བདེ་ཆེན་མཐོ་སྒང་དུ་དཔྱིད་རྨོད་ཀྱི་ལས་ལ་བྲེལ།

རྩོམ་པ་པོ།     ཡིག་བསྒྱུར།       དུས་ཚོད།   2024-04-09   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཟླ4པའི་ཟླ་འགོར་འཇམ་མཉེན་གྱི་དཔྱིད་ཆར་གྱིས་བདེ་ཆེན་མཐོ་སྒང་བརླན་པར་བྱས་ནས་སྐྱེ་དངོས་ཐམས་ཅད་ལ་སྐྱེ་སྟོབས་ཀྱི་དཔལ་རྣམ་པར་བསྩལ།ས་མཐོའི་ཞིང་འབྲོག་མང་ཚོགས་ཀྱིས་ཞིང་ལས་ཀྱི་དུས་བཟང་འདི་དམ་འཛིན་བྱས་ནས་དཔྱིད་རྨོད་ལ་བྲེལ།ས་ཞིང་གྲུ་བཞིའི་ག་ས་གང་དུ་ཞིང་འབྲོག་མང་ཚོགས་ཀྱིས་ས་ཞིང་རྨོ་བ་དང་།ས་སློག་པ།ལུད་རྒྱག་པ།ཞིང་འདེབས་པ་སོགས་ཀྱི་གཟུགས་བརྙན་མཐོང་རྒྱུ་ཡོད་པ་དང་།འཁྱིལ་རྨོ་འཕྲུལ་འཁོར་དང་།སྤར་མོ་འཕྲུལ་འཁོར།འདྲུད་འཐེན་འཕྲུལ་འཁོར།ཞིང་རྨོ་འཕྲུལ་འཁོར་བཅས་ཞིང་ནང་དུ་ཕར་འགྲོ་ཚུར་འོང་བྱེད་བཞིན་ཡོད་པས་ཞིང་བྲེལ་རི་མོ་ཞིག་བྲིས་ཡོད།

        སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་ཧོ་ཕིང་གྲོང་ཚོ་འོག་ཕུ་གྲོང་མི་ཚོ་ཆུང་གི་མུའུ་100ལྷག་གི་གུང་ཚལ་འདེབས་འཛུགས་རྟེན་གཞིའི་ནང་ཞིང་པ་ཚོས་དུས་ཚོད་དམ་འཛིན་བྱས་ནས་གུང་ཚལ་གྱི་མྱུ་གུ་རེ་རེ་བཞིན་ཞིང་ནང་དུ་འདེབས་འཛུགས་བྱེད་ཀྱི་ཡོད།རྟེན་གཞིའི་འགན་འཁུར་བ་ཝང་ཅིན་ཧུའེ་ནི་ཏ་ལི་པིན་ཁྲོན་ནས་ཡོང་བ་དང་ཆེད་མངགས་སྔོ་ཚལ་འདེབས་འཛུགས་ཀྱི་ལས་ཀ་བྱེད་ཀྱི་ཡོད།ད་ལོ་ཁོང་གིས་འོག་ཕུ་གྲོང་མིའི་ཚོ་ཆུང་དུ་མུའུ་རེར་སྒོར་600ལྷག་ཙམ་གྱི་རིན་གོང་ཐོག་ནས་ས་ཞིང་མུའུ་100ལྷག་ཙམ་འགན་གཙང་བླངས་ཏེ་ས་མཐོར་གུང་ཚལ་འདེབས་རྒྱུའི་ཚོད་ལྟ་བྱས་པ་རེད།

