པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྐྱེ་དངོས་སྣ་མང་རང་བཞིན་སྲུང་སྐྱོང་ལ་གྲུབ་འབྲས་མངོན་གསལ་དོད་པོ་ཐོབ་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-03-25   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཉེ་བའི་ལོ་ཤས་རིང་། པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱིས་སྲུང་སྐྱོང་བྱེད་ཤུགས་རྒྱུན་ཆད་མེད་པར་ཆེ་རུ་བཏང་ནས་སྐྱེ་དངོས་སྣ་མང་རང་བཞིན་སྲུང་སྐྱོང་ལ་གྲུབ་འབྲས་མངོན་གསལ་དོད་པོ་ཐོབ་ཡོད།

        2023ལོར། པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྤྲེའུ་ཁྱུ་ལ་བསྡོམས་པས་སྤྲེའུ་ཆུང་12སྐྱེས་པ་རེད། ཉེ་སྔོན། སྲུང་སྐྱོང་ཁུལ་དེས་སླར་ཡང་གཏམ་བཟང་བརྒྱུད་བསྒྲགས་བྱས་ཏེ་སྤྲེའུ་ཁྱུ་སླར་ཡང་སྤྲེའུ་ཆུང་5སྐྱེས་པ་རེད།

图片

        ཉེ་བའི་ལོ་ཤས་རིང་། པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱིས་ཐོག་མཐའ་བར་གསུམ་དུ་སྣོད་བཅུད་ཤེས་དཔལ་འཛུགས་སྐྱོང་བྱ་རྒྱུ་དེ་གནས་བབ་ཨང་དང་པོར་བཞག་ནས་ཐོན་ཁུངས་དོ་དམ་སྲུང་སྐྱོང་བྱེད་ཤུགས་ཆེ་རུ་གཏོང་བ་དང་ཚན་རྩལ་ཁྱབ་གདལ་གྱི་དྲིལ་བསྒྲགས་སློབ་གསོའི་ཁྱབ་རྒྱ་ཆེ་རུ་གཏོང་། གཞི་རིམ་གྱི་ཆེད་ལས་ལག་རྩལ་མི་སྣ་བདམས་ནས་མཉམ་ལས་རྣམ་གྲངས་ཀྱི་ཞིབ་འཇུག་བྱ་གཞིའི་བརྒྱུད་རིམ་ཧྲིལ་པོའི་རྗེས་སུ་འབྲངས་ཏེ་ཚན་རིག་ཞིབ་འཇུག་ཁང་དང་ཕྱི་ཕྱོགས་དང་མཉམ་ལས་སྤེལ་རེས་ཀྱི་ལས་དོན་རྒྱུན་མཐུད་ངང་ཡག་པོ་སྒྲུབ་ཡོད། དེ་དང་ཆབས་ཅིག་སྡེ་ཁུལ་གྱིས་མཉམ་དུ་དོ་དམ་བྱེད་པའི་ཞི་མཐུན་རང་བྱུང་སྲུང་སྐྱོང་ཁུལ་འཛུགས་སྐྲུན་བྱེད་པའི་ལམ་བུ་གསར་པ་ཞིག་འཚོལ་ཞིབ་བྱས་པ་རེད།
        གཞན་ཡང་ཚན་རྩལ་མཐོ་བའི་སྒྲིག་ཆས་བེད་སྤྱོད་བྱས་པ་དེས་ཀྱང་པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྐྱེ་དངོས་སྣ་མང་རང་བཞིན་སྲུང་སྐྱོང་ལས་དོན་ལ་སྟབས་བདེ་བསྐྲུན་ཡོད། ཤེས་གསལ་བྱུང་དོན། སྲུང་སྐྱོང་ཁུལ་དེས་དྭངས་གསལ་བརྙན་ལམ་ལྟ་སྐུལ་ཚོད་འཛིན་མ་ལག་སྒྲིག་སྦྱོར་བྱས་པ་དང་དྭངས་གསལ་ལྟ་སྐུལ་ཚོད་འཛིན་མ་ལག་བརྒྱུད་སྲུང་སྐྱོང་ཁུལ་ནང་གི་སྲོག་ཆགས་ཀྱི་བྱེད་སྒོའི་གནས་ཚུལ་དང་དེ་བཞིན་རིགས་ཁྱུའི་གྲངས་འབོར་ལ་ལྟ་ཞིབ་ཚད་ལེན་ཐུབ་པ་མ་ཟད། ད་དུང་ས་ཁོངས་ནང་གི་སྐྱེ་དངོས་སྣ་མང་རང་བཞིན་ལ་ཞིབ་འཇུག་དང་ཁྲིམས་འགལ་ཉེས་གསོག་བྱེད་སྤྱོད་ལ་རྡུང་རྡེག་གཏོང་བ་སོགས་ལ་དཔྱད་གཞིའི་ཡིག་རིགས་ཀྱང་མཁོ་འདོན་བྱེད་ཐུབ།

图片

        མིག་སྔའི་བར་དུ། སྲུང་སྐྱོང་ཁུལ་དེའི་ནང་དུ་རྒྱལ་ཁབ་ཀྱིས་གཙོ་གནད་དུ་སྲུང་སྐྱོབ་བྱེད་པའི་སྲོག་ཆགས་དང་རྩི་ཤིང་རིགས་138ཡོད། དེའི་ཁྲོད་དུ་རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོང་རྩི་ཤིང་རིགས་2དང་། རྒྱལ་ཁབ་ཀྱི་རིམ་པ་གཉིས་པའི་གཙོ་གནད་སྲུང་སྐྱོང་རྩི་ཤིང་རིགས་43 རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོང་སྲོག་ཆགས་རིགས་22 རྒྱལ་ཁབ་ཀྱི་རིམ་པ་གཉིས་པའི་གཙོ་གནད་སྲུང་སྐྱོང་སྲོག་ཆགས་རིགས་71བཅས་ཡོད། ད་དུང་ཏན་སྤྲེའུ་སྤུ་སེར་2500ལྷག་ཡོད་པ་རེད།


分享到：QQ空间新浪微博腾讯微博人人网微信