ཀྲུང་ཧྭ་མི་རིགས་ཀྱི་ཐུན་མོང་ལ་དབང་བའི་བསམ་པའི་ཁྱིམ་གཞིས་འཛུགས་སྐྲུན་གྱི་བརྗོད་བྱ་གཙོ་བོའི་རིག་གནས་བྱེད་སྒོ་ལས་ཡུན་ནན་གྱི་ལེ་ཚན། སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་དུ་བསྐྱོད་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-05-30   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། དབྱར་ཆར་གྱིས་སྐྱིད་སྣང་དོད་པའི་སློབ་གསེང་ཆེ་མོར་སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་གི་དགེ་སློབ་ཚོ་གཅིག་རྗེས་གཉིས་མཐུད་ངང་སློབ་ཁང་ནས་ཕྱིར་བུད་དེ་ལུས་རྩལ་ཐང་དུ་ཡོང་བ་དང་། སྤྲོ་སྣང་ལྡན་པའི་རོལ་དབྱངས་དང་བསྟུན་ནས་བོད་རིགས་ཀྱི་སྐོར་བྲོ་འཁྲབ་ལ།དགེ་སློབ་ཀྱི་གདོང་ནས་དགའ་སྤྲོའི་མེ་ཏོག་བཞད།སློབ་གསེང་སྐབས་དགེ་སློབ་མཉམ་དུ་མི་རིགས་སློབ་གསེང་ལུས་སྦྱོང་བྱེད་པ་དེ་མི་རིགས་སློབ་ཆུང་ནང་གི་མཛེས་སྡུག་ལྡན་པའི་ཡུལ་ལྗོངས་ཤིག་ཏུ་གྱུར་ཡོད།ཡུལ་དངོས་སུ་ལྟ་སྦྱོང་བྱེད་པར་ཞུགས་མཁན་ཞིང་ཆེན་(རང་སྐྱོང་ལྗོངས་དང་གྲོང་ཁྱེར་)ཁག་གི་མི་རིགས་ལས་དོན་སྡེ་ཚན་གྱི་འབྲེལ་ཡོད་འགན་འཁུར་བ་སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་དུ་ཡོང་ནས་རྣམ་པ་དེ་མཐོང་སྐབས། བྱེད་སྒོ་དེས་ཕྲུ་གུ་ཚོར་མཐུན་སྒྲིལ་དང་ཞི་མཐུན་གྱི་མཛེས་སྡུག་ཚོར་ཐུབ་པ་མ་ཟད་ད་དུང་ཕྲུ་གུ་ཚོས་མི་རིགས་ཀྱི་ཞབས་བྲོའི་མཛེས་སྡུག་ལ་རོལ་མྱོང་བྱེད་པའི་ནུས་པ་གསོ་སྐྱོང་བྱེད་ཐུབ་པའི་ཚོར་སྣང་ཟབ་མོ་བྱུང་།

图片

        ཞབས་བྲོ་འཁྲབ་ཚར་རྗེས་སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་མཉམ་ལེན་ཚོགས་པའི་ཕྲུ་གུ་ཚོས་སླར་ཡང་སློབ་གྲྭས་རང་བརྟེན་རྩོམ་སྒྲིག་བྱས་པའི་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་ཡིག་འབྲུ་24ཡི་བྱིས་གླུ་བླངས་ནས་རིག་གནས་ཀྱི་གདེང་ཚོད་དང་མི་རིགས་ཀྱི་སྤོབས་སེམས་མངོན་པར་བྱས་ཏེ་ལྟ་སྦྱོང་ཚོགས་ཆུང་གི་ཡིད་དབང་རྣམ་པར་བཀུག

