ཀྲང་ཀྲི་ལི་བདེ་ཆེན་དུ་ཕེབས་ནས་བོད་འབྲེལ་ལས་ཀར་ཞིབ་དཔྱད་གནང་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་5པའི་ཚེས་13ཉིན་ནས་ཚེས་14ཉིན། ཞིང་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་། ཧྲིན་ཀྲང་གཞོན་པ་ཀྲང་ཀྲི་ལི་བདེ་ཆེན་དུ་ཕེབས་ནས་བོད་འབྲེལ་ལས་ཀར་ཞིབ་དཔྱད་གནང་བ།

        ཀྲང་ཀྲི་ལི་ཡིས་སུམ་རྩེན་གླིང་དང་ཡུན་ནན་བོད་བརྒྱུད་ནང་བསྟན་སློབ་གླིང་དུ་ཆོས་ལུགས་ལས་རིགས་ཀྱི་འཐུས་མི་དང་བཞུགས་མོལ་བརྗེ་རེས་གནང་སྐབས།ཏང་གི་ཆོས་ལུགས་ལས་དོན་གྱི་གཞི་རྩའི་ཐབས་ཇུས་ཡང་དག་པའི་ངང་ཕྱོགས་ཡོངས་ནས་དོན་འཁྱོལ་བྱེད་དགོས་པ་དང་། བོད་བརྒྱུད་ནང་བསྟན་ཆོས་ལུགས་ཀྲུང་གོ་ཅན་དུ་ཕྱོགས་པར་རྒྱུན་འཁྱོངས་བྱེད་ནས། ཐུན་མོང་ཐོག་བོད་འབྲེལ་ཁུལ་དང་རྫོང་གི་མི་རིགས་མཐུན་སྒྲིལ། སྤྱི་ཚོགས་བརྟན་བརླིང་གི་རྣམ་པ་བཟང་པོ་སྲུང་སྐྱོང་ཡག་པོ་བྱེད་དགོས། ཁྲིམས་ལྟར་ཆོས་ལུགས་ལས་དོན་དོ་དམ་བྱེད་པ། རྒྱལ་ཁབ་འདུ་ཤེས། སྤྱི་དམངས་འདུ་ཤེས་དང་ཁྲིམས་སྐྱོང་འདུ་ཤེས་ཇེ་བརྟན་དུ་བཙུགས་ནས། བཅའ་ཁྲིམས་སྒྲིག་གཞིའི་འོག་ཁྲིམས་ལྟར་ཆོས་ལུགས་བྱེད་སྒོ་སྤེལ་དགོས། རྒྱལ་གཅེས་ཆོས་གཅེས་ཀྱི་སྲོལ་རྒྱུན་ལེགས་པོ་དར་སྤེལ་གཏོང་བ་དང་། དེ་བས་ལེགས་པའི་སྒོ་ནས་རྒྱལ་ཁབ་ཀྱི་འཕེལ་རྒྱས་དང་ཕྱོགས་གཅིག་ཏུ་སྐྱོད་དགོས་པའི་ནན་བཤད་གནང་བ།

        ཀྲང་ཀྲི་ལི་ཡིས་ནགས་ཚལ་སྐོར་ཞིབ་གནང་སྐབས། ཞི་ཅིན་ཕིང་གི་སྣོད་བཅུད་ཤེས་དཔལ་དགོངས་པ་གཏིང་ཟབ་ཏུ་སློབ་སྦྱོང་དོན་འཁྱོལ་བྱེད་པ་དང་། རི་སྔོ་ཆུ་གཙང་ནི་གསེར་རི་དངུལ་རི་ཡིན་པའི་འདུ་ཤེས་བརྟན་པོར་འཛུགས་དགོས། ནགས་དཔོན་ལམ་ལུགས་ཀྱི་ལས་འགན་ནན་པོའི་ངང་འཁུར་བ་དང་།སྣོད་བཅུད་ཁོར་ཡུག་སྲུང་སྐྱོང་བྱེད་ཤུགས་ཆེ་རུ་གཏོང་བ། ནགས་འོག་ཐོན་ལས་གོང་འཕེལ་བཏང་ནས། ཕྱོགས་ཡོངས་ནས་སྔོ་ལྗང་དང་མཛེས་སྡུག་ལྡན་པའི་ཡུན་ནན་འཛུགས་སྐྲུན་ལ་སྐུལ་འདེད་གཏོང་དགོས་ཞེས་བསྟན་པ་རེད།