ནགས་ཕག་མཚོ་བརླན་སའི་དུས་བྱ་གཅིག་རྗེས་གཉིས་མཐུད་ངང་གནས་སྤོ་བྱས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-03-25   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        མཐོ་སྒང་གི་དྲོད་ཚད་རིམ་བཞིན་འཕར་བ་དང་ཆབས་ཅིག་ནགས་ཕག་མཚོ་བརླན་སའི་དུས་བྱ་མང་པོ་ཞིག་དཔྱིད་ཀའི་གོམ་སྟབས་དང་བསྟུན་ནས་གཅིག་རྗེས་གཉིས་མཐུད་ངང་གནས་སྤོ་བྱེད་བཞིན་ཡོད།

        ཉེ་བའི་ལོ་ཤས་རིང་ལྟ་ཞིབ་ཚད་ལེན་བྱས་འབྲས་ལས་མངོན་པར་གཞིགས་ན། ནགས་ཕག་མཚོའི་ཁྲུང་ཁྲུང་སྐེ་ནག་སྤྱིར་ན་ལོ་རེའི་ཟླ་9པའི་ཟླ་སྨད་དམ་ཡང་ན་ཟླ་10པའི་ཟླ་སྟོད་དུ་གཅིག་རྗེས་གཉིས་མཐུད་ངང་གནས་སྤོ་བྱས་པ་དང་ཕྱི་ལོའི་ཟླ་5པའི་བར་གནས་སྤོ་བྱས་ཟིན་པས་དགུན་སྒྲོལ་དུས་ཚོད་དེ་དགུན་སྒྲོལ་ས་ཆ་གཞན་ལས་མངོན་གསལ་དོད་པོས་མཐོ་བ་ཡོད་ལ་ལོ་རེ་བཞིན་བརྟན་པོའི་ངང་འཕར་བའི་རྣམ་པའང་མངོན་ཡོད། ནགས་ཕག་མཚོ་དོ་དམ་སྲུང་སྐྱོང་ཅུས་ཀྱི་འགན་འཁུར་བས་ངོ་སྤྲོད་བྱས་པར་གཞིགས་ན་ཁྲུང་ཁྲུང་སྐེ་ནག་ཁག་གཅིག་"དགུན་སྒྲོལ་"ནས་"དབྱར་དུས་གཞིས་སྲུང་"བར་འགྱུར་ལྡོག་བྱུང་བ། དེ་ཐོག་ནས་ནགས་ཕག་མཚོ་བརླན་སའི་ཁོར་ཡུག་ཉིན་བཞིན་ལེགས་སུ་ཕྱིན་པ་གང་ལེགས་མཚོན་པ་དང་ཁྲུང་ཁྲུང་སྐེ་ནག་དགུན་སྒྲོལ་དང་དེ་བཞིན་དབྱར་སྒྲོལ་ལ་སྤུས་ལེགས་ཀྱི་སྣོད་བཅུད་རིམ་བཞིན་མཁོ་འདོན་བྱེད་བཞིན་ཡོད་པ་རེད། ཉེ་བའི་ལོ་ཤས་རིང་ནགས་ཕག་མཚོའི་འབབ་རྒྱུད་ཕྱོགས་བསྡུས་བཅོས་སྐྱོང་བྱེད་ཤུགས་རྒྱུན་མཐུད་ངང་ཆེ་རུ་བཏང་བ་བརྒྱུད་དམངས་ཡོངས་བརླན་ས་སྲུང་སྐྱོང་ནང་ཞུགས་པའི་འདུ་ཤེས་རྒྱུན་ཆད་མེད་པར་ཟབ་ཏུ་ཕྱིན་པ་དང་ནགས་ཕག་མཚོའི་རྒྱལ་སྤྱིའི་བརླན་ས་གལ་ཆེན་གྱི་སྣོད་བཅུད་ཁོར་ཡུག་སྔར་བས་ལེགས་སུ་ཕྱིན་ཡོད།


分享到：QQ空间新浪微博腾讯微博人人网微信