        ཝང་ཅིན་ཧུའེ་ཡིས་ད་ལོའི་གུང་ཚལ་འདེབས་འཛུགས་ཀྱི་ལས་མི་སྤྱོད་པའི་དགོས་མཁོ་500ཡས་མས་ཟིན་རྒྱུ་ཡིན་པ་དང་ང་ཚོས་བསྡུ་སྤྱོད་བྱས་པའི་ཞིང་པ་ཕལ་ཆེ་བ་ཉེ་འགྲམ་གྱི་གྲོང་མི་ཡིན་པ་དང་།ཞིང་པར་ཉིན་རེར་ཡོང་འབབ་སྒོར་120ཡོང་གི་ཡོད།གུང་ཚལ་གྱི་རིན་གོང་དང་ཚོང་ལམ་ཚང་མ་ཡག་པོ་ཡོད་པས་ས་མཐོར་འདེབས་འཛུགས་ལེགས་གྲུབ་ཡོང་རྒྱུའི་རེ་བ་ཡོད། གོམ་སྟབས་རྗེས་མར་ང་ཚོས་འདེབས་འཛུགས་ཀུང་སི་བཙུགས་ནས་འདེབས་འཛུགས་ལེགས་གྲུབ་བྱུང་བའི་རྨང་གཞིའི་ཐོག་འདེབས་འཛུགས་ཀྱི་གཞི་ཁྱོན་ཆེ་རུ་བཏང་སྟེ་ཀུང་སི་འཕེལ་རྒྱས་འགྲོ་བ་དང་ཆབས་ཅིག་མང་ཚོགས་དེ་བས་མང་བར་འབབ་འཕར་ཡོང་རྒྱུར་སྐུལ་ཁྲིད་བྱ་རྒྱུ་ཡིན་ཞེས་བཤད་པ་རེད།


        སེམས་ཀྱི་ཉི་ཟླ་གྲོང་ཁྱེར་ཀྲུང་ཧའོ་ཀྲུང་ལུགས་སྨན་རྒྱུ་འདེབས་འཛུགས་ཚད་ཡོད་འགན་འཁྲི་ཀུང་སི་ནི་ས་བབ་མཐོ་བའི་ས་ཁུལ་དུ་འདེབས་འཛུགས་བྱ་རྒྱུར་འཚམ་པའི་ཀྲུང་ལུགས་སྨན་རྒྱུ་འདེབས་འཛུགས་དང་འདུལ་སྦྱོང་། གཞི་ཁྱོན་ཅན་གྱི་འདེབས་འཛུགས་ཐོན་སྐྱེད་དང་དེ་བཞིན་ཐོག་མའི་ལས་སྣོན་བྲིན་ཚོང་བྱེད་མཁན་ཁེ་ལས་ཤིག་རེད།ད་སྐབས་ཀུང་སི་འདིས་འདེབས་འཛུགས་སྔོན་གྱི་གྲ་སྒྲིག་བྱ་བར་བྲེལ་བཞིན་ཡོད།ཀུང་སི་དེའི་འགན་འཁུར་བ་སུན་ཅན་ཀྲུང་གིས་ངོ་སྤྲོད་བྱས་པར་གཞིགས་ན་མིག་སྔར་ཀུང་སི་དེས་ཤིང་སྤོས་སོགས་རྩྭ་སྨན་སྣ་ཁ་10ལྷག་ཙམ་འདེབས་འཛུགས་བྱས་པ་དང་། ས་བབ་མཐོ་བ་དང་ནད་འབུའི་གནོད་འཚེ་ཉུང་བའི་རྐྱེན་གྱིས་ཀྲུང་ལུགས་སྨན་རྒྱུ་སྤུས་ལེགས་པས་ཁྲོམ་རའི་གདེང་འཇོག་བཟང་པོ་རྒྱ་ཁྱབ་ངང་ཐོབ་ནས་ལོ་ལྟར་ཏུན་500ཡས་མས་བྲིན་ཚོང་བྱེད་ཀྱི་ཡོད།མིག་སྔར་ཉིན་ལྟར་ལས་མི་སྤྱོད་མཁན་མི་གྲངས་20ནས་30བར་ཡིན་པ་དང་དུས་མཇུག་ཏུ་ཉིན་ལྟར་མི་60ནས་70བར་མང་དུ་འགྲོ་རྒྱུ་རེད་ཅེས་བཤད་བྱུང་། 

        གཞན་ཤེས་གསལ་བྱུང་དོན།མིག་སྔར།བདེ་ཆེན་མངའ་ཁོངས་ཀྱི་འབྲི་ཆུའི་རྒྱུད་དུ་དཔྱིད་རྨོད་རྨོད་གྲབས་ཀྱི་ལས་དོན་ཡང་ཚ་ཚ་འུར་འུར་ངང་སྤེལ་བཞིན་ཡོད་པ་དང་རྒྱ་ཆེའི་ཞིང་པ་ཚོས་མྱུ་གུ་དང་སྔོ་ཚལ་སོགས་གསོ་རྒྱུར་བྲེལ་བཞིན་ཡོད། 

分享到：QQ空间新浪微博腾讯微博人人网微信