བདེ་ཆེན་ན་གཞོན་ལས་གཏོད་ཐོན་རྫས་འདེམས་ལྟེ་གནས་ཧྲང་ཧའེ་པའོ་ཧྲན་ཁུལ་དུ་གཞིས་ཆགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-05-14   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

     ཉེ་ཆར་བདེ་ཆེན་ཁུལ་ན་གཞོན་ལས་གཏོད་ལས་ཞུགས་ཐོན་རྫས་འདེམས་སྒྲུག་ལྟེ་གནས་ཧྲང་ཧའེ་གྲོང་ཁྱེར་པའོ་ཧྲན་ཆུས་ཀྲང་མིའོ་ཁྲོམ་གཞུང་དུ་བཙུགས་པ་རེད། ཐོན་རྫས་འདེམས་པའི་ལྟེ་གནས་བཙུགས་པ་དེས་བདེ་ཆེན་གྱི་ཁྱད་ལྡན་ཐོན་རྫས་ལ་དེ་བས་རྒྱ་ཆེ་བའི་ཁྲོམ་རའི་བར་མཐོངས་གཏོད་རྒྱུ་རེད།

    ཐོན་རྫས་འདེམས་པའི་ལྟེ་གནས་ཀྱིས་རང་ཁུལ་གྱི་གཞོན་ནུ་གསར་གཏོད་ཁེ་ལས་ཀྱིས་ཐོན་སྐྱེད་བྱས་པའི་སྟར་སྣུམ་དང་། བོད་ཡུལ་ཆང་བ་ལིའི་ཀ་ར།  ས་མཐོའི་པད་ཁའི་སྣུམ།  སེམས་ཀྱི་ཉི་ཟླའི་སྦི་རག  བོད་ཞིམ་ཕག་ཤ་སོགས་སྤུས་ལེགས་ཐོན་རྫས་ལེགས་འདེམས་བྱས་ནས་འགྲེམས་སྟོན་དང་ཕྱིར་ཚོང་བྱས་ཏེ་བདེ་ཆེན་ས་མཐོའི་ཞིང་ལས་དམིགས་བསལ་ཐོན་རྫས་ཀྱིས་ཧྲང་ཧའེ་ཁྲོམ་ར་རྒྱ་སྐྱེད་གཏོང་རྒྱུར་ཕན་ནུས་ལྡན་པ་དང་། བདེ་ཆེན་ཞིང་ལས་དམིགས་བསལ་ཐོན་རྫས་ཀྱི་སྤུས་རྟགས་སྐད་གྲགས་ཆོད་ཚད་མཐོ་རུ་གཏོང་རྒྱུར་རོགས་རམ་བྱས་ནས་བདེ་ཆེན་ཞིང་ལས་དམིགས་བསལ་ཐོན་རྫས་ཀྱི་ཚོང་རྟགས་གྲགས་ཅན་དང་མཚན་སྙན་ཆེ་རུ་གཏོང་རྒྱུར་དེ་བས་མང་བ་བྲིན་ཚོང་བྱེད་པའི་ཐབས་ལམ་དང་གོ་སྐབས་མཁོ་འདོན་བྱས་ཏེ་བདེ་ཆེན་གྲོང་གསེབ་དར་རྒྱས་གཏོང་བ་དང་དཔལ་འབྱོར་འཕེལ་རྒྱས་ལ་སྐུལ་འདེད་བཏང་ཡོད་པ་རེད། དེ་དང་ཆབས་ཅིག་ཧྲང་ཧའེ་ཡི་འཛད་སྤྱོད་པར་སྣ་མང་ཅན་དང་སྤུས་ཚད་མཐོ་བའི་ཞིང་ལས་ཐོན་རྫས་མཁོ་འདོན་བྱེད་ཀྱི་ཡོད་པ་རེད།   བྱེད་སྒོའི་བར་སྐབས་རིང་ཧྲང་ཧའེ་ཡི་དགེ་སྒྲུབ་མི་སྣ་ཅང་ཤོན་ཞ་ཡིས་བདེ་ཆེན་ཁུལ་ལ་རིན་ཐང་སྒོར་ཁྲི་64ཟིན་པའི་དངོས་ཟོག་ཞལ་འདེབས་སུ་ཕུལ་བ་དེ་གཙོ་བོ་གཞིས་སྲུང་བྱིས་པར་སེམས་ཁུར་དང་གཅེས་སྐྱོང་བྱེད་པའི་ལས་དོན་སྤེལ་བར་སྤྱོད་རྒྱུ་རེད།

    གོམ་སྟབས་རྗེས་མར་ཁུལ་ཨུ་དང་ཁུལ་ན་གཞོན་ལས་གཏོད་ཚོགས་པས་ན་གཞོན་ལས་གཏོད་ཐོན་རྫས་འདེམས་པའི་ལྟེ་གནས་ལ་གཞི་བཅོལ་ནས་བདེ་ཆེན་ན་གཞོན་གྱི་ལས་གཏོད་ཐོན་རྫས་དེ་བས་མང་བ་ཧྲང་ཧའེ་ཁྲོམ་རར་ཞུགས་རྒྱུར་རོགས་རམ་བྱས་ཏེ་ཚོགས་མིའི་ཁེ་ལས་ཀྱི་བྲིན་ཚོང་ལམ་རྒྱ་ཆེར་གཏོང་རྒྱུ་དང་སྤུས་རྟགས་ཀྱི་སྐད་གྲགས་ཆོད་ཚད་མཐོ་རུ་གཏོང་རྒྱུར་ཧུར་ཐག་བྱས་ནས་བདེ་ཆེན་ས་གནས་དེ་གའི་ཁེ་ལས་འཕེལ་རྒྱས་ལ་གསོན་ཤུགས་གསར་པ་སྣོན་རྒྱུ་ཡིན་པ་རེད།  


分享到：QQ空间新浪微博腾讯微博人人网微信