ནག་ཆུ་གྲོང་ཁྱེར་གྱིས་སྐབས་གསུམ་པའི“གྲོང་གསེབ་དར་སྤེལ། མདུན་སྐྱོད་ཀྱི་ནག་ཆུ”ཞེས་པའི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་ཆེན་མོ་སྤེལ་བ།

        བོད་རང་སྐྱོང་ལྗོངས་ནག་ཆུ་གྲོང་ཁྱེར་སྦྲ་ཆེན་རྫོང་ཡ་ང་གྲོང་རྡལ་གྱིས་སྐབས་གསུམ་པའི“གྲོང་གསེབ་དར་སྤེལ། མདུན་སྐྱོད་ཀྱི་ནག་ཆུ”ཞེས་པའི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་བྱ་འགུལ་སྤེལ་བ་རེད།

    པར་འདི་ནི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་གྱི་ཡུལ་དངོས་རྣམ་པ་རེད།

པར་འདི་ནི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་གྱི་ཡུལ་དངོས་རྣམ་པ་རེད།

པར་འདི་ནི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་གྱི་ཡུལ་དངོས་རྣམ་པ་རེད།

        ཐེངས་འདིའི་སྲོལ་རྒྱུན་རྩལ་ནུས་འགྲན་བསྡུར་རྣམ་གྲངས་ཀྱི་ནང་དུ་བསླས་འཐག་ལག་རྩལ་དང་ཀོ་ཆས་བཟོ་རྩལ། སྐོར་བྲོའི་འགྲན་བསྡུར། བོད་ཟས་གཡོས་བསྐོལ་ལག་རྩལ་སོགས་འདུས། འགྲན་བསྡུར་གྱི་ཡུལ་དངོས་སུ་རོང་འབྲོག་མང་ཚོགས་ཀྱིས་རང་ལུས་དམིགས་བསལ་གྱི་ཤེས་ཡོན་དང་དགའ་ཕྱོགས་ཟུང་འབྲེེལ་བྱས་ཏེ་ཧུར་ཐག་གིས་ཞུགས་པ་དང་རྩལ་ནུས་ངོམས་པས། ལྟ་འདོད་ཉན་སྤྲོ་བའི་འཁྲབ་སྟོན་ལ་ས་གནས་མང་ཚོགས་ཀྱི་དགའ་བསུ་ཆེན་པོ་ཐོབ།

པར་འདི་ནི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་གྱི་ཡུལ་དངོས་རྣམ་པ་རེད།

        ཤེས་གསལ་བྱུང་བ་ལྟར་ན། ཉེ་བའི་ལོ་འགའི་རིང་། ནག་ཆུ་གྲོང་ཁྱེར་སྦྲ་ཆེན་རྫོང་ཡ་ང་གྲོང་རྡལ་གྱིས་རྒྱ་ཆེའི་མི་དམངས་མང་ཚོགས་སྒྲིག་འཛུགས་བྱས་ནས“གྲོང་གསེབ་དར་སྤེལ། མདུན་སྐྱོད་ཀྱི་ནག་ཆུ”ཞེས་པའི་རོང་འབྲོག་པའི་སྲོལ་རྒྱུན་རྩལ་ནུས་འགྲན་བསྡུར་སྤེལ་བ་བརྒྱུད། ལོ་རེ་བཞིན་རོང་འབྲོག་མང་ཚོགས་ཀྱི་རྩལ་ནུས་ཆུ་ཚད་ཕོན་ཆེ་བའི་མཐོར་འདེགས་སུ་བཏང་བ་དང་། རྒྱ་ཆེའི་མང་ཚོགས་ཀྱི་ལས་ཞུགས་ཐབས་ལམ་དང་འབབ་འཕར་ཐབས་ལམ་རྒྱ་སྐྱེད་དུ་བཏང་བས། འགྲན་བསྡུར་བརྒྱུད་ནས་ལས་གཏོད་སྣེ་ཁྲིད་མཁན་དང་ཕྱི་སྐྱོད་ངལ་ལས་མི་སྣ་སྐོར་ཞིག་བྱུང་ཡོད་པ་དང་། ཤེས་ལྡན་མི་སྣ་སྐྱེད་སྲིང་དང་ལས་གཏོད་འབབ་འཕར་གཉིས་མཐོར་འདེགས་སུ་ཕྱིན་ཡོད། དེ་དང་ཆབས་ཅིག ཚ་ཚ་འུར་འུར་ངང་ལས་སྒྲུབ་ལས་གཏོད་དང་ལས་བརྩོན་ཕྱུག་བསྒྱུར་གྱི་རྣམ་པ་ལེགས་པོ་ཞིག་བསྐྲུན་ནས། གྲོང་གསེབ་ཕྱོགས་ཡོངས་ནས་དར་སྤེལ་ཡོང་བར་སྒུལ་ཤུགས་བསྩལ་ཡོད། །