ལུའོ་ཁྲའོ་ཧྥེང་གིས་སུམ་རྩེན་གླིང་དུ་བསམ་བློའི་སློབ་གསོ་སྒྲོག་བཤད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-03-05   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        

        ཟླ་3པའི་ཚེས་4ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སུམ་རྩེན་གླིང་དུ་འབོར་ཐེངས་གཉིས་པའི་ཕྱོགས་མཐུན་སེམས་འགྱུར་ཞེས་པའི་བསམ་བློའི་སློབ་གསོ་སྒྲོག་བཤད་སྤེལ་བའི་སྐབས་གནད་བཤད་གནང་དོན། རྒྱ་ཆེའི་ཆོས་ལུགས་ལས་རིགས་རིགས་མི་སྣས་སྲིད་ཇུས་ཀྱི་མཐའ་ཚད་གསལ་རྟོགས་བྱེད་པ་དང་རང་ངོས་འཛུགས་སྐྱོང་ལ་བྱེད་ཤུགས་ཆེ་རུ་གཏོང་བ་དང་། རྒྱལ་གཅེས་ཆོས་གཅེས་ཀྱི་ཚད་ཤིང་དང་དཔེ་སྟོན་བརྩོན་ལེན་བྱས་ནས། བདེ་ཆེན་ལ་ཡུན་རིང་བདེ་འགོད་དང་སྤུས་ཚད་མཐོ་པོ་ཡོང་བར་ཆོས་ལུགས་ལས་རིགས་ཀྱི་སྟོབས་ཤུགས་འབུལ་དགོས།

        སྒྲོག་བཤད་བྱེད་སྒོའི་རིང་། ཚང་མས་མཉམ་དུ་ཆེད་དོན་གློག་བརྙན་ལ་བལྟས་ཞིང་། ཁུལ་རིམ་པའི་ཕྱོགས་མཐུན་སེམས་འགྱུར་ཞེས་པའི་སྒྲོག་འགྲེལ་རུ་ཁག་སེམས་ཀྱི་ཉི་ཟླ་ཡན་ལག་རུ་ཁག་གི་འགན་འཁུར་བློ་མཐུན་གྱིས་དགོན་པ་དང་དགོན་པའི་དོ་དམ། དགོན་པའི་དམངས་གཙོ་དོ་དམ་ཨུ་ལྷན་སོགས་འབྲེལ་ཡོད་ནང་དོན་ལ་སྐོར་ནས་སྒྲོག་བཤད་སྤེལ་བ།

         ལུའོ་ཁྲའོ་ཧྥེང་གིས་གནད་བཤད་གནང་དོན། རྒྱ་ཆེའི་གྲྭ་བ་ཚོས་མི་རིགས་མཐུན་སྒྲིལ་དང་སྤྱི་ཚོགས་བརྟན་བརླིང་། རྒྱལ་ཁབ་གཅིག་གྱུར་བཅས་ཀྱི་གནད་ཆེའི་གནད་དོན་ཐོག་ལམ་ཕྱོགས་བརྟན་ཞིང་ནུས་ཤུགས་འདོན་དགོས་པ་དང་། སྲོལ་རྒྱུན་བཟང་པོ་དར་སྤེལ་བཏང་ནས་ཀྲུང་ཧྭ་མི་རིགས་གཅིག་མཐུན་འདུན་གྲུབ་ཀྱི་འདུ་ཤེས་བརྟན་དུ་གཏོང་དགོས།ཆོས་ལུགས་ལས་རིགས་ཀྱི་ཟམ་པ་དང་སྦྲེལ་ཐག་གི་ནུས་པ་འདོན་སྤེལ་གང་ལེགས་བྱེད་དགོས། རྒྱ་ཆེའི་བོད་བརྒྱུད་ནང་བསྟན་ལས་རིགས་མི་སྣས་ཧུར་ཐག་ངང་རང་ཉིད་གསར་བཅོས་བྱེད་པ་དང་རང་འགུལ་ངང་དེང་རབས་སྤྱི་ཚོགས་ནང་ཞུགས་པ། དུས་རབས་གསར་པའི་ཚད་མཐུན་སྤྱི་དམངས་དང་སྔོན་མཐུན་གྲྭ་བ་དང་ཇོ་མོ་ཞིག་བྱ་རྒྱུར་བརྩོན་ལེན་བྱས་ནས།བོད་བརྒྱུད་ནང་བསྟན་ཀྲུང་གོ་ཅན་ལ་སྐུལ་འདེད་གཏོང་བར་མདུན་དུ་སྐྱོད་པ་དང་དཔེ་སྟོན་བྱེད་དགོས།

        ཁུལ་འགོ་ཁྲིད་དབྱང་ཙི་ཅང་དང་ཁྲིན་ཆོན་སྒྲོག་བཤད་བྱེད་སྒོར་ཞུགས་ཡོད།


分享到：QQ空间新浪微博腾讯微博人人网微信