བདེ་ཆེན་གྱིས་རི་ཀླུང་སྲུང་སྐྱོང་བྱས་ནས་དམངས་ལ་ཕན་འབྲས་ཐོབ་པ།

        སྐྱེ་ཁམས་སྲུང་སྐྱོང་དང་བཅོས་སྐྱོང་བྱ་རྒྱུ་ནི་རྒྱུད་རིམ་ལྡན་པའི་ལས་གྲྭ་ཞིག་ཡིན་ཞིང་། ས་ཁོངས་མཉམ་འགུལ་དང་ཁུར་མཉམ་ལེན་དང་དོན་སྤྱི་སྒྲུབ་བྱེད་ཤུགས་ཆེ་རུ་གཏོང་བ་དང་། མཉམ་སྒྲུབ་མཉམ་སྐྱོང་མངོན་འགྱུར་བྱ་རྒྱུ་ནི་མ་བྱས་རང་བྱས་རེད། 2023ལོའི་ཟླ་10པར་རང་ཁུལ་དང་བོད་རང་སྐྱོང་ལྗོངས་ཆབ་མདོ་གྲོང་ཁྱེར་དང་སི་ཁྲོན་ཞིང་ཆེན་དཀར་མཛེས་ཁུལ་དབར་ས་མཚམས་ལས་བརྒལ་བའི་ཆུ་བོའི་མཉམ་འགོག་མཉམ་བཅོས་ལམ་སྲོལ་ལ་མིང་རྟགས་བཀོད་པ་དང་ཕྱོགས་གཉིས་པོས་མཉམ་འབྲེལ་སྐོར་ཞིབ་བྱས་ཏེ་འགན་འཁྲི་ཁ་གསལ་དང་། མཐུན་སྦྱོར་གོ་རིམ་ལྡན་པ། ལྟ་སྐུལ་དོ་དམ་ནན་པ། སྲུང་སྐྱོང་ནུས་ལྡན་བཅས་ཀྱི་ས་མཚམས་ལས་བརྒལ་བའི་ཆུ་བོའི་མཉམ་འགོག་མཉམ་བཅོས་མཉམ་བཅོས་ལམ་སྲོལ་སྔར་བས་ལྷག་པར་བཙུགས་ཡོད།

        “དེ་སྔོན་ང་ཚོའི་ཁོར་ཡུག་སྲུང་སྐྱོང་གི་འདུ་ཤེས་ཞན་པའི་དབང་གིས་གཙང་འགྲམ་གྱི་གྲོང་མི་ཚོས་གད་སྙིགས་གཙང་པོའི་ནང་དབྱུགས་པས་ལྷ་ཕུ་གཙང་པོར་སྦགས་བཙོག་ངེས་ཅན་ཕོག་ཡོདཉེ་བའི་ལོ་ཤས་རིང་ཆུ་དཔོན་ལམ་ལུགས་ཁྱབ་གདལ་གཏོང་བའི་ལས་དོན་དང་དེ་བཞིན་རིམ་པ་ཁག་དང་སྡེ་ཚན་ཁག་གིས་དྲིལ་བསྒྲགས་ཤུགས་ཆེན་བྱས་པ་བརྒྱུད་གྲོང་མི་ཚོའི་ཁོར་ཡུག་སྲུང་སྐྱོང་གི་འདུ་ཤེས་རྒྱུན་ཆད་མེད་པར་ཟབ་ཏུ་ཕྱིན་པ་དང་ཟླ་རེར་ད་དུང་དུས་བཀག་ལྟར་གད་སྙིགས་གཙང་སེལ་གྱི་བྱེད་སྒོ་སྤེལ་གྱི་ཡོད་པས་ད་ཆ་ང་ཚོའི་འདི་གའི་ཁོར་ཡུག་ཇེ་ཡག་ཏུ་འགྲོ་བཞིན་ཡོད”ཅེས་མཐའ་ཆུ་གྲོང་ཚོའི་གྲོང་མི་ཧོ་ཞིའུ་ཆོན་གྱིས་བཤད།

