སེམས་ཀྱི་ཉི་ཟླ་གྲོང་ཁྱེར་གྱིས་ཐོན་ལས་སྤུས་ཚད་ལ་སྐུལ་འདེད་བཏང་བ།

        2023ལོ་ནས་བཟུང་སེམས་ཀྱི་ཉི་ཟླ་གྲོང་ཁྱེར་གྱིས་ཐོན་ལས་འཕེལ་རྒྱས་ལ་དམ་འཛིན་ཤུགས་ཆེན་བྱས་ཏེ་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་རྒྱུན་འཁྱོངས་ལྷོད་མེད་ངང་སྐུལ་འདེད་བཏང་བ་རེད། ལོ་གཅིག་རིང་སེམས་ཀྱི་ཉི་ཟླ་གྲོང་ཁྱེར་གྱི་རིག་གནས་ཡུལ་སྐོར་ཐོན་ལས་བབ་བསྟུན་འཕྲལ་སྒྲུབ་དང་ས་མཐོའི་ཞིང་ལས་དམིགས་བསལ་ཐོན་ལས་ཀྱི་ཐོན་བརྟན་སྤུས་ལེགས་དང་བཟོ་ལས་ཐོན་སྐྱེད་ཀྱི་འདེགས་སྐྱོར་ནུས་ལྡན་ཡོད་པ་རེད།

        རིག་གནས་ཡུལ་སྐོར་ཐོན་ལས་རྒྱ་སྟོབས་ཆེ་རུ་གཏོང་བ། ཐོན་ཁུངས་མཐོ་རུ་གཏོང་རྒྱུར་དམིགས་ནས་ཨ་པུ་ཅི་དང་། སུམ་རྩེན་གླིང་། རྡོ་མཁར་རྫོང་སོགས་མཛེས་ལྗོངས་ཁུལ་གྱི་རིམ་སྤོར་ལས་གྲྭ་མགྱོགས་སུ་གཏོང་བ་དང་། ཧ་པ་རི་བོའི་མཛེས་ལྗོངས་ཁུལ་ཚད་ལྡན་དོ་དམ་གཉེར་སྐྱོང་མངོན་འགྱུར་ཡོང་བ། ཤྭ་ཁ་རི་བོ་འཛུགས་སྐྲུན་སྒོ་འབྱེད་ལ་སྐུལ་འདེད་གཏོང་བ་བཅས་བྱས་པ། འབའ་ལྷག་དཀར་རྫོང་གིས5རིམ་པའི་མཛེས་ལྗོངས་ཁུལ་དང་། དུས་འཁོར་བློས་བསླངས་ཀྱིས4རིམ་པའི་མཛེས་ལྗོངས་ཁུལ་གསར་འཛུགས་བྱེད་པར་བརྩོན་ལེན་བྱ་དགོས།

    ལས་རྣམ་རིམ་སྤོར་ལ་དམིགས་ནས་སྲོལ་རྒྱུན་ལག་རྩལ་དང་རིག་གནས་ཡུལ་སྐོར་གྱི་གསར་གཏོད་ཇུས་འགོད་མཉམ་འདྲེས་འཕེལ་རྒྱས་ཀྱི་དཔེ་སྟོན་རྟེན་གཞི་གཏོད་རྒྱུར་སྐུལ་འདེད་གཏོང་བ་དང་རི་ཁུལ་དང་ཕྱི་རོལ་གྱི་ལུས་རྩལ་ཐོན་རྫས་ཁག་གཅིག་སྔོག་འདོན་བྱས་ཏེ་རྒྱལ་ཡོངས་ཀྱི་གྲོང་གསེབ་ཡུལ་སྐོར་གྱི་གཙོ་གནད་གྲོང་ཚོ་ཁག་གཅིག་གཏོད་པ་དང་གསར་བརྗེའི་ཡུལ་སྐོར་མཛེས་ལྗོངས་ཁུལ་ཁག་གཅིག་གསར་སྤེལ་བྱེད་པ། རིག་གནས་ཡུལ་སྐོར་གྱི་ཁམས་གསོའི་ཐོན་རྫས་ཁག་གཅིག་སྐྱེད་སྲིང་བྱས་ཏེ་རིག་གནས་ཡུལ་སྐོར་གྱི་དྲིལ་བསྒྲགས་ཐོན་རྫས་ཁག་གཅིག་བཟོ་དགོས།

        འགྲུལ་ཁུངས་འཕར་ཚད་ལ་དམིགས་ནས་ཡུལ་སྐོར་ཐོན་རྫས་ཕྱོགས་ཡོངས་དང་གཏིང་ཟབ་ངང་འོས་སྦྱོར་བྱས་པ་དང་། ཞབས་ཞུ་ལ་དམིགས་ནས་ཕུལ་བྱུང་གཏོད་དེ་རིག་གནས་ཡུལ་སྐོར་ཁྲོམ་རའི་སྒྲིག་ལམ་ཚད་ལྡན་དུ་གཏོང་བའི་ལྟ་སྐུལ་དོ་དམ་བྱ་ཐབས་བརྒྱད་དོན་འཁྱོལ་ནན་པོ་བྱེད་དགོས།