ལུའོ་ཁྲའོ་ཧྥེང་གིས་སྲོལ་རྒྱུན་རིག་གནས་སྲུང་སྐྱོང་རྒྱུན་འཛིན་དང་གཙོ་གནད་རྣམ་གྲངས་འཛུགས་སྐྲུན་སོགས་ཀྱི་གནས་ཚུལ་ལ་བརྟག་ཞིབ་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2023-12-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཟླ་12ཚེས་22ཉིན་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་འབའ་ལུང་རྫོང་དུ་བསྐྱོད་དེ་སྲོལ་རྒྱུན་རིག་གནས་སྲུང་སྐྱོང་དང་རྒྱུན་འཛིན་བྱས་ཚུལ་དང་དེ་བཞིན་ཡུང་ཁྲུན་ཆུ་བོའི་འབབ་རྒྱུད་ཀྱི་སྐྱེ་ཁམས་བཅོས་སྐྱོང་དང་རྨང་གཞིའི་སྒྲིག་བཀོད་འཛུགས་སྐྲུན་བྱས་ཚུལ་ལ་བརྟག་ཞིབ་གནང་བ་དང་སེམས་ཀྱི་ཉི་ཟླ་གྲོང་ཁྱེར་ལྔ་ཤོག་ཞང་ཁོངས་ཀྱི་སེམས་ཀྱི་ཉི་ཟླ་ནས་འབའ་ལུང(ཡུལ་གསུམ་ནས་མཚམས་རྒྱབ)་བར་གྱི་རིམ་པ་གཉིས་པའི་གཞུང་ལམ་ཨར་ལས་བྱ་ཡུལ་དུ་ཕེབས་ནས་རྣམ་གྲངས་འཛུགས་སྐྲུན་ལ་སྐུལ་འདེད་བཏང་ཚུལ་ལ་བརྟག་ཞིབ་གནང་བ་རེད།

        པའོ་ཧོ་གྲོང་རྡལ་གྱི་ཧྲི་ཙི་སྲང་ལམ་སྡེ་ཁུལ་དུ་ལུའོ་ཁྲའོ་ཧྥེང་གིས་དེའི་ལོ་རྒྱུས་རིག་གནས་ཐོན་ཁུངས་ཀྱི་རིན་ཐང་དང་ལེགས་ཆ་སྔོག་འདོན་དང་འདོན་སྤེལ་གང་ལེགས་བྱས་ཏེ་ཁྲོམ་གཞུང་རྙིང་པ་སྲུང་སྐྱོང་དང་འཛུགས་སྐྲུན། བེད་སྤྱོད་ཟུང་འབྲེལ་དམ་ཟབ་བྱས་ནས་འབའ་ལུང་གི་ལོ་རྒྱུས་རིག་གནས་ཤུལ་བཞག་སྲུང་སྐྱོང་དེ་བས་ལེགས་པ་བྱས་ཏེ་གྲོང་ཁྱེར་གྱི་རིག་གནས་རྒྱུན་མཐུད་ཐུབ་པ་བྱེད་དགོས། པའོ་ཧོ་གྲོང་ཚོར་ལུའོ་ཁྲའོ་ཧྥེང་གིས་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་འབའ་ལུང་ཏ་ཚི་ཟློས་གར་ལ་གཟིགས་པ་དང་འབྲེལ་པའོ་ཧོ་གྲོང་རྡལ་གྱི་ཏ་ཚི་ཟློས་གར་གནའ་བོའི་རོལ་དབྱངས་ཚོགས་པའི་ཁོངས་མི་དང་བྱམས་བརྩེའི་ངང་སྤེལ་རེས་གནང་བ་དང་ཁོང་གིས་ཕུལ་བྱུང་གི་གྲངས་ཉུང་མི་རིགས་ཀྱི་སྲོལ་རྒྱུན་རིག་གནས་སྲུང་སྐྱོང་ཡག་པོ་དང་རྒྱུན་འཛིན་ཡག་པོ། དར་སྤེལ་ཡག་པོ་བཏང་ནས་ཕུལ་བྱུང་གི་སྲོལ་རྒྱུན་རིག་གནས་དར་རྒྱས་དང་འཕེལ་རྒྱས་ལ་སྐུལ་འདེད་གཏོང་བའི་ཁྲོད་མི་རིགས་ཁག་འགྲོ་འོང་སྤེལ་རེས་དང་མཉམ་འདྲེས་ལ་སྐུལ་འདེད་གཏོང་དགོས་ཞེས་ནན་བཤད་གནང་བ་རེད། 

