བདེ་ཆེན་ཁུལ་གྱིས་ཞིང་གཏོགས་ཁེ་ལས་8དང་ཁ་གཏད་རོགས་སྐྱོར་སྐོར་ལ་བཞུགས་མོལ་ཚོགས་འདུ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-05-11   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་5པའི་ཚེས་9ཉིན། བདེ་ཆེན་ཁུལ་དང་ཡུན་ནན་ཞིང་ཆེན་དངུལ་འཇོག་མ་རྐང་ཚོད་འཛིན་ཚོགས་པ། ཡུན་ནན་མཁའ་སྐྱོད་ཐོན་ལས་དངུལ་འཇོག་ཚོགས་པ། ཡུན་ནན་ཞིང་ཆེན་འཛུགས་སྐྲུན་དངུལ་འཇོག་མ་རྐང་ཚོད་འཛིན་ཚོགས་པ། ཡུན་ནན་ཞིང་ལས་གསར་སྤེལ་ཚོགས་པ། ཁང་ལུའི་ཚོགས་པ། ཡུན་ནན་ཐོན་ཁུངས་མ་རྐང་ཚད་ཡོད་ཀུང་སི། ཡུན་ནན་སྨན་དཀར་ཚོགས་པ། ཁུན་སྨན་ཚོགས་པ་བཅས་ཀྱི་ཁ་གཏད་རོགས་སྐྱོར་བཞུགས་མོལ་ཚོགས་འདུ་ཁུན་མིང་དུ་འཚོགས་པ།

    ཞིང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ་ཝུ་ཡུན་སན་གྱིས་ཚོགས་འདུ་གཙོ་སྐྱོང་གནང་བ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་ཚོགས་འདུར་ཞུགས་པ་དང་གསུང་བཤད་ཀྱང་གནང་བ།

    ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་ཚོགས་འདུར་ཞུགས་པ་དང་ཁ་གཏད་རོགས་སྐྱོར་ལས་དོན་དང་བདེ་ཆེན་ཁུལ་2023ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ཀྱང་མཚམས་སྦྱོར་བྱེད་པ་རེད།

    ཁུལ་ཨུའི་ཧྲུའུ་ཅི་གཞོན་པ་ལི་ཡན་ལན་ཚོགས་འདུར་ཞུགས་པ།

    ཚོགས་འདུའི་ཐོག་ཁེ་ལས་8ཀྱིས་ཁ་གཏད་རོགས་སྐྱོར་ལས་དོན་གྱི་གྲུབ་འབྲས་མཚམས་སྦྱོར་བྱས་པ་དང་བདེ་ཆེན་ཁུལ་གྱིས་བཏོན་པའི་རེ་ཞུ་ལས་དོན་རེ་རེ་ལ་ལེན་འདེབས་པ།

    ཝུ་ཡུན་སན་གྱིས་ཞིང་ཨུའི་འཐབ་ཕྱོགས་གཅིག་གྱུར་པུའུ་དང་ཞིང་ཨུའི་བོད་འབྲེལ་གཞུང་ལས་ཁང་གིས་ཞིང་གཏོགས་ཁེ་ལས་8ཀྱིས་བདེ་ཆེན་ལ་རོགས་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་པ་དང་།སྔར་ལས་ལྷག་པར་བསམ་བློའི་ངོས་འཛིན་མཐོར་གཏོང་བ་དང་ལས་དོན་གཙོ་གནད་འབུར་དུ་ཐོན་པ། ཁྱད་ལྡན་ཐོན་ལས་ཀྱི་འཕེལ་རྒྱས་མགྱོགས་མྱུར་ངང་བཏང་ནས་ཁ་གཏད་རོགས་སྐྱོར་ལས་ཀ་སྒྲུབ་པ། ཁེ་ལས་ཀྱིས་ལེགས་ཆ་འདོན་སྤེལ་བྱེད།སྔར་ལས་ལྷག་པར་རྩ་འཛུགས་འགོ་ཁྲིད་བྱེད་ཤུགས་ཆེ་རུ་གཏོང་བ། ཁ་གཏད་རོགས་སྐྱོར་མ་དངུལ་ལ་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་དགོས་པའི་ནན་བཤད་གནང་།

    ལུའོ་ཁྲའོ་ཧྥེང་གིས་བདེ་ཆེན་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་ཞིང་ཨུའི་འཐབ་ཕྱོགས་གཅིག་གྱུར་པུའུ་དང་ཞིང་གཏོགས་ཁེ་ལས་8ཀྱིས་ཐུགས་ཁུར་དང་རོགས་སྐྱོར་གནང་བར་ཐུགས་རྗེ་ཆེ་ཞུ་རྒྱུ་ཡིན་པ་དང་། ཁོང་གིས་ཀྲུང་དབྱང་གི་བོད་འབྲེལ་ཚོགས་འདུ་ཐེངས་བདུན་པ་ནས་བཟུང་། ཞིང་གཏོགས་ཁེ་ལས་8ཀྱིས་བདེ་ཆེན་ཁུལ་ལ་ཁ་གཏད་རོགས་སྐྱོར་བྱེད་པའི་ལས་དོན་ལ་ཚད་མཐོའི་མཐོང་ཆེན་བྱས་ནས། ཁ་གཏད་རོགས་སྐྱོར་ལས་ཀར་གྲུབ་འབྲས་དངོས་པོ་ཐོབ་པ། ཞིང་གཏོགས་ཁེ་ལས་8ཀྱིས་སྔར་ལས་ལྷག་པར་རོགས་སྐྱོར་མཉམ་ལས་ཁྱབ་ཁོངས་རྒྱ་ཆེར་སྐྱེད་པ་དང་བདེ་ཆེན་ལ་རིག་ནུས་དང་ལག་རྩལ་རོགས་སྐྱོར་བྱེད་ཤུགས་ཆེར་གཏོང་བར་རེ་སྒུག་ཡོད་པ་དང་། བདེ་ཆེན་ཁུལ་གྱིས་ཁེ་ལས་སོ་སོ་དང་སྔར་ལས་ལྷག་པར་མཉམ་ལས་ཁྱབ་ཁོངས་རྒྱ་ཆེར་སྐྱེད་ནས་དང་རོགས་སྐྱོར་ཁེ་ལས་དང་ཕན་ཚུན་གཉིས་ཕན་དང་མཉམ་དུ་འཕེལ་རྒྱས་བྱུང་བར་མངོན་གྱུར་བྱུང་འདོད་ཡོད་པ།

    ཞིང་ཨུའི་བོད་འབྲེལ་གཞུང་ལས་ཁང་གི་འབྲེལ་ཡོད་འགོ་ཁྲིད། རང་ཁུལ་འགོ་ཁྲིད་ཞུས་ཀོན་ཏེ་དང་ཀྲོང་ཞའོ་ཕིང་། ཁུལ་རིམ་པའི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་ཚོགས་འདུར་ཞུགས་ཡོད།


分享到：QQ空间新浪微博腾讯微博人人网微信