ས་མཐོའི་རྩི་ཤིང་ལྡུམ་རར་ཞིབ་འཇུག་དང་སློབ་སྦྱོང་ལ་འགྲོ་ཆོག

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། དྲུག་གཅིག་བྱིས་པའི་དུས་ཆེན་ཤར་ཉེ་བའི་སྐབས་སུ། སེམས་ཀྱི་ཉི་ཟླ་ས་མཐོའི་རྩི་ཤིང་ལྡུམ་རས་བྱིས་པ་ཚོ་ལ་སྤྲོ་བ་ལྡན་པའི་ཞིབ་འཇུག་དང་སློབ་སྦྱོང་བྱེད་སྒོ་ཞིག་ཇུས་འགོད་བྱས་ཡོད་ལ། ཟླ་6པར་བྱིས་པ་ཚོ་རང་འདོད་ངང་སྔོན་ཆད་མིང་ཐོ་བཀོད་ནས་བྱེད་སྒོར་ཞུགས་ན་ཚན་རིག་ཁྱབ་སྤེལ་འཆད་ཁྲིད་དང་ལག་བསྟར་བྱེད་སྒོར་ཞུགས་ཐུབ་པ་མ་ཟད། ཟླ་6པའི་ཞིབ་མཇུག་དང་སློབ་སྦྱོང་བྱེད་སྒོ་འདིར་ཞུགས་པའི་བྱིས་པ་རྣམས་ཡུན་ནན་ཚན་རིག་ཁྱབ་སྤེལ་སློབ་གསོ་གནས་གཞི་དང་སེམས་ཀྱི་ཉི་ཟླ་ས་མཐོའི་རྩི་ཤིང་ལྡུམ་རའི་ཞིབ་འཇུག་དང་སློབ་གསོ་དཔང་ཡིག་བླངས་ཐོབ་རྒྱུ་རེད།

        སེམས་ཀྱི་ཉི་ཟླའི་གྲོང་མཁར་ནས་རྒྱལ་ལམ་214དེད་ནས་བྱང་ཕྱོགས་ལ་བར་ཐག་སྤྱི་ལི་10འགྲོ་ནས་སེམས་ཀྱི་ཉི་ཟླ་ས་མཐོའི་རྩི་ཤིང་ལྡུམ་རར་སླེབས་ཐུབ་པ་དང་ནགས་ཕག་མཚོ་བརྒྱུད་དགོས། སེམས་ཀྱི་ཉི་ཟླ་ས་མཐོའི་རྩི་ཤིང་ལྡུམ་ར་ནི་ས་མཐོའི་རྩི་ཤིང་ཚན་རིག་ཁྱབ་སྤེལ་དང་སྐྱེ་ཁམས་ཡུལ་སྐོར་ལྡུམ་ར་ཞིག་ཡིན། ཉེ་སྔོན། ལྡུམ་ར་ནང་གི་ཡུལ་རྒྱན་མེ་ཏོག་དང་ལུག་མཉེའི་མེ་ཏོག ཐག་འཁྱུད་མེ་ཏོག་སོགས་མེ་ཏོག་སྣ་ཚོགས་གཅིག་རྗེས་གཉིས་མཐུད་ཀྱིས་བཞད་ཡོད་པ་མ་ཟད། ལྡུམ་ར་ནང་གི་ཚན་རྩལ་ཁྱབ་སྤེལ་འགྲེམས་སྟོན་ཁང་དང་ས་ངོས་ཟླུམ་སྡོང་མེ་ཏོག་འགྲེམས་ཁུལ། དཔེ་ཀློག་ཁང་བཅས་ཀྱིས་གྲོང་མི་དང་བྱིས་པ་ཚོར་སློབ་སྦྱོང་སྤྲོ་གསེང་བྱེད་ས་ཡག་པོ་ཞིག་མཁོ་འདོན་བྱས་ཡོད། སློབ་ཆུང་ལོ་རིམ་གཉིས་པའི་སློབ་མ་ཟླ་བ་ཚེ་རིང་གིས་འདིར་མེ་ཏོག་སྣ་མང་དང་པར་རྒྱག་ཐུབ་པ། སློབ་དེབ་ཐོག་གི་ལྕོང་མོ་ཆུང་ཆུང་མཐོང་ཡོད་པ་མ་ཟད། དཔེ་ཀློག་ཁང་ནས་མཐོང་མ་མྱོང་བའི་དཔེ་ཆ་མང་པོ་ཀློག་ཐོབ་པས་ང་རང་འདིར་ཡོང་རྒྱུར་ཧ་ཅང་དགའ་པོ་ཡོད།