        དེ་རྗེས་ལྟ་སྦྱོང་ཚོགས་ཆུང་གིས་ཕྲུ་གུ་ཚོ་དང་མཉམ་དུ་མི་རིགས་མཐུན་སྒྲིལ་གྱི་བརྗོད་བྱ་གཙོ་བོའི་སློབ་གསོའི་སློབ་ཚན་འཚོགས་པ་དང་།དངོས་མིན་རིག་གནས་ཤུལ་བཞག་གི་སློབ་ཁྲིད་སོགས་སུ་ཞུགས།སློབ་གྲྭའི་འགན་འཁུར་བས་དངོས་མིན་རིག་གནས་ཤུལ་བཞག་སློབ་གྲྭར་སྐྱོད་པའི་བྱེད་སྒོ་སྤེལ་ཚུལ་གྱི་ངོ་སྤྲོད་ལ་གསན་པ་དང་།སློབ་གྲྭའི་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཀྱི་བརྗོད་བྱ་གཙོ་བོའི་སློབ་གསོ་ཁང་དུ་བསྐྱོད་ནས་འགྲེལ་བཤད་ཉན་པ་དང་འགྲེམས་སྟོན་ལ་ལྟ་བའི་བྱེད་ཐབས་བརྒྱུད་མི་རིགས་སློབ་ཆུང་གི་མི་རིགས་ལས་དོན་གྱི་འཕེལ་རྒྱས་བརྒྱུད་རིམ་བསྐྱར་དྲན་བྱས་པ་རེད།

图片

        ལྟ་སྦྱོང་བྱེད་རིང་ལྟ་སྦྱོང་ཚོགས་ཆུང་གིས་ལམ་བར་དུ་དཔྱད་བསྡུར་དང་གྲོས་བསྡུར་བྱས་ནས་ལྟ་སྦྱོང་གི་མྱོང་ཚོར་ལྷུག་པོར་གླེང་བ་དང་མྱོང་ཚོར་དང་གྲུབ་འབྲས་སྤེལ་རེས་བྱས་པ་རེད། ལྟ་སྦྱོང་ཚོགས་ཆུང་གིས་ཕྲུ་གུ་ཚོས་མཉམ་དུ་གླུ་དབྱངས་ལེན་པ་དང་མཉམ་དུ་ཞབས་བྲོ་འཁྲབ་པ་མཐོང་སྐབས་སློབ་གྲྭས་མི་རིགས་མཐུན་སྒྲིལ་གྱི་སློབ་གསོ་དང་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་སློབ་གསོ་དེ་རྒྱུན་གཏན་གྱི་སློབ་ཁྲིད་དང་འཚོ་བའི་ནང་མཉམ་འདྲེས་བྱེད་པའི་བྱེད་སྟངས་དེར་ཁས་ལེན་བྱེད་རིན་ཡོད་པ་ཞིག་རེད།སློབ་གྲྭ་འདི་ཉིད་དངོས་མིན་རིག་གནས་ཤུལ་བཞག་གི་རིག་གནས་སློབ་གྲྭར་སྤེལ་བའི་བྱེད་སྒོ་དེ་གསོན་ཉམས་དོད་པོ་ངང་སྤེལ་ནས་ཕྲུ་གུ་ཚོའི་སེམས་ནང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བའི་ས་བོན་བཏབ་པས་ངས་བསམ་ན་ས་བོན་དེ་དག་མཐར་རྩ་བ་ཚུགས་ནས་མྱུ་གུ་འབུས་པ་དང་མེ་ཏོག་བཞད་ནས་འབྲས་བུ་སྨིན་རྒྱུ་རེད།ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་བརྗོད་བྱ་གཙོ་བོའི་སློབ་གསོ་ཁང་འཛུགས་རྒྱུ་དེ་སློབ་གྲྭ་དེའི་དགེ་སློབ་ཚོས་མི་རིགས་ལས་དོན་ལ་ཤུགས་སྣོན་རྒྱག་པ་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་དང་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུར་དགེ་མཚན་ལྡན་ལ་གཏིང་ཟབ་པའི་དོན་སྙིང་ལྡན་ཡོད།སློབ་གྲྭས་རོལ་རྩེད་ཞོར་ལ་སློབ་གསོ་ཐེབས་པའི་སློབ་ཁྲིད་བྱེད་སྟངས་ལ་བརྟེན་ནས་ལས་དོན་སྤེལ་ཏེ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པའི་སློབ་གསོའི་ལས་དོན་དེ་བས་གཟུགས་ལྡན་དང་།ཚོར་སྣང་ལྡན་པ།ཕན་ནུས་ལྡན་པ་བཅས་སུ་འགྱུར་བར་བྱས་ཡོད་ཅེས་སློབ་གྲྭ་དེའི་མི་རིགས་ལས་དོན་ལ་ཚད་མཐོའི་ཁས་ལེན་གནང་བ་རེད།


分享到：QQ空间新浪微博腾讯微博人人网微信