མཚན་ཀློང་གི་འཇོལ་རྫོང་མཛེས་ཤིང་ལྟ་ན་སྡུག

    རྟ་བདུན་དབང་བོས་ཉིན་གཅིག་གི་ངལ་རྩོལ་ཡོངས་སུ་རྫོགས་ནས་ནུབ་རིའི་ཕང་བར་བཞུད་པ་དང་། ལྷིང་འཇགས་ཀྱི་མཚན་མོ་མཐོ་སྒང་གི་ཡུལ་གྲུ་འདི་རུ་བསླེབས།  མཚན་མོའི་ཀློང་ན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་འཇོལ་རྫོང་གྲོང་ཁུལ་གྱི་སྲང་ལམ་ཀུན་དུ་གློག་འོད་ཆལ་ཆིལ་དུ་འཕྲོ་ཞིང་།   འོད་ཀྱི་དོག་པ་འཚེར་བའི་མུ་ཏིག་རེ་རེ་ནི་སྲང་ལམ་རེ་རེར་བརྡལ་ཡོད་པ་དང་ཀུན་ནས་མཚུངས།    རྫོང་མཁར་དང་ཐག་མི་རིང་བའི་ཕྱོགས་བཞིའི་ནགས་ཀློང་ནི་བརྗིད་ཆགས་པར་གནས་ཤིང་།  རྒྱང་རིང་དུ་བལྟས་པ་ནི་རབ་དཀར་གྱི་གངས་རིའི་རྩེ་མོ་ནི་དཀར་ཡོལ་འབྲུག་མའི་ནང་ལ་དྭངས་གཙང་གི་འོ་ཞོ་སྤུངས་པ་དང་འདྲ།    སྲང་ལམ་ཀུན་ནི་ཁུ་སིམ་མེར་གནས་པའི་ལྷིང་འཇགས་ཀྱི་རྣམ་པ་ལས་མིའི་སེམས་ལ་རང་བྱུང་གི་བདེ་སྣང་ཞིག་སྩོལ་ཐུབ་ཀྱི་འདུག