ཉིན7ནང་བདེ་ཆེན་གྱིས་རྒྱལ་ནང་གི་ཡུལ་སྐོར་བ་ཁྲི་71ལྷག་སྣེ་ལེན་བྱས།

 2024ལོའི་དཔྱིད་གསར་དུས་ཆེན་གོང་གི་ཉིན་བདུན་ནང་བདེ་ཆེན་ཁུལ་གྱིས་རིམ་རྩིས་བྱས་ན་རྒྱལ་ནང་གི་ཡུལ་སྐོར་བ་མི་ཐེངས་ཁྲི་71.50ལ་སྣེ་ལེན་བྱས་པ་དང་།དུས་མཚུངས་ལས་64.5%འཕར་བ་དང་། རིམ་རྩིས་བྱས་ན་ཡུལ་སྐོར་ཡོང་འབབ་སྒོར་དུང་ཕྱུར་4.09ཟིན་པ་དང་། དུས་མཚུངས་ལས་60.2%འཕར་ཡོད་པ་རེད།

     རྒྱ་ཆེའི་ཡུལ་སྐོར་བས་བདེ་ཆེན་དུ་དཔྱིད་གསར་དུས་ཆེན་གྱི་གུང་གསེང་སྐྱིད་པོ་ཞིག་གཏོང་རྒྱུར་འགན་ལེན་བྱ་ཆེད། ཟླ་2པའི་ཚེས་9ཉིན་ནས་ཚེས་20ཉིན་བར།སེམས་ཀྱི་ཉི་ཟླ་གྲོང་ཁྱེར་གྱི་གྲོང་ཁུལ་གྱི་ཁུལ་དང་གྲོང་ཁྱེར་རིམ་པའི་ལས་ཁུངས་དང་ཁེ་ལས་དང་བྱ་གཞག་ཚན་པས་རིན་མི་དགོས་པར་རླངས་འཁོར་འཇོག་ས་2100ལྷག་ཙམ་མཁོ་འདོན་བྱས་པ་མ་ཟད། ད་དུང་ཞག་སྡོད་དང་ཟ་ཁང་།ཚོང་ཁང་བཅས་དཔྱིད་གསར་དུས་ཆེན་རིང་སྒོ་མི་རྒྱག་པའི་འབོད་སྐུལ་ཧུར་ཐག་བྱས་པས་དཔྱིད་གསར་དུས་ཆེན་གྱི་གུང་གསེང་རིང་ཡུལ་སྐོར་བའི་དཀའ་གནད་ཐག་གཅོད་ནུས་ལྡན་བྱས་ཡོད་པ་རེད།

     བདེ་ཆེན་ཁལ་གྱིས་ད་དུང་དཔྱིད་གསར་དུས་ཆེན་རིང་ཕུན་སུམ་ཚོགས་པའི་བརྗོད་དོན་གཙོ་བོའི་བྱེད་སྒོ་སྤེལ་ནས་ཡུལ་སྐོར་བས་བདེ་ཆེན་གྱི་མཛེས་སྡུག་ལྡན་པའི་རང་བྱུང་མཛེས་ལྗོངས་མྱོང་རོལ་བྱེད་པ་དང་ཆབས་ཅིག་བདེ་ཆེན་གྱི་མི་རིགས་རིག་གནས་ཉམས་ལེན་ཡང་བྱས་པ་རེད།