        འཇོལ་རྫོང་དྲེལ་པ་ལུང་གི་ཆུ་བོའི་རྒྱུད་དུ་ལས་བྱེད་པ་དང་མང་ཚོགས་ཀྱིས་མཉམ་དུ་འདེབས་འཛུགས་བྱས་པའི་ལྕང་མ་དང་ཀུའེ་ཧྭ་སྡོང་པོ་དང་། གསོམ་སྡོང་། ཧུང་ཧྥེང་། ཁམ་སྡོང་། གཞོགས་ཤུག་བཅས་སྐྱེ་སྟོབས་ཆེན་པོས་འཚར་ལོངས་བྱུང་བ་དང་། སྔོ་ལྗང་ཅན་དུ་འགྱུར་བའི་རིང་ཚད་སྤྱི་ལེ་36དང་སྔོ་ལྗང་ཅན་དུ་འགྱུར་བའི་རྒྱ་ཁྱོན་སྤྱི་ཆིང་1.99ཟིན་ཡོད། ཆུ་འགྲམ་དུ་གསར་དུ་བསྐྲུན་པའི་གྲོང་གསེབ་ཀྱི་འཚོ་བའི་བཙོག་ཆུ་བསྡུ་རུབ་རྫིང་བུ་དང་གཞི་གཅིག་ཅན་གྱི་བཙོག་ཆུ་གཙང་གསིང་སྒྲིག་ཆས་དང་དེ་བཞིན་ལེ་ལག་ཚང་བའི་བཙོག་ཆུ་མདོང་དྲ་དང་གད་སྙིགས་ཚུར་བསྡུའི་ས་ཚིགས།་ལམ་སྒྲོན་དང་བསིལ་ཁང་། དྲིལ་བསྒྲགས་སྒྲོམ་སྟེགས་སོགས་ཀྱིས་ཀྱང་དྲེལ་པ་ལུང་ཆུ་བོའི་ལམ་ཐིག་ཧྲིལ་པོ་སྲུང་སྐྱོང་དང་བཅོས་སྐྱོང་བྱེད་པར་འགན་སྲུང་བྱས་ཡོད།

        མཛེས་སྡུག་ལྡན་པའི་ཆུ་བོ་དང་མཚེའུ་འཛུགས་སྐྲུན་ལ་སྐུལ་འདེད་གཏོང་བར་དམངས་ཡོངས་ཞུགས་དགོས་པ་དང་། རང་ཁུལ་གྱིས་དྲིལ་བསྒྲགས་སློབ་གསོར་ཤུགས་སྣོན་ཆེན་པོ་བརྒྱབ་སྟེ་། དྲ་རྒྱ་དང་། ཚགས་པར། སྐད་འཕྲིན་སྤྱི་རྟགས། དྲིལ་བསྒྲགས་ལག་དེབ་སོགས་ཀྱི་མཚམས་སྦྱོར་བེད་སྤྱོད་ཧུར་ཐག་བྱས་པ་དང་།“འཛམ་གླིང་གི་ཆུའི་ཉིན་མོ་”དང་“ཀྲུང་གོའི་ཆུའི་གཟའ་འཁོར་”གྱི་བྱེད་སྒོ་དང་དེ་བཞིན་རྒྱུན་ལྡན་གྱི་ཆུ་ (མཚེའུ)དཔོན་ལམ་ལུགས་ཀྱི་ལས་དོན་དང་ཟུང་འབྲེལ་བྱས་ཏེ། སྤྱི་ཚོགས་ལས་རིགས་ཁག་གིས་ཆུ་བོ་དགའ་བ་དང་། ཆུ་བོ་སྲུང་སྐྱོང་། ཆུ་བོ་བཅོས་སྐྱོང་བཅས་བྱེད་པའི་རྣམ་པ་བཟང་པོ་རྒྱ་ཁྱབ་ཏུ་དྲིལ་བསྒྲགས་དང་ཁྲིད་སྟོན་བྱས་ནས་མཛེས་སྡུག་ལྡན་པའི་ཆུ་བོ་དང་མཚེའུ་མཉམ་སྐྲུན་བྱས་ཏེ་མང་ཚོགས་ཀྱི་བདེ་སྐྱིད་ཚོར་སེམས་དང་མོས་སེམས་ཆེ་རུ་གཏོང་བ།