆགས་པའི་སྲོག་ཤིང་རིན་ཐང་ལྟ་བར་ཡང་སོ་སོའི་ཁྱད་ཆོས་ཡོད། མི་རིགས་ཤིག་དང་རྒྱལ་ཁབ་ཅིག་གི་སྲོག་ཤིང་རིན་ཐང་ལྟ་བ་ནི་ངེས་པར་དུ་མི་རིགས་དེ་དང་རྒྱལ་ཁབ་དེའི་ལོ་རྒྱུས་རིག་གནས་དང་ཕན་ཚུན་འཕྲོད་པ་དང་། མི་རིགས་དེ་དང་རྒྱལ་ཁབ་དེའི་མི་དམངས་ཀྱི་ད་ལྟའི་འབད་བརྩོན་དང་ཟུང་འབྲེལ་བྱས་ཡོད་ལ། མི་རིགས་དེ་དང་རྒྱལ་ཁབ་དེའི་ཐག་གཅོད་དགོས་པའི་དུས་རབས་ཀྱི་གནད་དོན་དང་ཡང་མཐུན། འཛམ་གླིང་ཐོག་ཧ་ཅང་འདྲ་མཚུངས་ཡིན་པའི་སྡོང་ལོ་ཞིག་མེད་པས། མི་རིགས་ཤིག་དང་རྒྱལ་ཁབ་ཅིག་ཡིན་ན། ངེས་པར་དུ་རང་ཉིད་སུ་ཡིན་པ་དང་གང་ནས་ཡོང་བ། གང་དུ་འགྲོ་དགོས་པ་ཤེས་དགོས་ལ། བསམས་ནས་ཤེས་པ་དང་བསམ་ཕྱོགས་འགྲིག་ན། ད་གཟོད་བློ་བརྟན་འགྱུར་མེད་སྒོས་དམིགས་འབེན་ཕྱོགས་སུ་མདུན་སྐྱོད་བྱེད་ཐུབ།
—《ཞི་ཅིན་ཕིང་གི་གསུང་རྩོམ་འདེམ་ཀློག》པོད་དང་པོ་ལས།



        བརྒྱ་རྩ་དགུ། མཉམ་འབྲེལ་དྲ་རྒྱ་གོང་འཕེལ་མགྱོགས་པོ་དང་དྲག་པོ་ཕྱིན་པ་དེས། གླེང་བརྗོད་སྐྱེད་པའི་རྣམ་པ་དང་ཁྱབ་སྤེལ་རྣམ་པར་འགྱུར་བ་ཟབ་མོ་ཐེབས་ཤིང་། རིག་གནས་དང་རིན་ཐང་འདུ་ཤེས་མི་འདྲ་བ་བརྗེ་རེས་དང་མཉམ་འདྲེས། གདོང་ཐུག་བཅས་ཀྱིས་ཤུགས་རྐྱེན་སྔ་ན་མེད་པ་བསྐྱེད། ད་ལྟ། འདུ་ཤེས་འཛིན་སྟངས་ཁྱབ་ཁོངས་ཀྱི་གནས་ཚུལ་གསར་པ་དང་གནད་དོན་གསར་པ་མང་པོ་ནི་དྲ་རྒྱའི་དབང་གིས་བྱུང་བ་དང་དྲ་རྒྱའི་དབང་གིས་འཕེལ་བཞིན་ཡོད། ནོར་འཁྲུལ་གྱི་བསམ་བློའི་རླབས་རྒྱུན་མང་པོ་ཞིག་དྲ་རྒྱ་རྟེན་གཞི་བྱས་ནས་འཕེལ་བ་ཡིན་པས། མཉམ་འབྲེལ་དྲ་རྒྱ་ནི་འདུ་ཤེས་འཛིན་སྟངས་འཐབ་རྩོད་ཀྱི་གཡུལ་ས་གཙོ་བོ་དང་འཐབ་ར་གཙོ་བོ། ཆེས་མདུན་གྲས་བཅས་སུ་གྱུར་ཡོད།


——《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སློབ་སྦྱོང་རྩ་འཛིན》ལས།



分享到：QQ空间新浪微博腾讯微博人人网微信