        ཡུང་ཁྲུན་ཆུ་བོའི་འབབ་རྒྱུད་ཀྱི་སྐྱེ་ཁམས་བཅོས་སྐྱོང་དང་རྨང་གཞིའི་སྒྲིག་བཀོད་འཛུགས་སྐྲུན་བྱས་ཚུལ་ལ་བརྟག་ཞིབ་གནང་སྐབས་ལུའོ་ཁྲའོ་ཧྥེང་གིས་སྐྱེ་ཁམས་སྔོན་ལ་འཇོག་རྒྱུ་མཐའ་འཁྱོངས་བྱེད་པ་དང་མངོན་གསལ་དོད་པའི་གནད་དོན་གཙོ་གནད་ཐོག་ཐག་གཅོད་བྱས་ཏེ་མི་དང་རང་བྱུང་ཁམས་ཞི་མཐུན་མཉམ་གནས་ཀྱི་རྣམ་པ་གསར་པ་ཧུར་ཐག་གཏོད་དགོས་ཞེས་ནན་བཤད་གནང་བ་རེད།

        སེམས་ཀྱི་ཉི་ཟླ་ནས་འབའ་ལུང་བར་(ཡུལ་གསུམ་ནས་མཚམས་རྒྱབ་བར)གྱི་རིམ་པ་གཉིས་པའི་གཞུང་ལམ་ཨར་ལས་བྱ་ཡུལ་དུ་ལུའོ་ཁྲའོ་ཧྥེང་གིས་རྣམ་གྲངས་ཀྱི་འཕེལ་རིམ་དང་དེ་བཞིན་དཀའ་ངལ་ཡོད་པར་ཤེས་རྟོགས་ཞིབ་ཕྲ་གནང་བ་རེད། ཁོང་གིས་རིམ་པ་ཁག་དང་འབྲེལ་ཡོད་སྡེ་ཚན་ཁག་གིས་ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་འགན་འཁྲི་འཁུར་ཤུགས་ཆེ་རུ་གཏོང་བ། ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས་རྣམ་གྲངས་ལས་གྲྭ་ཚད་ལྡན་དང་གོ་རིམ་ལྡན་པའི་ངང་སྐུལ་འདེད་གཏོང་རྒྱུའི་འགན་ལེན་བྱེད་དགོས། མཐུན་སྦྱོར་མཉམ་འགུལ་དང་འགག་སྒྲོལ་དཀའ་སེལ་བྱས་ཏེ་སེམས་ནུས་གཅིག་སྡུད་ཀྱིས་ལས་གྲྭ་འཛུགས་སྐྲུན་ཁྲོད་ལྷག་པའི་གནད་དོན་ཐག་གཅོད་ཡག་པོ་བྱེད་དགོས། སྐྱེ་ཁམས་ཁོར་ཡུག་སྲུང་སྐྱོང་ལམ་ལུགས་དོན་འཁྱོལ་ནན་པོ་བྱས་ཏེ་སྐྱེ་ཁམས་སླར་གསོ་དང་དེ་བཞིན་གནད་དོན་བཅོས་སྒྲིག་བྱ་རྒྱུར་དམ་འཛིན་ཏན་ཏིག་བྱེད་པ་དང་ཚན་རིག་དང་མཐུན་པའི་ལམ་ལུགས་སྲུང་སྐྱོང་བྱ་ཐབས་བཟོས་ནས་སྐྱེ་ཁམས་སྲུང་སྐྱོང་གི་དམར་ཐིག་བརྟན་པོ་སྲུང་དགོས་ཞེས་ནན་བཤད་གནང་བ་རེད།

        ཁུལ་གྱི་འགོ་ཁྲིད་ཁྲེན་ཆུན་དང་ཁུལ་རིམ་པའི་འབྲེལ་ཡོད་སྡེ་ཚན་དང་འབའ་ལུང་རྫོང་དང་སེམས་ཀྱི་ཉི་ཟླ་གྲོང་ཁྱེར་གྱི་འགན་འཁུར་བ་བརྟག་ཞིབ་ནང་ཞུགས་ཡོད་པ་རེད།   

分享到：QQ空间新浪微博腾讯微博人人网微信