ཞི་ཅིན་ཕིང་གིས་རྒྱ་ཆེའི་གཞོན་ནུ་ཚོར་འདི་ལྟར་གསུངས།

རྩོམ་པ་པོ།     ཡིག་བསྒྱུར།       དུས་ཚོད།   2024-05-04   རྩོམ་ཁུངས།    བོད་ལྗོངས་ཉིན་རེའི་ཚགས་པར།

    ལྔ་བཞི་གཞོན་ནུའི་དུས་ཆེན་འཆར་ལ་ཉེ་བའི་སྐབས་སུ་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་ཏང་ཀྲུང་དབྱང་གི་ཚབ་ཞུས་ནས་རྒྱལ་ཡོངས་ཀྱི་རྒྱ་ཆེའི་གཞོན་ནུ་ཚོར་དུས་ཆེན་གྱི་སྨོན་འདུན་ཞུས་གནང་བ་མ་ཟད། ལྷག་བསམ་ཟོལ་མེད་ཀྱི་འཚམས་འདྲི་ཡང་ཞུས་གནང་བ་རེད།  

    ཞི་ཅིན་ཕིང་གིས་བསྟན་དོན། དུས་རབས་གསར་པ་དང་རྒྱང་ལམ་གསར་པར་རྒྱལ་ཡོངས་མི་རིགས་ཁག་གི་གཞོན་ནུ་ཚོས་ཏང་དང་མི་དམངས་ཀྱི་འབོད་སྐུལ་ལ་ཉན་ནས་ཚན་རྩལ་གསར་གཏོད་དང་། གྲོང་གསེབ་དར་རྒྱས། ལྗང་མདོག་འཕེལ་རྒྱས། སྤྱི་ཚོགས་ཞབས་ཞུ། རྒྱལ་སྲུང་མཐའ་སྲུང་སོགས་ཁྱབ་ཁོངས་ཁག་དང་ཕྱོགས་གང་ཅིའི་ཐད་གདོང་དམག་དང་སྟོབས་ཤུགས་གསར་པ་བྱེད་ཕོད་པ་བྱས་ཏེ། རང་རྟོན་རང་དར་དང་སྟོབས་ཤུགས་ལྡན་ལ་རྗེས་ཐོན་པའི་བསམ་པའི་ཉམས་འགྱུར་མངོན་པར་བྱེད་དགོས། ཏང་ཀྲུང་དབྱང་གིས་རྒྱ་ཆེའི་གཞོན་ནུ་ཚོར་ཡིད་ཆེས་ཆེན་པོ་དང་རེ་བ་ཆེན་པོ་བཅོལ་ཡོད།          

    ཞི་ཅིན་ཕིང་གིས་ནན་བཤད་གནང་དོན། ད་ལོ་ནི་ཀྲུང་གོ་གསར་པ་དབུ་བརྙེས་ནས་ལོ་75འཁོར་བ་དང་ལྔ་བཞིའི་ལས་འགུལ་སྤེལ་ནས་ལོ་105འཁོར་བའི་ལོ་རེད། དེས་ན་རྒྱ་ཆེའི་གཞོན་ནུ་ཚོས་ལྔ་བཞིའི་སྙིང་སྟོབས་རྒྱུན་འཛིན་དང་དར་སྤེལ་གཏོང་བ་དང་། བློ་བརྟན་འགྱུར་མེད་ངང་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲངས་ནས་ཕུགས་བསམ་ལྡན་པ་དང་། འགན་འཁུར་ཕོད་པ། དཀའ་སྡུག་མྱོང་ཐུབ་པ། འབད་འཐབ་བྱེད་འདོད་པ་བཅས་ཀྱི་དུས་རབས་གསར་པའི་གཞོན་ནུ་ཡག་པོ་ཞིག་བྱས་ཏེ། རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་གྱི་བྱ་གཞག་རླབས་པོ་ཆེར་སྐུལ་འདེད་གཏོང་རིང་ལང་ཚོའི་རྗེས་ཐོན་པ་དང་། ལང་ཚོའི་ཉམས་འགྱུར་མངོན་པ། ལང་ཚོའི་སྟོབས་ཤུགས་འབུལ་བ་བཅས་བྱས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་ཆེད་དུ་འགན་འཁྲི་འཁུར་ཕོད་པའི་ལང་ཚོའི་གཏམ་རྒྱུད་ཧུར་ཐག་རྩོམ་དགོས།  


    ཞི་ཅིན་ཕིང་གིས་བསྟན་དོན། རིམ་ཁག་ཏང་རྩ་འཛུགས་ཀྱིས་ཏང་གིས་གཞོན་ནུའི་ལས་དོན་ལ་དོ་དམ་བྱེད་པའི་རྩ་དོན་མཐའ་འཁྱོངས་ཀྱིས་གཞོན་ནུའི་ལས་དོན་ལ་འགོ་ཁྲིད་བྱེད་ཤུགས་ཆེ་རུ་གཏོང་བ་དང་། གཞོན་ནུ་འཚར་ལོངས་ཡོང་བར་སེམས་ཁུར། རྒྱ་ཆེའི་གཞོན་ནུས་བྱས་རྗེས་འཇོག་པ་དང་བྱ་གཞག་སྒྲུབ་པར་རྒྱབ་སྐྱོར་བཅས་བྱེད་དགོས། གུང་གཞོན་སྡེ་ཚོགས་ཀྱིས་དུས་རབས་གསར་པ་དང་རྒྱང་ལམ་གསར་པར་ཏང་གིས་དཀྲིས་པའི་ལས་འགན་ཕྲག་ཏུ་ཁུར་ནས་སྲོལ་རྒྱུན་བཟང་པོ་རྒྱུན་འཛིན་དང་དར་སྤེལ་བཏང་སྟེ་རྒྱ་ཆེའི་གཞོན་ནུར་མཐུན་སྒྲིལ་དང་གོང་བུ་གཅིག་ཏུ་བསྒྲིལ་ནས་ཏང་དང་མི་དམངས་ཀྱི་བྱ་གཞག་ཆེད་དུ་འབད་འཐབ་ལྷོད་མེད་བྱེད་དགོས།



分享到：QQ空间新浪微博腾讯微博人人网微信