“རྒྱུད་གཅིག་ལམ་གཅིག”གི་གཡུར་ཟའི་གྲུབ་འབྲས་ལ་བསྔགས་བརྗོད་བྱེད་པ།

        བརྟག་དཔྱད་བྱེད་རིང་། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན་92.2%ཡིས་རྨང་གཞིའི་སྒྲིག་བཀོད་འཐུས་ཚང་དུ་གཏོང་རྒྱུ་ནི་དཔལ་འབྱོར་འཕེལ་རྒྱས་མངོན་འགྱུར་ཡོང་བའི་སྔོན་འགྲོའི་ཆ་རྐྱེན་ཡིན་པ་ངོས་འཛིན་བྱེད། “རྒྱུད་གཅིག་ལམ་གཅིག”མཉམ་སྐྲུན་བྱས་ནས་ལོ་བཅུའི་རིང་། རྨང་གཞིའི་སྒྲིག་བཀོད་མཉམ་འབྲེལ་མཉམ་མཐུད་བྱས་པ་དེས་དམངས་ཚོགས་ཀྱི་འཚོ་བ་མངོན་གསལ་དོད་པོས་ལེགས་སུ་ཕྱིན་ཞིང་། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན86.9%ཡིས་རང་རྒྱལ་ཁབ་ཀྱི་རྨང་གཞིའི་སྒྲིག་བཀོད་འཛུགས་སྐྲུན་ཐད“རྒྱུད་གཅིག་ལམ་གཅིག”འཛུགས་སྐྲུན་ལས་ཕན་པ་ཐོབ་པའི་ངོས་འཛིན་བྱེད་པ་དང་། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན84.9%ཡིས“རྒྱུད་གཅིག་ལམ་གཅིག”མཉམ་སྐྲུན་གྱིས་རང་རྒྱལ་ཁབ་ཀྱི་འཕེལ་རྒྱས་མྱུར་པོ་བྱུང་བའི་ངོས་འཛིན་བྱེད་ཀྱི་ཡོད།

        “རྒྱུད་གཅིག་ལམ་གཅིག”གི་གྲོས་འགོའི་འོག“ཕན་ཐོགས་ལ་དངོས་ཡོད”ཀྱི་དམངས་འཚོའི་འདུ་འགོད་དང་དམངས་སེམས་འདུ་འགོད་རེ་རེ་ལས་རྒྱལ་ཁབ་ཁག་གི་མི་དམངས་ལ་ཐོབ་སྣང་དང་། སྐྱིད་སྣང་། བདེ་སྣང་བཅས་དངོས་སུ་སྦྱིན་ཡོད་ལ། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན85%ཡིས“རྒྱུད་གཅིག་ལམ་གཅིག”མཉམ་སྐྲུན་ལས་རྒྱལ་ཁབ་དེའི་མི་དམངས་ཀྱི་འཚོ་བ་ལེགས་སུ་ཏན་ཏིག་ཕྱིན་པའི་ངོས་འཛིན་བྱེད་པ་དང་། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན85%ཡིས“རྒྱུད་གཅིག་ལམ་གཅིག”བརྒྱུད་དམངས་ཚོགས་ལ་ཕྱི་ཕྱོགས་དང་སྤེལ་རེས་དང་ཕན་ཚུན་དཔྱད་གཞིར་འཛིན་པའི་གོ་སྐབས་དེ་བས་མང་བ་ཐོབ་པའི་ངོས་འཛིན་བྱེད།  མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན83.5%དང་། 74.8%དང་། 73.8%བཅས་ཁག་སོ་སོས “རྒྱུད་གཅིག་ལམ་གཅིག”མཉམ་སྐྲུན་གྱིས་ལས་ཞུགས་ལ་སྐུལ་འདེད་གཏོང་བ་དང་། གྲོང་མིའི་ཡོང་འབབ་མང་དུ་གཏོང་བ། དབུལ་པོ་ཉུང་དུ་གཏོང་བ་བཅས་ཀྱི་ནུས་པར་ཁས་བླངས། མཉམ་སྐྲུན་རྒྱལ་ཁབ་ཀྱི་བཅར་འདྲི་དང་ལེན་བྱེད་མཁན86.5%ཡིས“རྒྱུད་གཅིག་ལམ་གཅིག”གི་གྲོས་འགོ་དང“མི་དམངས་ལྟེ་བར་འཛིན་པའི”འདུ་ཤེས་ཚད་མཐོའི་གཅིག་མཐུན་བྱུང་ནས། གོ་ལ་ཧྲིལ་པོའི་དམངས་ཚོགས་ལ་ཕན་པ་སྐྲུན་པའི་རེ་འདོད་རིམ་བཞིན་མངོན་འགྱུར་བྱེད་བཞིན་ཡོད་པའི་ངོས་འཛིན་བྱེད་ཀྱི་ཡོད།