ལུའོ་ཁྲའོ་ཧྥེང་གིས་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲི་གཙོ་བོའི་གླེང་མོལ་བྱས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-03-21   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་3ཚེས་20ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཁུལ་ཨུའི་རྒྱུན་ཨུ་ཚན་ཁག་གི་ཁོངས་མི་དང་ཁུལ་མི་དམངས་འཐུས་ཚོགས་རྒྱུན་ལས་ཨུ་ལྷན། ཁུལ་སྲིད་གྲོས།  ཁུལ་མི་དམངས་ཁྲིམས་ཁང། ཁུལ་ཞིབ་དཔྱོད་ཁང་བཅས་ཀྱི་འགན་འཁུར་བློ་མཐུན་གཙོ་བོར་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲི་གཙོ་བོའི་གླེང་མོལ་གཅིག་བསྡུས་བྱས།  ལུའོ་ཁྲའོ་ཧྥེང་གིས་ཁུལ་ཡོངས་ཀྱི“འགག་རྩའི་ཉུང་ཤས”ཡིན་པའི་ངོས་ནས་རང་དཔེ་གཞན་སྟོན་གྱིས་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲི་སྔར་བས་ནན་དུ་བཏང་སྟེ། ཁུལ་ཡོངས་ཀྱི་ཏང་ནན་པོས་སྐྱོང་རྒྱུ་ཕྱོགས་སུ་གཏིང་ཟབ་པའི་སྒོ་ནས་སྐུལ་འདེད་གཏོང་རྒྱུར་དཔེ་སྟོན་སྣེ་ཁྲིད་བྱེད་དགོས་པའི་ནན་བཤད་གནང་བ་རེད།

    ལུའོ་ཁྲའོ་ཧྥེང་གིས་མིག་སྔར་རང་ཁུལ་གྱི་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཀྱི་ལས་དོན་ཐད་ད་དུང་གནད་དོན་མི་ཉུང་བ་ཞིག་ཡོད་པས། དུས་བབ་སྔར་བཞིན་ཛ་དྲག་ལ་རྙོག་འཛིང་ཆེ་བས་ཏང་སྲོལ་སྲིད་གཙང་འཛུགས་སྐྱོང་གི་གཙོ་བོའི་འགན་འཁྲི་དོན་འཁྱོལ་མཐའ་གཅིག་ཏུ་བྱས་ཏེ་ཁུལ་ཡོངས་ཀྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་དང་འགན་ལེན་བྱེད་དགོས་ཞེས་བསྟན།

    ལུའོ་ཁྲའོ་ཧྥེང་གིས་སྣེ་ཁྲིད་དེ་ཕྱོགས་ཡོངས་ནས་ཏང་ནན་པོས་སྐྱོང་བའི་ཆབ་སྲིད་ཀྱི་འགན་འཁྲི་དོན་འཁྱོལ་བྱེད་དགོས་པ་དང་། “སྤྱོད་གཙང་བདེ་ཆེན་”འཛུགས་སྐྲུན་ལ་དམ་འཛིན་ཡག་པོ་བྱེད་དགོས།ཏང་ནན་པོས་སྐྱོང་བའི་ཆབ་སྲིད་ཀྱི་འགན་འཁྲི་ཞིབ་ཕྲའི་ལས་དོན་ནང་དོན་འཁྱོལ་བྱས་ཏེ་སྣེ་ཁྲིད་དེ་སྒྲིག་ཁྲིམས་སྲུང་བ་དང་སྒྲིག་ལམ་ལ་སྣང་ཆེན་བྱེད་པ། ཆབ་སྲིད་ཀྱི་སྒྲིག་ཁྲིམས་དང་ཆབ་སྲིད་ཀྱི་སྒྲིག་ལམ་ནན་པོ་སྲུང་བ་བཅས་བྱེད་དགོས་པའི་བླང་བྱ་བཏོན།

    ཀྲང་ཝེ་ཏུང་། ཕེང་ཧྲན། ཡུས་ཧྲེང་ཞང་། མེའོ་ཡིའུ་ཧྥ། དབྱང་ཙི་ཅང་། ལི་དབྱང་།ཁྲེན་ཆུན། ཀུའེ་ཅུན་ལུའུ། དབྱང་ཞུའེ་ཝུན།ཀྲོའུ་ཅན་པིན། ཀྲང་ཡུས་བཅས་ཚོགས་འདུར་ཞུགས་ཡོད་ལ་སོ་སོས་གཏམ་བཤད་སྤེལ་བ་རེད།





分享到：QQ空间新浪微博腾讯微博人人网微信